Jeremías 51:56 - Chuj San Sebastian Bible

⁵⁶ Tzyal Jehová 'ixtic: 'Oj jawc eb' wul yac' lajwc 'el Babilonia. 'Oj yamchjoc smasnil eb' soldado, ax sma'x can wecchjoc sjul-lab' eb'. Yujto an Jehová in, an ton Dios in, tzwac' spac 'a junjn eb' 'a 'icha wal smoj schani.

Chuj San Mateo Bible

⁵⁶ Ol javoc eb' satel Babilonia chi', ol syaman masanil eb' soldado eb', ol mac'joc can̈chaj sjul-lab' eb'. Yujto a Jehová, Dios toni, syac' spac d'a junjun icha val d'a smojal.

Jeremías 51:56 Referans Kwoze

Habacuc 2:8

'Ix laj eyijcan 'ec' tastc 'ay 'a eb' 'anma 'a jun tzo'n̈ nacion̈, palta a eb' xcant cani, 'oj yi'cc eb' tas 'ay 'ayex. 'Ixta wal 'oj eyaj yuj eb', yujto til wal eb' milb'il eyu'uj, ma'ix 'o'ch e c'ojl 'a eb' 'anma cajn 'a jun tzo'n̈ nacion̈ cha, yet' 'a eb' chon̈b' 'ay 'a yol smacb'en eb'.

Jeremías 51:48

An Jehová in, an tzwala: A satcha'an̈ yet' yolyib'n̈q'uinl tic yet' smasnil tas 'ay 'a 'a, caw 'oj tzaljoc cha'an̈, yic 'oj 'ejmc Babilonia cha, yic 'oj cot eb' soldado 'a stojlal norte 'oj wul satnc 'eli.

Jeremías 51:6

'Ixquec 'elc 'a Babilonia tic, sec ma'oj eyamchj c'och e cham yuj smul eb'. Atn wal yorail tic in pacn 'a eb' 'a 'icha wal tas smoj schan eb'.

Salmos 46:9

'Ix yac' lajwc jun tzo'n̈ owal, masnto 'aj tzlajw c'och yolyib'n̈q'uinl tic; 'ix wecchj can jul-lab' yu'uj, 'ix wecchj can pax jun tzo'n̈ lanza, xya'n can 'och sc'a'l jun tzo'n̈ caruaje yic owal.

Jeremías 51:24

An Jehová in, an tzwala: Q'ueln ex wal 'ochi ax wa'n spac 'a Babilonia yet' 'a smasnil eb' cajn 'a 'a 'icha wal smoj schan eb', yuj jantc smaysch'olnilal eb' sb'o 'a Sión.

Is 59:18

A Dios 'oj yac' spac yic junjn 'anma', a tzyala tas tz'el sb'oni: 'Oj ya'ch syailal eb' 'ajc'ojl yajch 'a 'a, eb' tzchichn 'och 'a 'a, yet' eb' nacion̈ cajn 'a sla'nil sti a mar. 'Oj yac' spac 'a eb', a tzyal tas xyutj eb' yi'n cot 'a yib'an̈.

Salmos 76:3

Ata 'ix sma'cn wecchjoc jun tzo'n̈ yamc'ab' yic owal, atn jun tzo'n̈ q'uen jul-lab', q'uen espada, yet' q'uen tzmacn sat jun tzo'n̈ jul-lab' cha.

Dt 32:35

An 'ay waln wic wa'n 'och syailal eb', an 'oj wac' spac 'a eb', 'icha smoj schan eb'. 'Ay jun c'ual 'oj lajwc 'el eb', caw la'nxo yaj sc'ual yic 'oj lajwc 'el eb'. ¡Caw jab'xoj sc'och yorail schan eb' spac! xchi Dios.

Apoc 19:2

Tojln̈ej tzyutj sb'eyc'ojlwi 'a yel. Yujto 'ix sb'eyc'ojlej jun 'ix yajl 'ajmul 'ix. Atn 'ix x'a'n juwc 'el eb' 'anma 'a yolyib'n̈q'uinl yuj yajmulal. A Dios 'ix 'a'n spac 'a jun 'ix cha, yujto 'ix milx cham eb' schecb' Dios yu'uj, xchi eb'.

Apoc 18:20

Palta ax xo ex 'aj satcha'an̈, tzaljan̈c yuj jun chon̈b' cha. Ex schecb' Jesucristo, yet' ex schecb' Dios, e masnil ex yic xo, tzaljan̈ec. Yujto eyu'uj, 'ix sb'eyc'ojlan Dios jun chon̈b' cha, 'ix ya'n syailal.

Apoc 17:16

Ax lajn̈e ch'ac 'ix ela, yet' jun noc' sb'i cha, 'oj meltzjc 'och eb' 'a jun 'ix 'ajmul 'ix cha. 'Oj yi'c eb' jantcn̈ej tas 'ay 'a 'ix. Caw 'oj 'elcn jitn 'ix. Ax schin pax eb' schib'jal 'ix, ax sn̈usn pax tz'a eb'.

2 Ts 1:6

A eb' tzex 'ixtn ticnec, a Dios 'oj 'a'noc syailal eb'. Caw tojl tzyutj Dios 'ixta'.

