Jeremías 5:7 - Chuj San Sebastian Bible

⁷ Yuj cha, tzyaln Jehová 'ixtic: ¿Tas to wal 'oj wutc wa'n niwnc'ojlal 'ayex? A eb' eyunnal, caw in yactj can eb', tzb'inan eb' jun tzo'n̈ sdiosal to man̈ diosoc. 'Ix wac' b'ut'joc eb' si'mb'il, palta ma'ix syiclj eb' 'ayin. An̈ja sb'on eb' 'ajmulal, axn̈ej 'a yatut eb' 'ix 'ajmul 'ix tzlaj syam sb'a eb'.

Chuj San Mateo Bible

⁷ Yuj chi' syal Jehová icha tic: ¿Tasto val ol aj ex vac'an nivanc'olal? A eb' eyuninal, ix in yactejcan eb', syac'an sti' eb' d'a sb'i juntzan̈ comon dios to man̈ diosoc. Jantac vael ix vac' d'a eb', palta maj in sc'anab'ajej eb', an̈ej ajmulal sc'ulej eb', molann̈ejec' eb' b'aj ay eb' ix ajmul ix.

Jeremías 5:7 Referans Kwoze

Gl 4:8

A 'a yic yalan̈, mant eyojcoc Dios. Eya'jnac servil jun tzo'n̈ cob' eyaljnac e diosaloc, palta man̈ diosoc eb'.

Jeremías 2:11

Tom 'ay junc nacion̈ tox 'ix 'actn can sdiosal, wach'xam a sdiosal cha, man̈ caw Diosoc. Ax xo ax in chon̈b' ex tic, in eyactj cani, ex 'och tza'n yuj jun tzo'n̈ comn dios, wach'xam to tzex b'inax cob' wu'uj.

Josué 23:7

Caw man̈ junc tzeyutj e b'a yet' eb' 'anma cajnto 'ec' 'a e cal ticnec. Man̈ eyac' 'emmquilal 'a sdiosal eb', man̈ eyiclc tas tzyal eb', man̈ e b'inoc pax sb'i jun tzo'n̈ comn dios cha, man̈ ex 'em cumn 'a yojltac.

Dt 32:21

'Ix stzuntzj cot eb' wowl yuj jun tzo'n̈ sdiosal eb' to man̈ diosoc, 'ix ya'n eb' chichnc in c'ojol. Yuj jun tzo'n̈ comn dios to may jac yel'ch cha, yuj cha, 'oj wac' tz'a sc'ojl eb' yic 'oj yilnc eb' wa'n in wach'c'ojlal 'a yib'n̈ junc chon̈b' to man̈ chon̈b'oc yaln eb'. An̈jtona', 'oj in tzuntzc cot yowl eb' yic 'oj in ch'oxnc in wach'c'ojlal 'a yi'b'n̈ junc chon̈b' to mantzac nachj 'el yu'uj.

Sofonías 1:5

'Oj in satl pax smasnil eb' tzlaj q'ue 'a yib'n̈ span̈nil yatut yic tzlaj yalnc sb'a eb' 'a jun tzo'n̈ c'anal, yet' eb' tzlaj 'em cuman yic tzlaj slocn eb' in b'i, palta tzloc pax eb' sb'i jun comn dios tzcuch Milcom.

1 Co 8:4

Ax ticnec, 'oj wal yuj jun tzo'n̈ tas tzc'uxxi, yic tox x'ajx xajmb'al-l 'a jun tzo'n̈ tzalx 'och diosal cha. A jun tzo'n̈ tzalx 'och diosal cha, cojquec, may jac yopiso eb' 'a yolyib'n̈q'uinl tic. Yujto cojn jun Dios 'ay, may junc xo.

Jeremías 23:10

A wal jun nacion̈ tic, caw b'ut'n yuj eb' tzb'on 'ajmulal, yuj eb' 'anma caw tz'a'n 'ip sb'on maysch'olnil. Tzc'anlb'ej eb' yip smasnil yic tzyixtn eb' yit 'anma'il. Yuj wal cha, 'ix scatb'an can Jehová lum lum tic. Yuj cha, 'ix tacj chan̈ lu'um, 'ix tacj pax 'el te c'ultc tzlo e no noc'.

Dt 32:15

Palta ax yic 'oj e b'a'chb'i ax Jesurún ex tic, 'oj pitb'oc 'el e nab'en 'a Dios, atn jun on̈ b'onec. 'Oj e patquilc can 'el jun qui Colmal cha.

Santiago 4:4

'Ay ex, 'icha junc 'ix, cojxn 'ajmulal tzsayq'ui, 'ixta 'ex 'a sat Dios. ¿Tom mant eyojcoc, to a yic tzqui chamc'ojlanec qui b'a yet' yolyib'n̈q'uinl tic, ax 'a Dios tzon̈ 'ochc 'ajc'ojlal? Yuj cha, tzann̈j mach tznib'j tz'och swach'c'ojloc yolyib'n̈q'uinl tic, ax 'a Dios tz'och 'ajc'ojlal.

