Jeremías 5:31 - Chuj San Sebastian Bible

³¹ Cojn 'es tzyal-l eb' tzcob' yalch sb'a in checb'oc. Ax eb' ya'mal 'och sti eb' 'anma 'ayin, tzyac' eb' yajlil 'icha tas tznib'ej. Ax jun in chon̈b' tic, wach' tzyab' 'ixta'. Palta ¿tas wal 'oj yutc sb'a eb', yic 'oj jawc jun slajb' tiempoal? xchi Dios.

Chuj San Mateo Bible

³¹ A eb' syaloch sb'a in checab'oc, an̈ej es syal eb'. Axo eb' sacerdote syac' yajalil eb' icha sgana. Axo in chon̈ab' tic, vach' syab'i. Palta, ¿tas val ol aj eb' ayic ol ja slajvub'?

Jeremías 5:31 Referans Kwoze

Ez 13:6

Tzcob' yal eb' to 'ay tas tzyila, tznan eb' tas tzyutj ya'n 'es, tzyaln cob' eb' 'ixtic: A Jehová a tz'a'n cal jun tzo'n̈ tic, xchi cob' eb', palta may tas tzwal 'a eb'. Tzlaj cob' stan̈wnoc eb' yel'ch tas tzyal cha.

Jeremías 14:14

'Ix ta'w Jehová 'ayn 'ixtic: Toto 'ixta tzyutj eb' checb' chi yaln 'el 'a in b'i, wan ya'n eb' 'es tzyal cha. An tic, man̈oc in tzwac' yal eb'. May junc checnb'il 'ix wac' 'a eb', may in tzin paxtin 'a eb'. A jun tzo'n̈ 'icha waychil xyutj yiln eb' chi yala', caw man̈ yeloc, yuj cha, may jac yel'chi. Mun yol yic jun tzo'n̈ checb' cha, tzpitzn chan̈ eb' yal jun tzo'n̈ cha.

Miqueas 2:11

Ax tic, a junc checb' to caw wal 'a'm 'es, a tze nib'ej, atn junc mach tzaln 'eli chajtlto caw niwn eyal uva yet' eyan̈ 'oj eyic'.

Ez 22:14

Tom 'oj stac' ste'wtzan sb'a eb' 'a wojltac yic 'oj in b'eyc'ojlanc eb'. A tas tox xwala, yowlal 'oj 'el'choc.

Is 10:3

¿Tas 'oj eyutc e b'a yic 'oj jawc eyailal? A yic 'oj eyiln scot jun yailal chi 'a najat, ¿mach 'aj 'oj eyal e b'a? ¿'Aj pax til 'oj eyactc can smasnil tas 'ay 'ayex?

Dt 32:29

Q'uinloc 'ay snab'en eb', to 'ixta', tznachj 'el yuj eb', tzyojcan 'el eb', tas 'oj 'aj 'el'ch eb'.

Miqueas 2:6

Tzyaln eb' 'anma 'ixtc 'ayin: Man̈ al 'ayn̈ yuj yailal 'oj jawoc, toc wal 'oj jawc jun q'uixwc'ojlal chi 'a quib'n̈ec.

Lm 2:14

A eb' cob' tzyalch sb'a schecb'oc Dios 'a e cal, ton̈j ex yixtj paxti eb', 'esn̈j tas xyal eb' 'ayex. Ma'ix schecltej 'el eb' e mul, yuj cha, matz e jel e nab'en. 'Ix alx 'es paxti 'ayex, xeya'n 'och jun chi yipc e c'ojol.

Lm 1:9

A smul eb' 'anma cha, caw wal checl yaji; palta may tas tzna eb' toto 'ay tas wan sjaw 'a yib'n̈ eb'. Caw wal satjub'tac x'aj slajw 'el schon̈b' eb'; may xon mach x'a'n sniwnal sc'ojl eb'. Yuj cha, tzyaln eb' 'ixtic: Mamin Jehová, 'ilt on̈ cot yet' wal qui yailal on̈, a eb' 'ajc'ojl yajch 'ayn̈ on̈, caw wal xyac' eb' sgana on̈ satn 'el on̈, xchi eb'.

