Jeremías 49:23 - Chuj San Sebastian Bible

²³ 'Ix yaln pax Dios yuj eb' 'aj Damasco 'ixtic: A eb' 'aj chon̈b' Hamat yet' Arfad, caw man̈x 'anmac yaj snab'en eb', yujto caw tu sc'och 'ab'x 'a eb'. Caw xniwtj xiwc'ojlal 'a eb', man̈xtzac stac' yajc' eb' 'a tzaljc'ojlal.

Chuj San Mateo Bible

²³ Ix yalanpax Jehová d'a yib'an̈ Damasco icha tic: A eb' aj chon̈ab' Hamat yed' eb' aj Arfad, man̈xo animaoc ix aj spensar eb', yujto te chuclaj ab'ix ix c'och d'a eb'. Ix te q'uechaan̈ xivc'olal d'a eb', maxtzac yal-laj yajec' eb' d'a tzalajc'olal.

Jeremías 49:23 Referans Kwoze

Is 10:9

Lajn wutjnac can chon̈b' Calno yet' Carquemis, 'ixta pax wutjnac chon̈b' Hamat yet' Arfad, an̈jtona' lajn pax wutjnac Samaria yet' Damasco.

A Ch'an̈ Schab'il Libro Yic Yab'ixal Eb' Rey 18:34

¿'Ajtil 'ay chi tztac' yuj sdiosal chon̈b' Hamat, yet' chon̈b' Arfad? ¿'Ajtil 'ay chi tztac' yuj sdiosal chon̈b' Sefarvaim, yet' Hena, yet' eb' 'aj Iva? ¿Toc 'ix colchj 'el chon̈b' Samaria 'a yol sc'ab' sreyl Asiria yuj sdiosal eb'?

Is 57:20

Palta ax eb' tu snab'en, lajn eb' 'icha a mar tzq'ue wan b'alb'noc yib'n̈ yuj 'ic', may tz'aj yoch wan a', tzlaj yi'n cot a smasnil c'alem, 'ixta yaj eb'.

Gn 14:15

Ax 'a yic 'ac'wal, 'ix spojn 'at Abram smasnil eb' winc ajun yet' cha, 'ix ya'n eb' owl yet' chan̈wn̈ eb' rey cha. 'Ix pechx 'at eb' yuj eb', masnto 'a Hoba. A jun lugar cha, ata 'ay 'a yojltac 'at Damasco.

Nahúm 2:10

Tox xlajw 'ejm Nínive, cusltac xoj yilx cani. A wal eb' cajn 'a 'a, caw tz'el yip eb' yuj xiwlal. Toxn̈ej tzlan̈lni spenc eb' smasnil, man̈x 'a mach 'ay yip. Caw tzsacb'el sat eb' yuj xiwlal.

A Ch'an̈ Schab'il Libro Yic Yab'ixal Eb' Rey 19:13

A sreyl Hamat, sreyl Arfad, sreyl Sefarvaim, sreyl Hena, yet' sreyl Iva satnc xo 'el eb' smasnil wu'uj, xchi.

Nm 13:21

'Ix syamn 'och eb' winc chi smaclni yil lum lum chi 'a lum cusltac lum yic Zin, masnto xc'och eb' 'a Rehob, 'a sla'nil xo Hamat.

Gn 15:2

'Ix ta'w Abram 'ixtic: —Ach Wajlil Jehová, ¿tas wal yopiso jun spac chi wu'uj? Ojc wal si'mb'il to may xon junc wunnal 'ix ac' 'a yic tzyica'an tas 'ay 'ayin. Yuj cha, a mach 'oj 'ica'anc can tas 'ay 'ayin, atn win in checb' Eliezer 'aj Damasco, xchi.

2 Co 11:32

A yic wec' 'a chon̈b' Damasco, ata 'ayc' win gobernador munljnac 'a win rey Aretas. A win cha, ya'jnac tan̈wxoc junjn spuertail sti jun chon̈b' cha, sec tzin yamchj yuj win snani.

