Jeremías 5:1 - Chuj San Sebastian Bible

¹ Xyaln Jehová 'ayn 'ixtic: B'eyn̈ 'ec' 'a scayeal Jerusalén, tza maclni wal el si'mb'il. Tz'ec' a saync el 'a 'aj 'ay smasnil chon̈, tzelni toto 'ay mach caw tojl tas tzb'o'o, caw yeln̈j tas tzyala. Toto tz'ilchj junc o'oj, to 'ixta', 'oj wac' niwnc'ojlal 'a Jerusalén.

Chuj San Mateo Bible

¹ Ix yalanxi Jehová d'ayin icha tic: Ec'an̈ d'a scalleal Jerusalén tic, tzilan masanil anima, tzilan d'a mercado tato ay junoc anima sb'eyb'alan tojolal, vach'n̈ej syutej sb'a. Vach'chom junoc pitan̈ tz'ilchaj uuj, ol vac' nivanc'olal Jerusalén tic.

Jeremías 5:1 Referans Kwoze

Ez 22:30

'Ix cob' in sayc' 'a scal eb', lemb'il 'ay junc mach tztew to 'ayn yuj jun chon̈b' cha, sec matz in satli, palta may junc x'ilchj wu'uj.

2 Cr 16:9

A Jehová tzlaj yil smasnil tas tzuj 'a yolyib'n̈q'uinl tic, yic tzch'oxn 'el spoder, tzya'n ste'nal eb' wach' snab'en 'a 'a, toto a tzya'ch eb' yipc sc'ojol. Oc xo jun, a jun xa b'o cha, lajn 'icha junc may snab'en. Yuj cha, a ticnec yet' 'a yic 'oj b'ey tiempo, owln̈ej 'oj ela', xchi 'a 'a.

Is 59:4

May xon junc mach tojl tas tzb'o'o, may mach tzb'oyaj sb'a 'a wach'. A tas 'aj 'aych e nab'en, atn 'a 'es yet' jun tzo'n̈ paxti man̈ yeloc. A maysch'olnil, a chi 'ayc' 'a e nab'en e b'oni, ax tz'aji, tzeya'n 'el'choc 'icha tas tze na cha.

Salmos 14:3

Palta c'uxn on̈ juwc 'el qui masnil. Junlajnn̈ej on̈ juwc 'eli. Toc 'ayt junc on̈c tzqui b'o tas wach', man̈x 'a xon wal junoc.

Pr 20:6

Til wal eb' tzalni to 'ayn̈j schamc'ojlal eb' 'ayn̈ec, palta jaywn̈ej eb' tztac' ca'nec 'och yipc qui c'ojol.

Salmos 12:1

Mamin Jehová coln̈ 'el on̈, yujto man̈x 'a mach te'n tzyutj sb'a 'ayach, man̈x 'a pax mach yiclum 'a qui cal an̈ 'anman̈ tic.

2 Ts 2:10

Til wal maysch'olnil 'oj sb'o winac, ax yixtn paxti win eb' 'anma 'oj satcn 'eli. 'Oj satcn 'ejm eb', yujto matz nib'j eb' tzya'ch sc'ojl 'a jun cuynb'il caw yel, sec tzcolchj eb'.

Lc 14:21

Yic 'ix c'ochx jun smoso win cha, c'uxn xyala tastc xyutj ewin yaln 'a 'a. Yuj cha, caw xcot yowl win patron̈ cha. 'Ix yaln win 'ixtc 'a jun smoso cha: 'Ixc wal mu'c 'a jun tzo'n̈ caye, 'a jun tzo'n̈ b'e 'a yol chon̈b' tic. 'At 'ij cot eb' meb'a', eb' palta yaji, eb' coxo, yet' eb' matz uj yilni, xchi win 'a 'a.

Zacarías 2:4

'Ixc muc'uc, 'at al 'a jun quelm 'et'jnac jun ch'an̈ 'echtab' lum cha: To a Jerusalén 'oj b'ox cha'an̈, ax scajn eb' 'anma jun 'ejm xo. Caw 'oj niwtjoc sb'isl eb' 'anma cha, yel xo 'oj niwtjoc scajb'en noc' eb', man̈x 'oj stac' yoch smuroal chon̈b' cha.

Am 8:12

'Oj oyb'xoc 'ec' eb' 'anma sayn 'ec' mach tzaln 'el in paxti'. 'Oj 'at eb' 'a sti a Mar Muerto, masnto 'oj c'och eb' 'a sti a Mar Mediterráneo. 'Oj 'ec' eb' 'a schan̈paq'uil yolyib'n̈q'uinal, palta may mach 'oj 'ilchjoc yuj eb'.