Is 33:14

A eb' maysch'olnil sb'eyb'al 'ayc' 'a Sión, caw tz'ib'x eb' yuj xiwlal, ax eb' may yel'ch Dios 'a sat, caw tzxiw pax eb', tzyaln eb' 'ixtic: ¿Mach junc on̈ec tztechj qui can cajn 'a scal jun c'ac' tzsatn 'el smasnil tas, atn jun c'ac' tzn̈ilchj 'a smasnil tiempo? xchi eb'.

Is 20:6

A 'a jun tiempoal cha, a eb' 'anma cajn 'a sti a mar, 'oj laj yal eb' 'ixtic: 'Iltec wal tz'aj eb' 'anma 'aych cob' yipc qui c'ojol, atn eb' 'aj tzlaj calc qui b'a yic tzon̈ scolnec eb' 'a yol sc'ab' win sreyl Asiria, ¿ax ticnec, mach 'oj to qui colnec? 'oj schic eb', xchi Dios.

Miqueas 3:11

A eb' juez yaj 'a yol chon̈ab', man̈ wach'c tzyutj eb' sb'onyaj junc 'anma', tzchaj eb' q'uen c'ultac tumin. An̈jtona eb' tz'a'n 'och qui ti 'a Dios, yujn̈ej schan eb' tumin, yuj cha, tzcuywj eb'. 'Ixta pax eb' tzyalch sb'a schecb'oc Dios, yujn̈ej schan eb' tumin, yuj cha, tzyaln eb' tas tz'aj 'el'ch junc mach. Tzyaln pax eb' to 'aych Dios yet' eb', yuj cha, tzyaln eb' 'ixtic: A Jehová 'aych quet'ec, yuj cha, may yailal 'oj 'ec' 'a quib'n̈ec, xchi cob' eb'.

Is 43:27

A eb' e mam eyicham, a eb' b'ab'l 'ochnc smul, ax eb' scuymal eb', 'ix meltzj 'och eb' 'ajc'ojlal 'ayin.

Is 47:7

'Ix aln 'ixtic: An tic yajl in 'a smasnil tiempo, xa chi. May wal jac xa na 'a yib'n̈ jun tzo'n̈ tic, ma'ix nachj 'el o'oj tas 'oj aj 'el'chi.

Jeremías 12:4

¿B'a'n̈ wal 'oj 'och wan stacj lum lum tic, yet' te c'ultc tzlo e no noc'? A e no noc', yet' e no ch'ic, wan laj scham e no yuj smaysch'olnilal eb' 'anma 'a jun nacion̈ tic. A snan eb' to matz el tas tzb'o eb', xin chi 'a Dios.

Jeremías 26:7

A eb' ya'mal 'och sti eb' 'anma 'a Dios, yet' eb' tzyalch sb'a schecb'oc Dios, yet' smasnil eb' chon̈ab', 'ix yab' eb' waln jun tzo'n̈ paxti cha, yic 'ayn 'ec' 'a yamq'uil yatut Dios.

Lm 4:13

'Ixta 'ix uji, yuj wal smul eb' schecb' Dios yet' yuj smul eb' ya'mal 'och sti eb' 'anma 'a Dios, yujto til wal 'anma may smul 'ix smil eb' 'a yol chon̈ab'.

Lm 4:18

Caw 'aych sat eb' 'ajc'ojl chi 'ayn̈ on̈, 'aj tzlaj on̈ 'eq'ui. Man̈xtzac stac' xon quel 'a yol caye yuj eb' on̈, a ticnec b'i'an, xc'och sc'ul qui lajw 'el on̈, wal qui cham tic on̈.

Os 4:9

Yuj cha, ax ya'mal 'och sti eb' 'anma eyaji, lajn 'oj eyutc eyab'n syal yet' eb' eyit chon̈ab'. Yuj e b'eyb'al cha, ax wa'n 'och yailal 'a eyib'n̈ yet' eb'.

Os 6:10

Caw wal yajb'entac yilx eb' 'aj Israel tzwila. Ax eb' 'aj Efraín caw xyixtj 'el sb'a eb' yuj 'ajmulal.