A Tas Sc'ulejnac Eb' Schecab' Jesús Hechos 27:20

Niwn tiempo ma'ix quil c'u yet' c'anal. A wal jun 'ic' cha, caw ow xjaw 'ayn̈ on̈. Man̈xtzac qui na 'on̈, toto tzon̈ colchj can 'eli.

A Tas Sc'ulejnac Eb' Schecab' Jesús Hechos 9:2

'Ix sc'ann win jun tzo'n̈ ch'an̈ carta, yic tzyi'n 'at 'a jun tzo'n̈ scapiya eb' yit israelal 'ay 'a chon̈b' Damasco. A jun tzo'n̈ carta chi tz'a'n yopiso win syamn jantcn̈ej eb' tzya'ch snab'en 'a Jesús, eb' winac, yet' eb' 'ix. Tznib'j win tzyij 'at eb' 'a preso 'a Jerusalén.

Am 6:2

Tzeyal cob' 'ixtc 'a eb' eyit chon̈ab': 'Ixquec 'a chon̈b' Calne, tze maclni eyil si'mb'il. Axta tzex 'atxi, tzex c'och 'a niwquil chon̈b' Hamat, tzex 'eml 'a chon̈b' Gat 'a yol yic eb' filisteo. ¿Tom yel xo niwn yel'ch eb' 'a quib'n̈ec? ¿Tom yel xo niwquil jun tzo'n̈ nacion̈ chi 'a yib'n̈ qui nacion̈ec tic? xe chi.

Is 37:13

A sreyl Hamat, sreyl Arfad, sreyl Sefarvaim, sreyl Hena, yet' sreyl Iva satnc xo 'el eb' smasnil wu'uj, xchi.

Is 13:7

Yuj cha, ax smasnil 'anma', 'oj sicb'oc 'ejm eb' yuj xiwc'ojlal.

Is 11:11

A 'a jun tiempoal cha, ata 'oj sch'oxx Cajlil spoder 'a jun tzo'n̈ nacion̈ cha, ax smolb'tzan paxt eb' schon̈b' sactzicnac yajcn 'ati. 'Oj paxtc eb' 'aycn 'at 'a Asiria, 'a Egipto, 'a Patros, 'a Etiopía, 'a Elam, 'a Sinar, 'a Hamat yet' 'a jun tzo'n̈ xo chon̈b' 'ay 'a sti a mar.

2 Cr 16:2

Yuj cha, 'ix yi'n 'elt Asa q'uen plata yet' q'uen oro 'ay 'a yatut Jehová, yet' pax q'uen molb'il 'a sdespacho win rey cha. Xlajw cha, xya'n 'at 'a win Ben-hadad sreyl Siria cajn 'a Damasco, 'ix ya'n win alxoc 'a win 'ixtic:

A Ch'an̈ Schab'il Libro Yic Yab'ixal Eb' Rey 17:24

A sreyl chon̈b' Asiria 'ix 'i'n cot eb' 'anma 'ayc' 'a Babilonia, 'a Cuta, 'a Ava, 'a Hamat, yet' 'a Sefarvaim, 'ix jaw cajn eb' 'a jun tzo'n̈ chon̈b' 'ay 'a yol yic Samaria sjelc eb' israel.

A Ch'an̈ B'ab'el Libro Yic Yab'ixal Eb' Rey 11:24

'A yaln̈taxi, yic xlajw smiln cham David smasnil eb' soldado 'aj Sobá, 'ix smolb'tzan Rezón chi jun tzo'n̈ eb' 'elc'um. Xlajw cha, x'och win syajlilc eb', yic tz'och eb' 'ajc'ojlal 'a Salomón cha. Xlajw cha, 'ix 'at eb' 'a Damasco, axta xcan cajn eb' ta'. 'Ix ya'n 'och eb' Rezón chi sreyloc chon̈b' Damasco cha.

A Ch'an̈ Schab'l Libro Samuel 17:10

Yuj cha, wach'xam 'ay eb' winc chi caw jelan, matz xiw 'icha no león, 'Oj schab'c'ojloc sb'a eb'; yujto smasnil eb' quit chon̈b'ec, yojc eb' to caw jeln a mam chi 'a owal, 'ixta pax eb' ajun yet' cha.

