Jeremías 6:7 - Chuj San Sebastian Bible

⁷ A wal 'a Jerusalén chi tzpitzw chan̈ maysch'olnilal, 'icha wal spac' junc a a'. Cojxn 'ixtj 'anma', miljb'a'il. Axn̈ej yab'il yet' lajwel tzwiln̈j 'a scal eb' chon̈ab'.

Chuj San Mateo Bible

⁷ A d'a Jerusalén chi' spac'chaan̈ chucal, icha val sq'ueul sjaj junoc a a'. An̈ej ixtoj anima yed' chucal sb'inaj d'ay. Yuj chi' ol jan̈ej yaelal d'a yib'an̈ jun chon̈ab' chi'.

Jeremías 6:7 Referans Kwoze

Ez 7:23

'Ac' b'o jaye'oc q'uen cadena, yujto a 'a jun nacion̈ tic, til wal eb' ma'm cham 'anma 'oj jalxoc yet' q'ue'en. Caw wal b'ut'jnac 'el jun chon̈b' tic yuj maysch'olnil.

Ez 7:11

A maysch'olnil, caw wal xniwtj cha'an̈. Palta a eb' tzb'on maysch'olnil cha, man̈x 'a xon junc eb' 'oj canoc, man̈x 'a junc mach 'oj b'inaxc yuj tas 'ay 'a 'a.

Jeremías 20:8

A yic tzin paxtin 'a eb' 'a junjn 'ejem, tzwaln 'ixtc 'a eb': 'Oj jawc yailal 'a eyib'an̈, 'oj e lajw 'eli, xin chi 'a eb'. Yuj wal cha, 'ayn̈j 'och eb' yaln tu paxti 'ayin, tzin sb'uchn pax eb', yujn̈ej to tzwal-l a paxti'.

Is 57:20

Palta ax eb' tu snab'en, lajn eb' 'icha a mar tzq'ue wan b'alb'noc yib'n̈ yuj 'ic', may tz'aj yoch wan a', tzlaj yi'n cot a smasnil c'alem, 'ixta yaj eb'.

Ez 24:7

Yujto a jun chon̈b' cha, b'on̈xnac 'el yuj chic', man̈oc 'a sat lum tz'emi sec matz tup 'ejm 'a scal pococ. Palta to yib'n̈ q'uen tz'ejm can chic' cha.

Pr 4:23

Tza ya'ilj a nab'en 'a yib'n̈ smasnil tas 'ay 'a yolyib'n̈q'uinl tic, yujto a 'a nab'en cha, a tzach 'i'n b'ey 'a swach'il mto 'a stu'al.

Is 59:6

A jun tzo'n̈ ch'alxim cha, may 'aj wach' sc'anxi, matz tac' sb'o spichloc 'anma'. 'Icha jun tzo'n̈ ch'alxim cha, 'ixta tas nab'il eyu'uj, cojn 'ixtj 'anma 'ayc' 'a e nab'en, tze b'on tas tu 'icha tze nib'ej.

Jeremías 30:12

Tzyaln pax Jehová 'ixtc 'a eb' schon̈ab': A wal tas lajwnac 'ayx cha, ma'oj stac' yan̈txi, a eyailal cha, caw man̈x 'a sremelal.

Jeremías 30:13

Man̈x 'a mach 'oj e nani, may mach 'oj 'an̈tnoc tas lajwnac 'ayx cha, man̈x 'a sremelal jun eyailal cha.

Jeremías 32:31

A eb' 'anma 'a jun chon̈b' tic, yictax yel yich sb'on 'ejm sb'a eb' 'a 'a, masnto 'a yic jun c'ul tic, may tas wach' sb'o eb', cojn wal stzuntzn cot eb' yowl in c'ojol. Yuj wal cha, caw 'oj in satl eb'.

Ez 45:9

An Jehová in, an tzwala: Ex yajl chon̈b' Israel, colb'l xo wal eyixtn eb' 'anma cha. B'ocyaj eb' 'anma 'a swach'il, tojl cab'n̈ej tzeyutj e b'eyc'ojlan eb'. 'Actjec eyi'n 'ec' slum eb' in chon̈ab'.

Is 1:6

'Icha to man̈x 'a xon jac sjacnil 'a sniwnal yuj syailal, tzchaj 'el 'a yoc masnto tzq'ue'ch 'a sjolom. 'Ay 'elnc sat, 'ay ton̈j malnac, 'ay pax wan sc'a'i. May pax yan̈l tzya'chi, may mach tz'a'n 'och jac spichl sat, may pax jac aceite tzya'ch 'a 'a yic tzpacb'i, 'ixta on̈ 'ajec.

Jeremías 8:22

¿Man̈x am wal sb'omb'il 'a lum Galaad? ¿May am wal junc mach tztac' yan̈tn ta'? ¿Tas wal yuj matz tac' yan̈tx eb' wit chon̈b' tic?

Jeremías 30:15

¿Tas yuj til wal yel eyaw yuj eyailal cha? A eyailal cha, man̈x 'a yan̈il, yujto caw niwn e maysch'olnilal. Caw man̈x b'ischjb'enoc e mul, yuj cha, 'ixta tzex wutej.

Ez 21:29

Til wal tas tzcob' sna chan̈ eb' 'anma chi yal 'ayex. Tzcob' yal eb' 'ixtic: Man̈ ex 'och 'il, may tas 'oj jawc 'a quib'n̈ec, xchi cob' eb', palta a jun tzo'n̈ cha, 'esn̈ej. A q'uen espada cha, 'etzn xo 'och q'uen 'a yib' sjaj jun chon̈b'al eb' 'anma cha, yujto maysch'olnil sb'eyb'al eb'. 'Ayx 'och eb' 'a yol sc'ab' chamel. Xc'och stiempoal yoch syailal eb' yuj tas maysch'olnil tzb'o'o.

Sofonías 3:1

'Oltac wal eb' 'aj Jerusalén, yujto caw wal tenmtac eb', man̈ wach'c eb', 'ixtm 'anma pax eb'.