Os 9:5

¿Tas wal 'oj eyutc e b'a, yic 'oj jawc q'uin̈, atn jun tzo'n̈ q'uin̈ yic Jehová?

Dt 32:20

'Ix yaln Jehová 'ixtic: ¡'Oj wel ch'umn 'a eb' 'anma cha! ¡'Oj wila' tas 'oj yutc sb'a eb'! ¡Wal yel a jun tzo'n̈ 'anma tic, caw maysch'olnil eb', matz tac' xon wa'n 'och eb' yipc in c'ojol!

A Ch'an̈ B'ab'el Libro Yic Yab'ixal Eb' Rey 22:6

Xlajw cha, 'ix ya'n win sreyl eb' israel chi syam sb'a eb' tzyalch sb'a schecb'oc Dios. Jab'xoj man̈ chan̈e'oc ciente eb', 'ix yaln win 'a eb' 'ixtic: —¿Tzam stac' 'at wa'nc owl 'a chon̈b' Ramot, 'a yol yic Galaad mto ma'ay? xchi win 'a eb'. —Mamin rey, 'ixc 'a owl cha, yujto a Jehová, a 'oj 'a'nc jun chon̈b' chi 'a yol a c'ab', xchi eb' 'a 'a.

Pr 17:4

A eb' tu snab'en, tzchaj sc'ojl eb' tu paxti'al. Ax eb' 'a'm 'es, tzchaj sc'ojl eb' alj peclal.

Ez 13:10

A eb' tzyalch sb'a in checb'oc cha, caw wal 'ix yac' eb' 'es 'a eb' in chon̈ab'. 'Ix cob' yaln eb' 'ixtic: A ticnec man̈x e na to 'ay tas 'oj jawc 'a quib'n̈ec, xchi cob' eb', palta man̈ yeloc to may tas 'oj jawc 'a yib'n̈ eb'. A eb' cha, lajn tzyutj sb'a eb' 'icha junc mach tznipn junc muro ton̈j b'alb'ob'il. A b'i'ch tzya'ch sniploc, tzicn 'och tan̈ 'a spatic yic wach' cob' yilxi. Palta ax yic tzya'n junc niwquil yaxn̈ab' 'aych yic'al, 'aych pax sacb'at 'a scal, a jun n̈ab' chi tzma'n lan̈chjoc. Ax yic tzyiln eb' 'anma to lan̈chjnacx 'ejmi, tzyaln eb' 'ixtic: ¿Tas x'aj lum b'i'ch x'och sniploc jun muro tic? ¿'Ajtil xc'och lu'um? xchi eb'. 'Ixtnta yaj tas tzyal eb' cob' tzyalch sb'a in checb'oc cha. Tzyal cob' eb' to a Jerusalén may tas 'oj 'i'noc yuj smaysch'olnilal eb' 'anma cha. Palta an Jehová in, an tzwal 'ixtic: 'Oj wa' cot yowl in c'ojl 'a yib'n̈ Jerusalén, 'oj lajwc 'ejm yuj in c'a'lc'ojlal. Sactzicnac 'oj 'ajcn 'a sat lu'um, ax scheclj yipnub'al yich. 'Ixta 'oj 'aj scham eb' cob' tzyalch sb'a in checb'oc cha yujto a tas tzyal eb' 'a eb' in chon̈ab', lajn 'icha b'i'ch tz'och sniploc junc muro cha. Ax waln 'ixtic: 'Iltec, tox 'ix lajw 'ejm Jerusalén, yet' eb' 'anma xcob' 'alnoc to may tas tz'i'ni, 'oj in chioc. Atta 'oj in eyojcoc 'eli, to an ton Jehová in, to cojn in ton Dios in.

Sofonías 3:4

A eb' tzyalch sb'a schecb'oc Dios, caw tzb'an̈ sb'a eb', 'a'm 'es eb'. A eb' ya'mal 'och sti eb' 'anma', tzyixtj 'el eb' scajnub' Dios, tzjeln eb' tas tzyal sley.