A Ch'an̈ Schab'l Libro Samuel 8:9

Yuj cha, ax Toi win sreyl Hamat, a yic xyab'ni chajtlto 'ix lajw 'el smasnil eb' soldado yic Hadad-ezer yuj David,

Josué 14:8

Ax pax jun tzo'n̈ xo ewin xwulc' quet'oc, caw man̈ wach'c xyutj ewin yalni, caw xib'tj ewin eb' 'anma'. Palta an̈ xo tic, caw wach' xcutj calni, tojl xcutj qui nab'en 'a sat Jehová qui Diosalec.

Josué 2:11

Caw wal tzon̈ xiw chan̈ cab'n eyab'xil. Toc 'ayt junc on̈ tzqui te'wtzej qui b'a 'a eyojltac, yujto a Jehová e Diosal, sDiosal pax tas 'ay 'a satcha'an̈ yet' tas 'ay 'a sat lum lum tic.

Dt 20:8

Tzlajw cha, tzyaln pax eb' syajlil eb' soldado chi 'ixtic: Toto 'ay junc ex caw tzex xiwi, mto matz techj eyuj tzeyab'i, tztac' tzex pax 'a eyatut, yic wach' ma'oj somchjoc chan̈ eb' quit soldadoil tic eyu'uj, xchi cab' eb'.

Ex 15:15

A eb' syajlil eb' 'aj Edom, toxn̈ej 'oj sat sc'ojl eb'. Ax eb' syajlil eb' 'aj Moab, 'oj laj 'ib'xoc eb' yuj xiwlal cha. 'Ixta pax eb' cananeo, 'oj laj sc'ub'c 'el sb'a eb'.

A Ch'an̈ Schab'il Libro Yic Yab'ixal Eb' Rey 5:12

Man̈x jantcoc swach'l eb' a a 'ay 'a Damasco, atn a Abana, yet' Farfar. Yel xo wach' eb' a 'a yib'n̈ a a 'ay 'a yol yic chon̈b' Israel tic: ¿Tom matz tac' 'at in b'icn 'el in b'a 'a yojl eb' a', ax in b'ox cani? xchi Naamán. —Caw 'ay cot yowal 'ix pax yalni.

Is 7:8

Yujto a chon̈b' Damasco, a sat yaj yuj eb' 'aj Siria, ax win Rezín a win rey 'a Damasco cha; a Samaria, a sat yaj 'a schon̈b' eb' yic Efraín, ax win yunnal Remalías, a win rey yaj 'a Samaria cha. Palta yic wal 65 ab'il, ax slajw 'ejm schon̈b' eb' yic Efraín, man̈x nacion̈oc ta'. 'Ixta pax 'oj eyaji, toto ma'oj in eya'ch yipc e c'ojol, ma'oj e te'nb'i 'a yol e chon̈ab', xchi Dios, xchi Isaías.

Is 36:19

¿'Ajtil 'ay chi tztac' yuj sdiosal chon̈b' Hamat, yet' chon̈b' Arfad? ¿'Ajtil 'ay chi tztac' yuj sdiosal chon̈b' Sefarvaim? ¿Toc 'ix colchj 'el chon̈b' Samaria 'a yol sc'ab' sreyl Asiria yuj sdiosal?

Jeremías 39:5

Palta ax eb' soldado Babilonia cha, 'ix 'ochn̈j tza'n eb' yuj eb', axta xyamchj Sedequías yuj eb' 'a ya'lical Jericó. 'Ix yi'n 'at eb' 'a win rey Nabucodonosor. Ata 'ayc' win 'a chon̈b' Ribla 'a yol yic Hamat. Ata 'ix yal winac tas tz'aj winac. Wal 'a sat Sedequías cha, 'ix ya'n win rey chi milxoc cham eb' yunnal Sedequías cha, yet' pax smasnil eb' niwc winc yaj 'a Judá.

Ez 27:18

Ax eb' 'aj Damasco, caw niwn tas tzwul sman eb' 'ayach. A tas tzya'cn eb' stojloc, atn jun tzo'n̈ yal uva tzb'o 'a chon̈b' Helbón, yet' pax jun tzo'n̈ laná tzcot 'a Sahar.