Ez 39:9

Ax smasnil eb' israel cha, 'oj 'eltoc eb' sic' syam sb'a smasnil yamc'ab' yic owl chi 'oj can cha, atn q'uen jul-lab', smacl sat jul-lab', cotc espada, lanza yet' jun tzo'n̈ xo yamc'ab', ax jun tzo'n̈ chi 'oj sc'atztzoc eb' 'a uque ab'il.

Ez 39:3

Ax in ma'n wecchjoc jun a jul-lab' et' 'a a surito, 'oj in ma'cn 'el tzicnjoc jun tzo'n̈ a cotc jul-lab' et' 'a yol a c'ab' 'a a wach'.

Jeremías 51:30

A eb' soldado yic Babilonia, man̈x 'a tas 'oj yal eb'. Toxn̈ej 'oj smacn 'och sb'a eb' 'a yol scuartel. Man̈x 'a yip eb', lajn xoj 'oj 'ajcn eb' 'icha eb' 'ix 'ix. Ax 'oj yilnc cot eb', wan xo slan̈chj 'ejm schon̈b' eb', wan sn̈usx can pax yatut eb'.

Jeremías 50:36

Milc cham eb' tztac' snan 'el paxti yalni, may snab'en eb'. Milc cham eb' soldado, 'in caw xiwc'ojlal xoj yaj eb'.

Jeremías 50:10

An Jehová in, an tzwala, a tas 'ay 'a eb' 'aj Babilonia cha, 'oj 'elc'xoc 'at yuj eb'. 'Oj yelc' 'at eb' smasnil tas tznib'ej.

Jeremías 49:35

An Jehová in, tztac' wuj smasnil, an tzwala: 'Oj in mac' wecchjoc jun tzo'n̈ sjul-lab' eb' soldado yic Elam, atn syamc'ab' eb' yic owl to caw niwn yel'chi.

Is 35:4

Alc 'ixtc 'a eb' chab'c'ojlal yaji: Te'wtzejc e b'a, man̈ ex xiwoc, yaj qui Diosalec 'a tic, a 'oj qui colnec 'eli, ax eb' 'ajc'ojl yajch 'ayn̈ec, 'oj 'ajxoc 'och syailal eb' 'a 'icha wal smoj schani, xe chi.

Is 34:8

Atn wal 'a jun c'ul chi 'oj yac' Jehová spac 'a eb' 'aj Edom. A 'a jun ab'il chi 'oj yi'cn 'el yowl sc'ojl yuj tas x'aj chon̈b' Sión yuj eb'.

Is 21:2

Caw wal 'ay xo smay jun tas x'ajx wil tic 'a 'icha waychil. A mach toxn to tu snab'en, caw tu tas tzb'o'o, a mach milwjum xoni, caw tzmilwjn̈ej. 'Ixquec mu'c 'a owl ex 'aj Elam, ex 'aj Media, 'ochn̈ec oyn 'a chon̈b' Babilonia. Smasnil jun tzo'n̈ yailal xya'ch Babilonia cha, c'uxn 'oj 'och wan yuj Jehová.

Salmos 137:8

Ex 'aj Babilonia, jab'xoj wal 'oj e satli. Caw wach' yic eb' 'oj 'a'nc qui pac yuj tas on̈ eyutj on̈.

Salmos 37:15

Palta mun a yespada eb' chi 'oj tecxoc 'och 'a spixan, ax sjul-lab' eb' cha, 'oj wecchjoc cani.

A Ch'an̈ B'ab'el Libro Samuel 2:4

Ach Jehová ach 'ix a ma' wecchjoc sjul-lab' eb' soldado 'ay smay, ax eb' xlaj 'el yip, ach 'ix a'x yip eb'.

Gn 49:24

Palta ach tic, caw wal 'ay ep, te'nn̈ej yaj a jul-lab' yuj yip in Diosal an Jacob in tic, atn Wilmal, in Tan̈mal an Israel in tic.

Jeremías 51:53

An Jehová in, an tzwala: Wach'xam tzq'ue'ch Babilonia 'a satcha'an̈, chan̈ tzyutj sb'on smuroal, palta 'oj wa'tn̈ej eb' 'ajc'ojl ta', sec tzsatx 'el yuj eb', xchi Dios.

Am 2:15

A eb' tzjulwj yet' jul-lab', man̈x 'oj techjoc yuj eb'. An̈jtona eb' tz'a'n carela, man̈x 'oj colchjoc eb'. 'Ixta pax eb' 'oj 'at 'elc cob' 'a yib'n̈ chej.

Abdías 1:15

'Icha wal tas x'el e b'oni, 'ixta 'oj ex yutc eb' 'anma', 'oj e cha wal spac 'a 'icha wal smoj e chani. Jab'xoj sjaw jun c'u yic 'oj in ch'oxnc yowl in c'ojl an Jehová in tic 'a yib'n̈ smasnil nacion̈.

Lm 3:64

Mamin Jehová, 'ac' spac 'a eb', 'a 'icha wal tas smoj schan eb' yuj tas tz'el sb'oni.