Jeremías 52:9 - Chuj San Sebastian Bible

⁹ 'Ix yamchj win rey Sedequías chi yuj eb' soldado yic Babilonia, xyi'n 'at eb' win 'a win sreyl Babilonia 'ayc' 'a Ribla 'a yol yic Hamat. Ata 'ix yal Nabucodonosor tas tz'aj Sedequías.

Chuj San Mateo Bible

⁹ Ix syaman vin̈aj rey Sedequías chi' eb' soldado yic Babilonia chi', ix yic'anb'at vin̈ eb' d'a vin̈aj Nabucodonosor ayec' d'a Ribla, d'a yol smacb'en chon̈ab' Hamat. Ata' ix yal vin̈ tas ol utaj vin̈aj Sedequías chi'.

Jeremías 52:9 Referans Kwoze

Jeremías 39:5

Palta ax eb' soldado Babilonia cha, 'ix 'ochn̈j tza'n eb' yuj eb', axta xyamchj Sedequías yuj eb' 'a ya'lical Jericó. 'Ix yi'n 'at eb' 'a win rey Nabucodonosor. Ata 'ayc' win 'a chon̈b' Ribla 'a yol yic Hamat. Ata 'ix yal winac tas tz'aj winac. Wal 'a sat Sedequías cha, 'ix ya'n win rey chi milxoc cham eb' yunnal Sedequías cha, yet' pax smasnil eb' niwc winc yaj 'a Judá.

Nm 13:21

'Ix syamn 'och eb' winc chi smaclni yil lum lum chi 'a lum cusltac lum yic Zin, masnto xc'och eb' 'a Rehob, 'a sla'nil xo Hamat.

A Ch'an̈ Schab'il Libro Yic Yab'ixal Eb' Rey 25:6

'Ix yamchj win rey chi yuj eb' caldeo cha, xyi'n 'at eb' win 'a Nabucodonosor 'ayc' 'a chon̈b' Riblá. Ata xcan 'a yib'n̈ Sedequías chi yuj winac.

Josué 13:5

'Ayt can pax lum yic eb' guiblita yet' smasnil lum Líbano 'a stojlal 'aj tzq'uel c'u, tz'atn̈j 'a Baal-gad 'a yich lum witz Hermón masnto 'aj tz'ochch lum Hamat.

2 Cr 33:11

Yuj wal cha, xya'n cot Jehová eb' syajlil eb' soldado yic sreyl Asiria, 'ix yamchj Manasés yuj eb', xya'n 'och eb' q'uen gancho 'a sn̈i', sjaln eb' yet' cadena to nab'a bronce, xyi'n 'at eb' 'a chon̈b' Babilonia.

2 Cr 8:3

Xlajw cha, x'at Salomón yac' owl yet' chon̈b' Hamat 'a yol yic Soba, 'ix yi'n can 'eq'ui.

A Ch'an̈ Schab'il Libro Yic Yab'ixal Eb' Rey 23:33

'Ix 'och 'a preso yuj rey Necao 'a Riblá 'a yol yic Hamat, sec wach' man̈xtzac yac' reyl 'a Jerusalén. 'Ix ya'ch win Necao chi jun tojlb'al 'a yib'n̈ eb' 'aj Judá cha: 75 quintal q'uen tumn plata yet' 'oxe arroba q'uen oro.

A Ch'an̈ B'ab'el Libro Yic Yab'ixal Eb' Rey 8:65

A 'a jun tiempoal cha, uque c'u sna Salomón q'uin̈ yet' smasnil eb' israel 'a yojltac Jehová Dios. Caw wal niwn x'aj eb' 'anma syamn sb'a, xcotn̈j eb' 'a smon̈jonal chon̈b' Hamat, masnto 'a sti a b'eymal a yic smon̈jonal Egipto. A yic xlajw uque c'u q'uin̈ cha, 'ix schan 'el eb' yich uque xo c'u q'uin̈, yuj cha, chan̈lajn̈e c'u xyac' jun q'uin̈ chi yuj eb'.

Nm 34:11

Tz'atx 'a Sefam masnto tzc'och 'a Ribla, 'a stojlal 'aj tzq'uel c'u 'a Aín. Tzlajw cha, tz'emx jun mon̈jon chi 'a stojlal 'aj tzq'uel c'u 'a spac'b'il a niwquil pama tzcuch Cineret,

Jeremías 21:7

'Oj lajwc cha, ach xo Sedequías, 'oj ach wac' 'a yol sc'ab' win Nabucodonosor yet' jun tzo'n̈ xo eb' 'ajc'ojl yajch 'ayach. 'Oj ach wa'cn 'och 'a yol sc'ab' win yet' eb' a checab', eb' a soldado, yet' eb' 'anma 'oj cant 'a jun chon̈b' tic yic 'oj lajwc 'ec' yab'il, owal, yet' wejel. Man̈x 'oj 'ajxoc niwnc'ojlal 'ayex. An Jehová in, an tzwala, to caw tojl xoj 'oj e xicx cham yet' q'uen espada.

Lm 4:20

A jun qui reyl cob' yipc'ojlal yaj cuj on̈, atn jun sic'b'il 'el yuj Jehová, tox 'ix yamchj win yuj eb' 'ajc'ojol. An̈ tic on̈, xqui na cob'i', to 'oj on̈ scol win 'a jun tzo'n̈ xo nacion̈.

Ez 11:10

'Oj e tzu'x cham yet' q'uen espada 'a smon̈jonal e nacion̈ tic, ata 'oj ex in b'eyc'ojloc, ax in eyojcan 'eli, to an ton Jehová in, to cojn in ton Dios in.

Ez 23:24

'Oj jawc eb' 'aych yet' scaruaje, scareta yet' eb' soldado eb'. A eb' soldado cha, caw niwn syamc'ab' eb' yet'i, 'ay q'ue sq'uen xumpiln eb', yet' eb' syamc'ab' tzmacn sat jul-lab'. 'Oj 'och oyn eb' 'ayach, ax ach wa'n 'a yol sc'ab' eb', yic 'oj ach sb'eyc'ojlanc eb' yet' sley.