Jeremías 50:12 - Chuj San Sebastian Bible

¹² Yuj cha, a e chon̈b' 'aj 'aljnac ex, caw q'uixweltac 'oj 'ajcni. Slajb'xoj 'oj 'ajcn 'a yib'n̈ jun tzo'n̈ xo nacion̈. Tacn̈ lum 'oj 'ajcni, man̈x 'a tas 'oj can 'a 'a.

Chuj San Mateo Bible

¹² Yuj chi' a e chon̈ab' b'aj aljinac ex, q'uixvelal ol ajcanoc. Slajvub' ol ajcan d'a scal juntzan̈xo nación. Taquin̈ luum ol ajcanoc, ol can tz'inan.

Jeremías 50:12 Referans Kwoze

Jeremías 51:43

Caw cusltac 'oj 'ajcn yol schon̈ab', tacn̈ lum 'oj 'ajcni, man̈x 'a mach 'oj cajnoc, man̈x 'a pax mach 'oj b'eyc'oc 'a sat.

Apoc 17:5

Ax 'a snan̈l sat, 'aych jun sb'i may mach 'ojtnac. Xchi jun sb'i chi 'ixtic: A niwquil Babilonia, snun eb' 'ix 'ajmul 'ix smasnil. Snun pax smasnil maysch'olnil 'a yolyib'n̈q'uinal, xchi.

Gl 4:26

Palta ax junx Jerusalén 'ay 'a satcha'an̈, a 'ayn̈ec yico'. Yuj cha, mun quiquec qui b'a, matz on̈ 'ajxec mandar yuj jun ley cha.

Jeremías 49:2

Palta an Jehová in, an tzwala: 'Ay wal jun c'u 'oj jawoc, caw 'oj 'ab'xoc yel 'aw yic owl 'a chon̈b' Rabá, atn sniwquil chon̈b' eb' amonita. Jun b'uln̈ 'oj 'ajcn chan̈ sma'x 'ejm lan̈chjoc. Smasnil jun tzo'n̈ yaldeail, 'oj tz'a yuj c'ac'. An Jehová in, an tzwala, to 'ixta 'oj yutc eb' israel yi'n can pax 'ec' slum jun 'ejm xo.

Jeremías 25:26

yet' smasnil eb' rey 'ay 'a stojlal norte, eb' la'n 'ay, yet' eb' najt 'ay. Stzol-l xyutj eb' yu'ni, tzyal 'el'chi, smasnil eb' rey 'ay 'a yolyib'n̈q'uinl tic, c'uxn xyu'j eb' smasnil. Ax 'a slajub' xwa'n yuc' win sreyl Babilonia.

Jeremías 25:12

An Jehová in, an tzwala, to 'a yic 'oj lajwc 70 ab'il cha, atta 'oj in b'oyaj smul win sreyl Babilonia, yet' smasnil eb' cajn 'a jun snacion̈ cha, atn eb' caldeo. Caw 'oj in satl eb' 'a jun 'ejmn̈ej.

Is 23:13

'Iltec wal x'aj lum Tiro, jun chon̈b' to an̈j 'a tic tzjaw te barco, palta ax eb' 'aj Babilonia 'ix laj b'onc chan̈ jun tzo'n̈ torre 'a spatquil 'el chon̈ab', xlaj sma'nc lan̈chjoc eb' jun tzo'n̈ niwc despacho, 'ix satn can 'el eb'. A eb' 'aj Babilonia 'ixta xmunlji, man̈oc eb' 'aj Asiria.

Is 14:22

A Jehová tztac' yuj smasnil, a tzaln 'ixtic: Wal woch tecn 'a jun chon̈b'al eb' 'anma tic. 'Oj in satl chon̈b' Babilonia, man̈x 'a b'a'n̈ 'oj b'inaxoc. Man̈x 'a xon 'anma 'oj wactc can 'a 'a, man̈x 'a xon eb' 'unnab'il mto eb' 'ichicnab'il 'oj canoc.

Jeremías 12:14

'Ix yaln Jehová yuj jun tzo'n̈ nacion̈ caw wal maysch'olnil cajn 'a stz'ey chon̈b' Israel, eb' x'i'n 'ec' lum lum xyac' Jehová smacloc eb' israel, atn eb' schon̈ab', 'ix yaln 'ixtic: An 'oj wi'l eb' 'a sat slu'um, 'icha 'ix wutj wi'n 'el eb' 'aj Judá.

Jeremías 15:9

A wal eb' 'ix nunb'il caw tzsomchj snab'en eb' 'ix, caw 'ajltac xoj yi'n eb' 'ix yic'. 'Icha to a c'ual 'ix meltzj 'och 'ac'wlil 'a eb', yujto 'ix cham ucwn̈oc yune' eb' 'ix. Toto 'ayt eb' cob' tzcan 'a yol chon̈ab', an Jehová in, an tzwala, to 'oj in wach' 'a'c 'och eb' 'a yol sc'ab' eb' 'ajc'ojol yic tzmilx cham eb' yuj eb', xchi Dios.

Jeremías 22:6

'Ix yaln Jehová 'ixtic: A sdespacho win sreyl Judá, lajn yilx 'a in sat 'icha swach'l yilx lum Galaad, 'icha pax jolm witz Líbano. Palta tzwa'cn in ti', to 'oj wa'cn 'och 'a cusltac lumal. Man̈x 'a mach 'oj can cajn 'a jun despacho tic.

Jeremías 51:47

'Ixta wal 'oj 'aj sjaw sc'ul wa'n 'och yailal 'a yib'n̈ jun tzo'n̈ sdiosal eb' 'aj Babilonia. Smasnil jun nacion̈ cha, caw 'oj 'el sq'uixwel, 'oj b'ut'joc 'el yol chon̈b' chi yuj sniwnal eb' chamnac.