Jeremías 50:46 - Chuj San Sebastian Bible

⁴⁶ A wal yic 'oj 'em Babilonia cha, caw 'oj 'ib'xoc lum lum tic, 'oj c'och yel yaw eb' 'a jun tzo'n̈ xo nacion̈, xchi Dios.

Chuj San Mateo Bible

⁴⁶ Ol ib'xocq'ue lum luum ayic ol ac'joc ganar eb', ol ab'chaj yel yav eb' d'a juntzan̈xo nación, xchi Jehová.

Jeremías 50:46 Referans Kwoze

Jeremías 49:21

Caw 'oj 'ib'xoc lum lum tic, yic 'oj 'ejmc junnjoc Edom cha. 'Oj 'el yaw eb' sc'ann colwal, 'oj c'och yel yaw eb' 'a sti a Chac Mar.

Ez 31:16

A yic xc'an̈ yem lan̈njoc cha, caw 'ix xiw jun tzo'n̈ nacion̈ yab'ni, ax yic 'ix 'emch 'a 'aj 'ay yet'l eb' chamnac, ax eb' chamnc chi 'ayc' ta', 'ix yij eb' sniwnal sc'ojol, atn eb' lajn yet' eb' te 'awb'ente 'ay 'a Edén yet' eb' te yic Líbano.

Ez 26:18

Ax ticnec, a jun tzo'n̈ chon̈b' 'ay 'a snan̈l a mar, caw wal tz'och eb' 'a xiwc'ojlal o'oj, yujto tzyil eb' tas tzach 'aji, caw wal tzxib'tj sb'a' eb' o'oj, 'oj xchic eb' 'a sb'it cha.

Ez 32:10

A mulojoc, ax wa'n 'ejm xiwc'ojlal 'a scal jun tzo'n̈ xo chon̈ab'; caw 'oj satcn sc'ojl sreyl jun tzo'n̈ chon̈b' cha, yic 'oj 'ec' jupljoc wespada 'a yojltac eb'. A yic 'oj a satl cha, caw 'oj xiw eb', yujto 'ay smay scham pax eb'.

Is 5:7

'Icha win cha, 'ixta wal yaj Jehová yet' eb' yin̈tl Israel, 'icha to yawb'ente yaj eb', yet' pax eb' 'aj Judá. A Dios tztac' yuj smasnil, 'ix cob' stan̈woc to wach' tzyutj sb'a eb' 'a sley, palta ax x'aji, a milj 'anma sb'o eb'. May jac tojlal tzb'o eb', til wal yel yaw 'anma yixtx yuj eb'.

Is 15:5

Caw wal tzcus in c'ojl yuj eb' 'aj Moab; a eb' 'anma 'a jun chon̈b' cha, 'oj 'at eb' 'eloc. Atta 'oj c'och eb' scol sb'a 'a Zoar, masnto 'oj c'och eb' 'a Eglat-Selisiya. 'Oj q'ue'choc eb' 'o'c 'a lum tzaln Luhit; yet' 'aj tz'ec' sb'el Horonaim. Caw wal ji'jmtac yoc' eb' yab'n syal tas tzjaw 'a yib'n̈ cha.

Jeremías 10:10

A Jehová, atn jun Dios pitzan, caw Rey 'a jun 'ejmn̈ej. A yic tzcot yowal, caw tz'ib'x lum lum tic yu'uj. Man̈xtzac stac' ste'wtzan sb'a jun tzo'n̈ nacion̈ 'a yowl sc'ojl cha.

Jeremías 46:12

Yojc xo smasnil nacion̈ to wan yel e q'uixwel, checl yel eyaw 'a smasnil yolyib'n̈q'uinal. Toxn̈ej tztenlaj sb'a eb' 'a'm owl yeq'ui, tzlaj b'alb'n 'ec' eb' 'a sat lu'um, xchi Dios.

Jeremías 51:29

A lum lum tic, caw 'oj 'ib'xoc lu'um, 'oj tzicb'tan̈xoc, yujto 'oj 'el'choc tas nab'il yuj Jehová. A yic 'oj 'ochcn Babilonia tic 'a cusltac lumal, man̈x 'a mach 'oj cajnoc.

Jeremías 51:54

'Oj 'ab'xoc yel yaw eb' 'anma 'a Babilonia, 'oj 'ab'xoc slajw 'ejm smasnil tas 'a schon̈b' eb' cajn ta'.

Ez 27:28

A yic 'oj 'el yaw s'atcn eb' munljum chi 'a yich a', ax eb' 'anma cajn 'a stitc a cha, caw 'oj xiw chan̈ eb' yab'n yel yaw eb'.

Jeremías 49:19

'Icha wal junc no león tz'elt 'a swaymtacl sti a Jordán, wal 'a yajn̈ej tzc'och no 'a lum pan̈n 'a'lic 'aj tzwa no calnelu, tzsactzic can e no yu'uj, 'ixta wal 'oj waj in c'och 'a chon̈b' Edom. A eb' 'anma cajn ta', 'oj 'at eb' 'eloc, ax jun mach sic'b'il 'el wu'uj, a 'oj wa'cn 'och yajlilc ta'. ¿Mach wal junc 'oj stac' slajb'tzan sb'a wet'oc? ¿Mach wal 'oj stac' sten sb'a wet'oc? ¿Mach wal junc yajl 'oj stac' ste'wtzan sb'a 'a wojltac?