Jeremías 49:5 - Chuj San Sebastian Bible

⁵ Yuj cha, an Jehová in, tztac' wuj smasnil, an tzwala: To 'oj wa' cot xiwc'ojlal 'a eyib'an̈, yujto smasnil eb' chon̈b' cajn 'a e tz'ey, 'oj 'och eb' yac' owl eyet'oc. Junjn ex ax tic, 'oj e pechx b'eyc'oc, man̈x 'a mach 'oj e molb'tzan cot jun 'ejm xo.

Chuj San Mateo Bible

⁵ A in Jehová Yajal in d'a Smasanil sval icha tic: Ol vac'b'at xivc'olal d'a eyib'an̈, masanil chon̈ab' ayec' d'a e lac'anil ol c'och yac' oval d'ayex. Junjun ex, ol ex pechchajeloc, man̈xalaj mach ol yal ex smolb'anxi.

Jeremías 49:5 Referans Kwoze

Jeremías 49:29

'Ijec 'ec' scalnelu eb', smantiado eb', yet' jantcn̈ej syamc'ab' eb'. 'Ijec 'ec' pax scameyo eb', tzlajw cha, tzeya'n 'el eyaw, tzeyaln 'ixtic: Caw 'ayxn̈ej xiwc'ojlal 'a smasnil lugar, xe chi.

Jeremías 46:5

¡Tas jun wan yuj tic! A tzwila to a eb' soldado win Necao wan laj smeltzj eb' 'a spatc yuj xiwc'ojlal. A wal eb' 'a'm owl cob' cha, caw sactzicnac s'at eb' 'eloc. Man̈xtzac yil't eb' jac 'a spatic.

Am 4:3

An Jehová in, an tzwala, to caw stzol-l 'oj eyaj eyijx 'el 'a 'aj 'oj ma'xoc 'ejm lan̈chjoc jun tzo'n̈ n̈a cha, ax e julx can 'at 'a caw najt cha.

Jeremías 20:4

Yujto xyal Jehová 'ixtic: 'Oj wa'ch wal xiwc'ojlal 'a eb'an̈, yet' 'a smasnil eb' 'a wach'c'ojol. Q'ueln ach wal 'ochi, ax yem eb' a wach'c'ojl chi yuj yespada eb' 'ajc'ojl yajch 'ayach. Ax 'aj Judá ex tic, 'oj ex wa'cn 'och 'a yol sc'ab' win sreyl Babilonia. A win 'oj eyi'n 'at 'a Babilonia cha, mto 'oj ex smiln winac.

Jeremías 15:8

Caw 'oj niwtj sb'isl eb' 'ix chamnc yichmil wu'uj. Lajn 'oj 'aj eb' 'ix 'icha wal yarenail sti a mar. Wal 'a caw chimc'ual, ax wa'n jawc chaml 'a yib'n̈ eb' 'ix nunb'il yet' 'a yib'n̈ yune eb' 'ix.

Is 16:3

Ax yaln eb' 'ixtc 'a eb' 'aj Sión: Na'ec tas tzon̈ eyutj on̈ e colni, ax tzex 'och qui colmalc on̈. 'Icha junc te 'ay yen̈l 'a chimc'ual, 'ixta cab' tzeyutj on̈ e c'ub'n 'el 'a eyen̈ul. 'Icha tzyac' junc tas 'a 'ac'wal, man̈ checloc, 'ixta tzon̈ eyutj an̈ tzon̈ 'atcn 'elc tic on̈, man̈ on̈ e ch'ox on̈.

Pr 28:1

A mach tzb'on maysch'olnil, wach'xam may mach tzpechni, palta mun tz'at 'eloc; ax pax mach wach' snab'en, te'tec' yaj 'icha junc no león.

Job 15:21

A yic tzyab'n eb' sc'an̈ junc tas, caw tzxiw eb' yu'uj, ax yic cob' may tas tzna eb', a paxta tzjaw maysch'olnil chi 'a yib'n̈ eb'.

A Ch'an̈ Schab'il Libro Yic Yab'ixal Eb' Rey 19:7

'Ilto, an 'oj wa'ch junc xiwlal 'a 'a. A yic 'oj yab'nc junc 'ab'ix, ax smeltzj 'a schon̈ab'. Ata 'oj wac' milxc cham yet' espada, xchi Dios, xchi Isaías.

Josué 2:9

—Wojc an tic, to a Jehová a tz'a'n jun lum tic 'ayex. A pax tzon̈ 'a'n 'och 'a xiwc'ojlal qui masnil 'a jun tzo'n̈ lugar tic on̈. Man̈x on̈ 'anmac tzcab'i yic tzcab'n eyab'xil.

Jeremías 16:16

Palta a yic mantzac uj jun cha, 'oj wi' cot eb' 'ajc'ojl 'a eb' israel yic tzwul yamchjoc 'at eb' yuj eb'. 'Icha tzyutj eb' yamn chay syamn no chay yet' schim, mto 'icha tzyac' eb' ma'm noc' tz'ec' 'a lum tzalctac, tz'ec' saync eb' no 'a yoltc n̈aq'ue'en, yet' 'a sjatlil eb' q'uen q'ue'en, 'ixta 'oj wutc eb'.

Lm 4:15

Tz'awj cot eb' 'anma chi 'a eb' 'ixtic: Man̈ ex jawc 'a qui tz'ey, yujto caw wal tu eyilxi. Man̈ ex 'och yamn 'ayon̈, yujto man̈ smojc 'ayx 'ec' 'a schon̈b' Dios, xchi eb' 'a eb'. Yuj cha, 'ix 'elcn eb' 'a yol schon̈ab', tz'ec' eb' 'a junjn chon̈ab', palta may mach tzchan eb'.

Jeremías 6:25

¡Man̈x ex 'at munljoc, man̈x ex 'ec' b'eyc'oc 'a yoltc b'e! ¡Yujto a eb' 'ajc'ojl yajch 'ayn̈ec, 'ayx 'ec' eb' yet' syamc'ab' yic owal. 'Ayxn̈ej xiwc'ojlal 'a smasnil lugar! xchi eb' 'anma cha.