Jeremías 12:16

Yujto a jun tzo'n̈ chon̈b' cha, a xcuyn eb' in chon̈ab' yic tzlocn eb' sb'i jun comn dios tzcuch Baal 'a junc tas tzyala. Ax ticnec, yet' 'a yojltac, 'oj stac' yaj cajn eb' 'a scal eb' in chon̈ab', toto caw yel 'oj syiclc eb' scuynb'il eb' in chon̈b' tic, ax slocn eb' in b'i 'a tas 'oj yala'.

1 Co 6:9

¿Tom mant eyojcoc, to a eb' man̈ tojloc tzyutj sb'a, may yaln eb' yic sc'och 'a yol sc'ab' Dios? Caw man̈ e cha 'ixtxoc paxti e b'a. Yujto a eb' 'oj wal tic, may xon jac yaln eb' yic sc'och 'a yol sc'ab' Dios. A eb' mant 'a yistzil tzcomn b'on 'ajmulal, yet' eb' tzyal sb'a 'a jun tzo'n̈ tzalx 'och diosal, eb' 'ayx yistzil tzb'on 'ajmulal, eb' tzyixtj sb'a yet' eb' yit wincal.

Malaquías 3:5

An Jehová tztac' wuj smasnil, an tzwal 'ixtic: 'Oj in jaw 'a e cal wul ex in b'eyc'ojloc. An wal 'oj wac' testigoal in b'a yuj jun tzo'n̈ eb' tic: atn eb' 'ajchum, eb' tzb'on 'ajmulal, eb' tz'a'n 'es, eb' man̈ tz'acnoc tzyutj stojn smajan, eb' tz'ixtn eb' 'ix chamnc yichmil yet' eb' meb'a 'unn chamnc smam, eb' matz b'onyaj eb' chuc chon̈b'al, yet' pax smasnil eb' may jac wel'ch 'a sat.

Am 8:14

'Ixta wal 'oj 'aj eb' tz'a'n sti 'a jun tzo'n̈ yechl q'uixweltac yilx 'ay 'a Samaria, atn eb' tzaln 'ixtic: Tzwac' in ti 'a sb'i sdiosal eb' 'aj Dan, mto 'a sb'i sdiosal eb' 'aj Beerseba, xchi eb'. Yuj wal jun cha, man̈x 'a b'a'n̈ 'oj q'uex wan eb', xchi Dios.

Os 13:6

Palta a yic ya'n sobra tas tzc'ux eb', 'ix sb'an̈n sb'a eb', in 'atcn 'a satc'ojlal yuj eb'. 'Ixta pax ex ax tic.

Os 11:8

¿Tas wal 'oj wutc ex wactn can ex 'aj Efraín, atn ex yin̈tl can Israel? ¿Tom 'oj ex in satl 'icha wutjnac chon̈b' Admá, mto 'icha wutjnac chon̈b' Seboím? Caw ya tzwab' eyu'uj, caw tzcusch pax in c'ojl ex wiln 'ochi.

Os 7:4

Cojxn 'ajmulal tzb'o eb' smasnil. A snib'b'en eb' cha, lajn 'icha junc jorna jab' wal tzecx 'och sc'a'l yuj junc b'om pan, ya' sb'a wanto sjaw sti 'ixm harina cha; ax yic tox xjaw sti 'ixim, 'ixta to b'i'an tzwach' ecx 'och wal sc'a'l si'mb'il.

Os 4:2

Caw tzniwtj eb' laj sjelnc tas tzyala, tzlaj ya'nc eb' 'es. Tzmilw cham 'anma eb', tz'elc'w eb', cojxn̈ej 'ajmulal tzlaj sb'o eb', tzlaj yixtn eb' yit 'anma'il, jab'jb' scal tzlaj milw 'anma eb'.

Ez 22:11

'Ay eb' tzmuln yet' yistzil junc xo yit wincal, 'ay eb' tzmuln yet' yalib', 'ay eb' tzmuln yet' schab'l 'anab'.

Jeremías 13:27

'Ix wila, jantc wal eyajmulal, atn wal jun tzo'n̈ 'ajmulal caw q'uixweltac xlaj e b'o'. Caw yajb'entac tas xlaj e b'o 'a lum tzalctac, yet' 'a calc te'. 'Oltacx wal ex 'aj Jerusalén. ¿Jantcto wal tiempo 'ayx 'ec' 'a scal e maysch'olnilal? xchi Dios.

Jeremías 9:2

¡Comnoc wal 'ay junc wet'l 'aj wach' in c'och cajn 'a cusltac lu'um, sec najt tzin 'elcn 'a stz'ey eb' wit chon̈b' tic! Yujto 'ix yij 'el sb'a eb' 'a stz'ey Dios, 'ixtm 'anma pax eb'.

