Jeremías 49:8 - Chuj San Sebastian Bible

⁸ Ex 'aj chon̈b' Dedán, 'ixquec 'eloc, c'ub'jec 'el e b'a 'a yoltc n̈aq'ue'en, yujto 'oj in satl schon̈b' Esaú tic. 'Ix c'och stiempoal wa'n 'och syailal.

Chuj San Mateo Bible

⁸ Ex aj Dedán, elan̈ec lemnajoc, ixiquec e c'ub'ejel e b'a d'a yoltac q'uen n̈aq'ueen. Yujto ol in satel schon̈ab' vin̈aj Esaú tic. Toxo ix c'och sc'ual vac'anoch syaelal.

Jeremías 49:8 Referans Kwoze

Jeremías 25:23

'Ix wa'n 'a eb' yin̈tl Dedán, eb' yic Tema, eb' yic Buz; yet' smasnil eb' chon̈b' tzjoxn 'el xil sjolm 'a stz'eynb'il sjolom.

Jeremías 46:21

A wal jun tzo'n̈ eb' soldado majnab'il coti, caw wal b'a'ch eb' 'icha no wacx caw b'aq'uech, palta locn eb' 'oj 'at 'eloc. Caw man̈x 'oj stac' ste'wtzan sb'a eb', yujto tzjaw sc'ul slajw 'el eb', tzc'och yorail sjaw syailal eb' 'a yib'an̈.

Jeremías 49:30

An Jehová in, an tzwala: 'Ixquec 'elc 'a caw najat, ex to cajn ex 'a chon̈b' Hazor. 'At c'ub'jec 'el e b'a, yujto a win Nabucodonosor sreyl Babilonia, tox 'ix sna winac tas 'oj ex yutoc.

Is 21:13

A jun tzo'n̈ tic alb'il can 'ixtc 'a yib'n̈ Arabia: Ex chon̈wjum 'aj Dedán, ex to tz'ec' 'ac'wl eyuj 'a calcte 'a Arabia:

Apoc 6:15

Ax eb' rey 'a yolyib'n̈q'uinal, 'ix laj sc'ub'c 'el sb'a eb' 'a yol niwc n̈aq'ue'en, yet' 'a scal q'uen 'a tzalctac. 'Ixta xyutj pax sb'a jantcn̈ej eb' niwc winac, eb' rico, eb' yajal yet' eb' 'ay yel'chi. Eb' moso man̈ yico'oc sb'a, toxn̈ej eb' mun yic sb'a, c'uxn xlaj 'at eb' 'elc smasnil.

Jeremías 50:27

Milc cham eb' soldado eb', man̈x 'a cab' e niwnc'ojlal 'a eb'. 'Oltac wal eb', caw 'ix jaw stiempoal schan eb' syailal, xchi Jehová.

Jeremías 49:32

'El'jec cot scameyo eb' yet' swacx eb', xin chi. Tzanxn̈ej 'aj 'oj wa' cot yailal 'a yib'n̈ eb' tzjoxn 'el xil sjolm 'a spac'b'il sjolom, yuj cha, 'oj sactzic can 'at eb'.

Jeremías 48:44

A eb' 'oj 'at 'elc 'a eb' tzpechn b'eyc'oc cha, 'oj 'atcn eb' 'a yol junc xab'. A mach 'oj yac' ganar sq'uet 'a yol junc xab' cha, 'oj cancn 'a junc ch'an̈ ya'al, yujto an Jehová in, an 'oj wa' cot yailal nab'il wuj 'a yib'n̈ Moab.

Jeremías 48:28

E masnil ex 'aj Moab, 'actjec can e chon̈ab', 'ixquec cajn 'a satcq'ue'en, 'icha no 'uch, a 'a sat q'uen chi tzb'o no so'.

Jeremías 48:6

¡A eb' tztac' to yu'uj, 'at cab' eb' 'eloc! ¡Scol cab' sb'a eb'! Lajn xoj cab' tzyutj sb'a eb' 'icha no calte'al b'uru 'a cusltac lu'um.

Jeremías 6:1

¡Ex yin̈tl can Benjamín, sayc 'aj tz'at e col e b'a, 'eln̈ec 'a yol chon̈b' Jerusalén! 'Utz'jec q'uen trompeta 'a chon̈b' Tecoa, 'a'c 'och tab' ch'oxnb'ilal 'a Bet-haquerem, yujto 'ay wal jun niwquil yailal tzcot 'a stojlal norte, til wal tas tzjuw 'el yu'uj.

Is 2:21

A yic 'oj ya'n Jehová 'ib'xoc yolyib'n̈q'uinl tic, 'oj laj xiw chan̈ eb' 'anma', 'ay eb' 'oj sc'ub'c 'el sb'a 'a yol sjatlil q'uen q'ue'en, yet' 'a yol n̈aq'ue'en, yujto caw 'ay smay yilx Jehová yet' stzictznial.

A Ch'an̈ B'ab'el Libro Samuel 13:6

A yic xyiln eb' israel to matz techj yuj eb' 'a eb' filisteo, caw x'och xiwc'ojlal 'a scal eb'. 'Ix 'at eb' sc'ub'c 'el sb'a 'a yoltc n̈aq'ue'en, 'a yoltc xab', 'a sat q'ue'en, 'a slot'l tenam yet' 'a yoltc ch'olan.

Jueces 6:2

A eb' israel cha, caw 'ipn swach' 'ixtx eb' yuj eb' madianita. Caw wal tzxiw eb' 'a eb', yuj cha, sb'on eb' israel chi sjul 'aj tzc'ub'j 'el sb'a 'a spatc eb' lum niwc witz, 'a yojl n̈aq'ue'en, yet' 'ajtil caw 'ajltac sc'och 'anma'.

Is 34:5

A 'a satcha'an̈ ata 'oj sch'ox cot Jehová yespada, ax 'a yib'n̈ Edom 'oj 'emoc, yujto a jun chon̈b' cha, tox 'ix 'ajx 'och chaml 'a yib'an̈.

Ez 25:13

Yuj cha, an Yajl in tic, an tzwal 'ixtic: 'Oj wi' chan̈ in c'ab', ax wa'n 'och yailal 'a yib'n̈ eb' 'aj Edom. 'Oj in satl smasnil 'anma yet' no noc'. 'Oj 'el yich slajw 'el eb' 'a Temán masnto 'oj c'och 'a Dedán. 'Oj cham eb' 'anma chi yuj owal.

Malaquías 1:3

ax Esaú chacb'il 'el wu'uj. A lum jolm witz 'aj cajn eb' yin̈tl Esaú, xwa'cn 'och lum 'a cusltac lumal. Cojxn̈ej no calte'al noc' xcan cajn ta'.

Malaquías 1:4

Toto a eb' edomita yin̈tl Esaú a eb' tzaln 'ixtic: Wach'xam on̈ lajwec 'eli, palta 'oj qui b'oc pax chan̈ qui chon̈b'ec tic jun 'ejm xo, toto xchi eb', wach'xam tzb'ox chan̈ eb' schon̈ab', palta an 'oj in ma'x lan̈chjoc jun 'ejm xo. A snacion̈ eb' cha, 'oj yal eb' 'anma yuj 'ixtic: A jun nacion̈ tic, caw wal maysch'olnil, 'ayn̈j 'och pax yowl sc'ojl Jehová 'a yib'an̈, 'oj xchic eb'.