Jeremías 52:20 - Chuj San Sebastian Bible

²⁰ Ax jun tzo'n̈ nab'a bronce ya'jnac can rey Salomón b'o 'a yatut Dios, atn chab' 'oy yet' jun niwquil pila 'aj tz'ejm a a', yet' lajchwan̈ yechl mam wacx nab'a bronce b'achjnac chan̈ yich jun pila cha, man̈xtzac stac' yechtaxi jantc yalil.

Chuj San Mateo Bible

²⁰ Maxtzac yal snachajeli jantac yalil juntzan̈ tas nab'a bronce yac'nac b'ojoc vin̈aj Salomón d'a templo chi': Aton chab' oy, jun nivan pila b'aj smolchaj a a' yed' lajchave' yechel toro cuchjinac jun pila chi'.

Jeremías 52:20 Referans Kwoze

A Ch'an̈ B'ab'el Libro Yic Yab'ixal Eb' Rey 7:47

Til wal jun tzo'n̈ xo yamc'ab' to nab'a bronce xb'o'i, yuj cha, man̈xtoc xyac' rey Salomón 'echtaxc yalil.

A Ch'an̈ Schab'il Libro Yic Yab'ixal Eb' Rey 25:16

Man̈x yalnb'ilc jantc yal-l q'uen bronce 'aych 'a chab' 'oy cha, yet' 'a jun pila, yet' pax 'a jun tzo'n̈ sb'achnub'l yaln̈ cha, atn jun tzo'n̈ ya'jnac Salomón b'o 'a yatut Dios. Ma'ix nachj 'el yuj eb' jantc yal-l jun tzo'n̈ cha.

2 Cr 4:18

Caw niwn jun tzo'n̈ yamc'ab' to nab'a bronce xb'o cha, yuj cha, man̈x 'ic stac' yojcan 'eli jantc yal-l q'uen bronce 'ix 'och 'a 'a.

1 Cr 22:14

'Ilto, an tic 'ix wac' wip in yamb'tzan jun tzo'n̈ syamc'ab'il yatut Jehová 'oj b'o cha, atn jun tzo'n̈ tic: 66 mil quintal q'uen oro, yet' 660 mil quintal q'uen plata, yet' jun niwquil b'uln̈ q'uen bronce, yet' q'uen hierro, caw niwn q'ue'en, man̈xtzac stac' yechtaxi. An̈jtona', caw niwn te te', yet' q'uen q'uen 'ix in yamb'tzej cani, ach xo tic 'oj a wach' yamb'tzoc stz'acub'.

A Ch'an̈ B'ab'el Libro Yic Yab'ixal Eb' Rey 7:25

A jun pila cha, xq'ue b'achn 'a yib'n̈ lajchwe yechl mam wacx nab'a bronce. A jun tzo'n̈ yechl cha, 'ay 'oxwn̈ q'ueln 'at 'a stojlal norte, 'oxwn̈ q'ueln 'at 'a stojlal 'aj tz'em c'u, 'oxwn̈ q'ueln 'at 'a stojlal sur, ax pax 'oxwn̈ xo q'ueln 'at 'a stojlal 'aj tzq'uel c'u. Ax yoc jun tzo'n̈ noc' chi 'a spatquil, ata 'aych 'a yaln̈ jun pila cha, c'ojn 'ejm jun pila chi 'a yib'n̈ jun tzo'n̈ yechl wacx cha.

Jeremías 52:17

'Ix sma'n poj eb' soldado chi smasnil yamc'ab' nab'a bronce 'ay 'a yatut Dios, atn yoyal, sb'achnub'al yich, yet' jun niwquil pila yic a'. 'Ix yi'n 'at eb' smasnil bronce chi 'a Babilonia.