Jl 2:9

A yic tzc'och no 'a junc chon̈ab', tojln̈ej sjen̈w 'ec' no 'a yib'n̈ smuroal, tojln̈ej yoch no 'a yol n̈a. Lajn no 'icha junc 'elc'm tz'och 'a te wentnu.

Dn 12:4

Palta ach tic Daniel, 'a'cn 'och seyoal jun libro tic, tza moln cani, masnto 'oj jawc jun slajb' tiempoal cha. Til wal eb' 'anma ji'lti 'oj 'ec' 'a tic, ji'lti 'oj 'ec' 'a cha, yic tzsayn 'ec' eb' tas tzuji, yujto caw 'oj niwtjoc jelnal 'a jun tiempoal cha, xchi jun ángel chi 'ayin.

Cantares 3:2

Yuj cha, in q'ue wa'an, xcob' in saync 'ec' ni 'a yol chon̈ab', xlaj in saync 'ec' ni 'a yoltc caye, 'a plas, palta ma'ix 'ilchj ni wu'uj.

Pr 23:23

'A'c 'ip e sayn 'ec' tas yel, jelnal, cuynb'il yet' wach' nab'enal. A jun tzo'n̈ cha, man̈ e patquilc can 'eli.

Pr 8:3

yet' pax 'a 'aj 'ay spuertail chon̈ab', tzex 'awtx pax ta'.

A Ch'an̈ B'ab'el Libro Yic Yab'ixal Eb' Rey 19:10

'Ix ta'w Elías chi 'ixtc 'a 'a: Mamin Jehová, yajl ach 'a yib'n̈ smasnil, caw wal xcot yowl in c'ojl yuj tas tzach yutj eb' wit israelal. 'Ix spatquilj can 'el eb' a trato, 'ix laj sma'n lan̈chjoc eb' yet'l xajmb'al to ec yaji, 'ix laj stzu'nc cham eb' ewin a checab'. Cojxn in cannc in 'a scal eb', ax ticnec, to tzin sayx 'ec' yuj eb', yic tzin smiln cham eb', xchi.

Jeremías 2:29

An Jehová in, an tzwala: ¿Tas yuj tzeyala, chajtlto matz ex in colo? Palta tic pax ax tzex 'och tenmtacl 'ayin.

Jeremías 44:15

Yuj cha, smasnil eb' winc to yojtac chajtlto a eb' 'ix yistzil ewin tz'a'n incienso xajmb'al-l 'a jun tzo'n̈ chuc diosal, yet' smasnil eb' 'ix 'ix 'ayc' ta', caw wal niwn sb'isl eb', yet' pax smasnil eb' 'aj Judá cajn 'ec' 'a Egipto, yet' 'a Patros, 'ix ta'w eb' 'ayn 'ixtic:

Salmos 14:2

A 'a satcha'an̈, ata q'ueln 'emt Jehová 'a 'ayn̈ec an̈ 'anman̈ec tic, yic tzyilni toto 'ay junc on̈ 'aych qui nab'en 'a 'a, toto nan to cujec.

Salmos 94:16

Mamin, ¿mach wal junc in wul colnc 'el 'a yol sc'ab' eb' maysch'olnil cha, mto 'a eb' tu snab'en 'a in patquil?

Jeremías 8:6

'Ix in maclj wal e paxtini, 'ix wab'ni chajtlto may junc ex tzex paxtin 'a stojlal. May xon junc ex tze na e b'a yuj e mul, yic tzeyaln 'ixtic: ¿Tas wal xin b'o'o? man̈ xe chioc. Caw wal tzeyac' eyip e 'atx can 'a e b'e e masnil, 'icha wal tzyutj no chej ya'n 'ip s'at 'a owal.

Jeremías 9:2

¡Comnoc wal 'ay junc wet'l 'aj wach' in c'och cajn 'a cusltac lu'um, sec najt tzin 'elcn 'a stz'ey eb' wit chon̈b' tic! Yujto 'ix yij 'el sb'a eb' 'a stz'ey Dios, 'ixtm 'anma pax eb'.

Jeremías 9:7

Yuj wal cha, an Jehová in, tztac' wuj smasnil, an tzwala: ¿Tas to wal junc xo tztac' in b'on yet' eb' in chon̈b' tic? Cojn to 'oj wa't eb' 'a scal c'ac', sec tz'och eb' wach'il, 'icha tzyac' q'uen plata.

Ez 9:9

'Ix yaln 'ixtc 'ayin: A eb' israel yet' eb' 'aj Judá, yel xo wal niwn smul eb' 'a in sat, caw wal tzniwtj scham eb' 'anma 'a jun tzo'n̈ chon̈b' tic yuj jantcn̈ej maysch'olnil, yujto a snan eb' 'anma tic, to an Jehová in tic, matz wil tas tzb'o eb'.