Jeremías 50:16 - Chuj San Sebastian Bible

¹⁶ Man̈x 'a junc mach tzeyactj can 'a Babilonia, man̈ eyactc can eb' tz'awi, yet' eb' tzmoln chan̈ sat 'awb'en. A wal yic 'oj yilnc eb' yoch jun owl cha, a eb' chuc chon̈b'al 'ayc' ta', 'oj meltzjoc eb' 'a schon̈ab'. Junjn eb', 'oj meltzjoc eb' 'a slu'um, xchi Dios.

Chuj San Mateo Bible

¹⁶ Man̈xaocab' junoc mach tzeyactejcan d'a Babilonia chi', man̈ eyactejcan eb' tz'avvi, ma eb' smolan sat avb'en chi'. A val yic ol yilan eb' yoch jun oval chi', a eb' ch'oc chon̈ab'il ayec' ta', ol meltzaj eb' d'a schon̈ab'. Junjun eb' ol meltzajxi d'a slugar, xchi Jehová.

Jeremías 50:16 Referans Kwoze

Is 13:14

Ax eb' chuc chon̈b'al cajn 'a Babilonia cha, lajn 'oj yutc sb'a eb' 'icha no c'ultquil chej tzpechxi, mto 'icha no calnelu man̈x 'a yilmal, tzpuccn 'at no'. 'Ixta 'oj yutc sb'a eb'. Junjn mach 'oj paxcn 'a schon̈ab', mto 'a slum 'aj 'ay.

Jeremías 51:9

A eb' chuc nacion̈al cajn ta', a eb' tzaln 'ixtic: Tox 'ix ca'ch cob' remel 'a Babilonia tic, palta man̈xtzac 'an̈tx yu'uj. Can cab'i', pax coyc junjn on̈c 'a qui chon̈ab', yujto caw 'ix q'ue'ch smul jun chon̈b' tic 'a satcha'an̈, caw 'ix q'ue'ch 'a scal 'asun, xchi eb'.

Jeremías 46:16

A eb' soldado majnab'il yuj win sreyl Egipto caw tztench eb' yoc s'at 'eloc, tzlaj telw can eb', tzyaln eb' 'a junjn 'ixtic: 'El coyc 'a tic, pax coyc 'a qui chon̈ab', coyc 'a qui nacion̈ 'aj 'aljnacn̈ec. 'El coyc 'a 'aj wan qui lajwec 'el yuj owl tic, xchi eb'.

Jl 1:11

Ex munljum, 'o'n̈ec, cusn̈ec, yujto caw xlajw 'ejm eyawb'en uva. Man̈x 'a polj trigo yet' cebada.

Am 5:16

A Jehová Dios tztac' yuj smasnil, a tzaln 'ixtic: A 'a smasnil yoltc chon̈ab', caw 'oj 'och cuslal, ax yoch 'aw 'a yol caye yuj yailal. 'Oj 'awtxoc cot eb' munljum, sec tzjaw eb' 'oc'oc yet' eb' yopiso xon yaj 'a jun 'o'l cha.

Jeremías 51:23

Xin mil cham eb' 'ilm calnelu yet'oc, yet' no calnelu cha. 'Ix in satl eb' munljum yet' no mam wacax. 'Ix in satn 'el eb' gobernador, yet' pax eb' 'aych 'a yopiso.

Jeremías 25:38

'Ix 'elt jomnjoc Jehová 'a yet'l 'icha junc no león, ax wal schon̈b' jun tzo'n̈ 'anma cha, caw choc' 'ix 'aj slan̈chj can 'ejmi. Yet' wal yowl sc'ojol, xya'n cot jun niwquil owl 'ay smay 'a scal eb'.