Jeremías 51:13 - Chuj San Sebastian Bible

¹³ Ax wal ax tic ex 'aj Babilonia, a 'a sti eb' a niwc a cajn ex, yuj cha, caw wal niwc rico ex. Palta 'ix c'och stiempoal e satl 'a jun 'ejmn̈ej.

Chuj San Mateo Bible

¹³ A ex val tic ex aj Babilonia, d'a stitac a' nivac a' cajan ex, yuj chi' te b'eyum ex. Toxo ix javi sc'ual e satel d'a juneln̈ej.

Jeremías 51:13 Referans Kwoze

Apoc 17:1

'Ay jun 'a eb' ángel 'ay svaso yucwn̈il 'ix jawi. 'Ix yaln 'ixtc 'ayin: —Cotan̈, 'oj in ch'ox jun niwn yailal 'oj 'em 'a yib'n̈ jun 'ix yajl 'ajmul 'ix. Atn 'ix wocn q'ue 'a yib'n̈ jun tzo'n̈ a mar.

Apoc 17:15

Xlajw cha, xyaln pax 'ayn 'ixtic: —A jun tzo'n̈ a mar 'ix ela, 'aj wocn q'ue 'ix 'ajmul 'ix, tzyal 'el'chi, atn jun tzo'n̈ chon̈ab', jun tzo'n̈ nacion̈, yet' eb' 'anma 'a junjn chucchc ti'al.

Is 45:3

Ax ricoal to c'ub'b'il 'eli yet' tas to c'ultac yaji, 'oj wac' 'ayach, sec wach' tzojquej 'eli to an ton Jehová in, sDiosal in chon̈b' Israel, an ach wawtej.

Jeremías 51:36

Tzyal Jehová 'ixtc 'a eb' 'aj Jerusalén: An 'oj in b'eyc'ojlwi 'a stojlal, an 'oj wac' spac 'a eb' 'ajc'ojl yajch 'ayex. 'Oj wac' tup chan̈ a a tzb'eyi, yet' a spac'b'a 'ay 'a yol yic Babilonia.

Gn 6:13

Yuj cha, xyaln Dios 'ixtc 'a win Noé: Tox 'ix in na ticnec, to 'oj in satl smasnil eb' 'anma', yuj eb', tzlaj niwtj maysch'olnil 'a yolyib'n̈q'uinl tic.

Apoc 18:19

'Ix laj sjop q'ue eb' pococ 'a sjolm yuj scusc'ojlal. Caw x'oc' eb'. 'Ix cul-li eb' yoq'ui, 'ix 'awj chan̈ eb' 'ixtic: ¡'Ay, 'ay, 'oltac wal jun niwquil chon̈b' tic! A eb' 'ay sbarco 'a a mar, c'uxn 'ix 'och eb' ricoal yuj sricoal jun chon̈b' tic. Palta junn̈j wal rato, xlajw can 'ejm jun chon̈b' tic, xchi eb'.

A Schab'il Carta San Pedro 2:3

A eb' 'a'm 'es cha, cojxn wal tumn tznib'j 'och eb'. Yuj cha, jeln 'oj yutc eb' yaln jun tzo'n̈ 'es 'ayex, yujto tznib'j eb' tzyac' ganar stumn 'a e patquil. Palta pectix b'eyc'ojlb'ilx eb' yuj Dios. Yuj cha, yowlal 'oj satcn 'el eb' 'a jun 'ejmn̈ej. Toxn ma'oj stac' scoln 'elt sb'a eb' 'a jun yailal cha.

A Sb'ab'el Carta San Pedro 4:7

A ticnec, jab'xoj 'oj lajwc 'ec' smasnil tas. Yuj cha, caw lista tzcutjec qui b'a. Te'n tzcutjec qui nab'en qui leslwi.

Am 8:2

'Ix sc'anb'n 'ayn 'ixtic: —¿Tas tzel Amós? xchi. —Tzwil jun xuc sat 'awb'ente caw 'e'm xo, xin chi 'a 'a. Xlajw cha, xyaln Jehová 'ayn 'ixtic: —A chon̈b' Israel, caw x'e'max yet' smul, yuj cha, man̈x 'oj wac' niwnc'ojlal jun 'ejm xo.

Dn 5:26

A tas tzyal 'el'ch jun tzo'n̈ tic, atn tic: MENE: Tox sna Dios to a 'a tic tzlajw can c'och opiso.

Lm 4:18

Caw 'aych sat eb' 'ajc'ojl chi 'ayn̈ on̈, 'aj tzlaj on̈ 'eq'ui. Man̈xtzac stac' xon quel 'a yol caye yuj eb' on̈, a ticnec b'i'an, xc'och sc'ul qui lajw 'el on̈, wal qui cham tic on̈.

Jeremías 50:37

Milc cham eb' soldado to tz'ib'x yuj xiwlal. Milc cham no chej to'jnac caruaje. Milc cham eb' soldado manb'il coti, atn eb' 'ayc' 'a scal eb', lajn xoj cab' tz'ajcn eb' 'icha eb' 'ix 'ix. 'Ijc 'at sricoal eb', 'elc'x cab' 'ati.

Jeremías 50:31

An Jehová in, tztac' wuj smasnil, an tzwal 'ixtic: Ex 'aj Babilonia, caw 'ajc'ojl wajch 'ayx ticnec, yujto caw b'an̈quintac tzeyutj e b'a. A ticnec, 'ix c'och sc'ul sjaw yailal 'a eyib'an̈.

Jeremías 50:27

Milc cham eb' soldado eb', man̈x 'a cab' e niwnc'ojlal 'a eb'. 'Oltac wal eb', caw 'ix jaw stiempoal schan eb' syailal, xchi Jehová.

Jeremías 17:11

A eb' tz'och ricoal yuj 'ixtj 'anma'il, lajn eb' 'icha junc no ch'ic tzman̈n 'elt no n̈olb' to man̈ yico'oc. Caw wal yol ste'nal eb' 'ay, ax yactn can eb' sricoal cha. Ax 'a slajub', ata 'oj checljoc 'eli, to may xon snab'en eb'.

Is 43:14

A Jehová qui Diosal an̈ israel on̈ tic, jun tzon̈ 'a'nec 'el 'a libre, Dios To Cojxni, a tzaln 'ixtic: A wal 'oj wutc ex in coln ax tic, to 'oj in checb't nan̈l eb' soldado yac' owl 'a Babilonia, ax s'at eb' 'aj Babilonia chi elc 'a yol jun tzo'n̈ barco to 'aych yipc sc'ojol.

Is 57:17

Yuj smul eb' israel 'ix ya'chi, yuj cha, in owx 'och 'a eb', xwi'n 'el in b'a 'a stz'ey eb'. Palta 'ix yac' pitb'oc 'el sb'a eb', sb'on eb' tas 'icha tznib'ej.

Salmos 137:1

A 'a sti eb' a niwc a yic Babilonia, ata on̈ 'emc wocn coq'ui, yic xqui nanec cot Jerusalén.