Jeremías 51:9 - Chuj San Sebastian Bible

⁹ A eb' chuc nacion̈al cajn ta', a eb' tzaln 'ixtic: Tox 'ix ca'ch cob' remel 'a Babilonia tic, palta man̈xtzac 'an̈tx yu'uj. Can cab'i', pax coyc junjn on̈c 'a qui chon̈ab', yujto caw 'ix q'ue'ch smul jun chon̈b' tic 'a satcha'an̈, caw 'ix q'ue'ch 'a scal 'asun, xchi eb'.

Chuj San Mateo Bible

⁹ A eb' ch'oc nacional cajan ta', syal eb' icha tic: Toxo ix can̈tej Babilonia tic, palta maxtzac b'olaj. Canocab'i. Con̈ paxec junjun on̈ b'ajtac ay co chon̈ab', yujto a smul jun chon̈ab' tic, toxo ix q'uec'och d'a satchaan̈, ix ec'b'at d'a yib'an̈ asun, xchi eb'.

Jeremías 51:9 Referans Kwoze

Apoc 18:5

Yujto a jun tzo'n̈ smul 'ix cha, caw xq'uib' cha'an̈, masnto xq'uel 'a satchan̈ tic. Ax Dios 'ix nan cot stul 'ix.

Jeremías 50:16

Man̈x 'a junc mach tzeyactj can 'a Babilonia, man̈ eyactc can eb' tz'awi, yet' eb' tzmoln chan̈ sat 'awb'en. A wal yic 'oj yilnc eb' yoch jun owl cha, a eb' chuc chon̈b'al 'ayc' ta', 'oj meltzjoc eb' 'a schon̈ab'. Junjn eb', 'oj meltzjoc eb' 'a slu'um, xchi Dios.

Is 13:14

Ax eb' chuc chon̈b'al cajn 'a Babilonia cha, lajn 'oj yutc sb'a eb' 'icha no c'ultquil chej tzpechxi, mto 'icha no calnelu man̈x 'a yilmal, tzpuccn 'at no'. 'Ixta 'oj yutc sb'a eb'. Junjn mach 'oj paxcn 'a schon̈ab', mto 'a slum 'aj 'ay.

Jeremías 46:16

A eb' soldado majnab'il yuj win sreyl Egipto caw tztench eb' yoc s'at 'eloc, tzlaj telw can eb', tzyaln eb' 'a junjn 'ixtic: 'El coyc 'a tic, pax coyc 'a qui chon̈ab', coyc 'a qui nacion̈ 'aj 'aljnacn̈ec. 'El coyc 'a 'aj wan qui lajwec 'el yuj owl tic, xchi eb'.

Esdras 9:6

Xwaln 'a 'ixtic: Ach in Diosal, caw wal tzin q'uixw wi'n chan̈ in sat 'ayach, man̈xtzac nachj wu'uj tas tzwutj waln in b'a 'ayach. Yujto x'ec' 'a yib'n̈ yoch qui mul on̈, 'ix q'ue'ch wal qui mul 'a satchan̈ on̈.

Jeremías 46:21

A wal jun tzo'n̈ eb' soldado majnab'il coti, caw wal b'a'ch eb' 'icha no wacx caw b'aq'uech, palta locn eb' 'oj 'at 'eloc. Caw man̈x 'oj stac' ste'wtzan sb'a eb', yujto tzjaw sc'ul slajw 'el eb', tzc'och yorail sjaw syailal eb' 'a yib'an̈.

Jeremías 8:20

Tzyaln eb' 'anma chi 'ixtic: 'Ix lajw 'ec' stiempoal smolx chan̈ sat 'awb'en, palta an̈j 'ijnoc may tzon̈ 'aj qui colchji, xchi eb'.

Is 47:15

'Ixta wal 'oj 'ajcn eb' cob' tzaln tzach coln cha, eb' til wal trato a'jnac yet' 'a yictax a cot'chi. Palta 'ix 'atcn junjn eb' 'a stu b'eyb'al 'a 'aj 'oj satli, man̈x 'a junc eb' 'oj a colni, xchi Dios.

2 Cr 28:9

Ata 'ay jun schecb' Jehová Oded sb'i. A jun cha, 'ix 'elt 'a sat eb' soldado yic 'ix c'och eb' 'a Samaria cha, xyaln 'a eb' 'ixtic: —A Jehová qui Diosalec, atn pax sDiosal eb' qui mam quichmec, 'ix cot yowl sc'ojl 'a Judá, yuj cha, xya'n 'och 'a yol e c'ab'. Palta ax xo tic, xe mil cham eb' yet' yowl e c'ojol, caw xq'ue'ch eyowl chi 'a satcha'an̈.

Apoc 18:4

Xlajw cha, xwab'n yoch junx paxti 'a satcha'an̈, 'ix yaln 'emt 'ixtic: —Ax xo ex wico', 'eln̈ec 'a stz'ey jun tzalx 'ixl cha, sec man̈ ex locnoc 'a jantcn̈ej maysch'olnil tzb'o'o, sec ma'oj jawc yailal 'a eyib'n̈ yet'oc.

Os 7:13

'Oltac wal eb', yujto in yactj can eb'. 'Oj yamchjoc eb' yuj owl 'oj jawc 'a yib'an̈, yujto x'och stenmtacl eb' 'ayin. Tzin nib'j in col eb', palta cojn 'es tzyac' eb' 'ayin.