Jeremías 3:19

Ex 'aj chon̈b' Israel, caw xin nalb'ej ex wi'n 'och wunnaloc, a lum lum caw nib'b'il tzwac' 'ayex. Cojn jun lum chi caw yel xo wach' yilx 'ay 'a yolyib'n̈q'uinl tic. A 'in nani, to 'oj in eyalch e Mamc 'a smasnil tiempo, man̈x 'oj eyi'l e b'a 'a in tz'ey in nani.

Jeremías 2:31

(Ex yin̈tl can Israel, macljec eyab' tas tzwal 'ayx an Jehová in tic.) ¿Tom 'icha wal junc lum cusltac lum waj 'ayex? ¿mto 'icha junc lum lum 'ay smay? Ex in chon̈ab', ¿tas wal yuj tzeyal 'ayn 'ixtic: Mun quic qui b'a on̈, man̈x 'a b'a'n̈ 'oj qui meltzj 'aych on̈? xe chi.

Salmos 50:18

A yic tzeyiln junc 'elc'um, ax tic caw tzex tzalj e 'at yet'oc; jun tzex 'ec' pax yet' eb' tzb'on 'ajmulal.

Lv 20:10

Toto 'ay mach tzb'o 'ajmulal yet' yistzil junc yit wincal, yowlal tzcham jun winc chi yet' 'ix 'ix cha.

A Ch'an̈ Carta D'a Eb' Hebreo 13:4

A yic tzqui'nec qui b'a yet' quistl junjn on̈ec, 'ay cab' yel'ch jun 'ijb'al chi 'a qui satec. Yowlal cojn 'a quistl junjn on̈, cojn ta tzca'c 'och qui nab'en. Yujto a Dios 'oj b'eyc'ojlanc eb' tzb'on 'ajmulal. Wach'xam eb' 'ayx yitb'eyum, wach'xam eb' manto, 'oj 'ajxcn̈ej 'och 'a yib'n̈ eb'.

2 Cr 13:9

'In xe pechl pax eb' ya'mal 'och sti eb' 'anma 'a Jehová, atn eb' yin̈tl can Aarón yet' eb' levita, 'in xe si'cn pax 'och eb' tz'och ya'malc 'och e ti 'a jun tzo'n̈ e comn diosal 'a yol eyico', 'icha tzb'eylb'ej jun tzo'n̈ xo nacion̈. Tzann̈j mach tzjaw yet' junc quelm wacax, yet' ucwn̈oc no mam calnelu, a xe ya'cn 'och ya'malc 'och e ti 'a jun tzo'n̈ e diosal cha, palta a jun tzo'n̈ cha, man̈ diosoc eb'.

Jeremías 7:9

Tzex 'elc'wi, tzex milw cham 'anma', tze b'on 'ajmulal, tzeya'n cob' e ti 'a tas man̈ yeloc, tzeya'n tz'a incienso 'a jun comn dios tzcuch Baal, tzeya'n 'emmquilal 'a jun tzo'n̈ xo comn dios to may 'aj 'ix colwj 'ayex.

Jeremías 16:11

Tzach ta'w 'a eb' 'ixtic: A Jehová, a tzaln jun tic: A eb' e mam eyicham, in yactj can eb', ax 'a spatc jun tzo'n̈ comn dios 'ix 'och tza'n eb', xya'n eb' 'emmquilal 'a jun tzo'n̈ cha. In yactj can eb', ma'ix syiclj eb' jun tzo'n̈ cuynb'il 'ix wac' 'a 'a.

Jeremías 16:20

¿Tom tztac' sb'on eb' 'anma sdiosal? Toto a eb' b'ojnac, wal yel, man̈ diosoc tzyal cha, 'oj schic eb' 'ayach, xin chi 'a Dios.

Lm 3:42

'Ix 'och wal qui mul on̈, caw tenmtac xcutj qui b'a 'aych on̈, yuj cha, ma'ix ac' niwnc'ojlal qui mul on̈.

Job 31:12

Toto 'ixta', jaw cab' in yailal chi 'icha junc niwquil c'ac' tzsatn 'el smasnil tas, 'ixta cab' tzyutj satn 'el smasnil tas 'ay 'ayin.

Jeremías 3:8

'Ix yil eb' 'aj Judá cha, chajtlto yuj yajmulal eb' israel xin pojn in b'a yet' eb', 'ix in pechn can 'el eb'. Palta an̈jtona pax eb' 'aj Judá cha, caw may jac xiwc'ojlal eb', locn eb' xb'on 'ajmulal chi jun xo.

Jeremías 9:1

¡Comnoc wal lajn yol in sat tic yet' junc a spac'b'a tz'el yoctac, sec sc'ual, yac'wlil woc' yuj smasnil eb' wit chon̈b' xlaj chami!