Jeremías 49:19 - Chuj San Sebastian Bible

¹⁹ 'Icha wal junc no león tz'elt 'a swaymtacl sti a Jordán, wal 'a yajn̈ej tzc'och no 'a lum pan̈n 'a'lic 'aj tzwa no calnelu, tzsactzic can e no yu'uj, 'ixta wal 'oj waj in c'och 'a chon̈b' Edom. A eb' 'anma cajn ta', 'oj 'at eb' 'eloc, ax jun mach sic'b'il 'el wu'uj, a 'oj wa'cn 'och yajlilc ta'. ¿Mach wal junc 'oj stac' slajb'tzan sb'a wet'oc? ¿Mach wal 'oj stac' sten sb'a wet'oc? ¿Mach wal junc yajl 'oj stac' ste'wtzan sb'a 'a wojltac?

Chuj San Mateo Bible

¹⁹ Icha junoc noc' choj tz'elta d'a svayumtaquil sti' a' Jordán, sq'uec'och jucnaj noc' b'aj sva noc' calnel, saclemcanb'at noc' calnel chi' yuj noc', icha val chi' ol aj in c'och d'a chon̈ab' Edom. Ol el lemnaj eb' anima cajan ta'. A jun mach sic'b'ilel vuj ol vac'och yajaliloc eb'. ¿Mach syal slajb'an sb'a ved'oc? ¿Mach syal stelan sb'a ved'oc? ¿Mach eb' yajal syal stec'b'an sb'a d'a vichan̈?

Jeremías 49:19 Referans Kwoze

Jeremías 12:5

'Ix yaln Jehová 'ixtc 'ayin: Ach Jeremías, toto matz ach techj a'n carela yet' eb' tzb'ey 'a yoc, ¿tasto wal 'oj otc 'a lajb'tzan a b'ey yet' eb' 'ay q'ue 'a yib'n̈ chej? Toto tzach telw 'a lum 'a'lic caw wach' yec' sat, ¿tasto wal 'oj otc ec' 'a scal te c'ultc caw chitc 'a sti a Jordán?

Jeremías 30:21

An Jehová in, an tzwala: A 'a e cal cha, ata 'oj 'eltoc mach 'oj 'och eyajliloc. A jun eyajlil cha, 'oj wac' jawc 'a in tz'ey, yujto wal yel, caw may junc mach tzte'wtzej sb'a sjaw 'a in tz'ey.

Job 41:10

Toc 'ay mach tztac' ste'wtzan sb'a stzuntzn no', ocxom wal in an tic, toc 'ay mach tztac stewtzan sb'a sjaw 'a wojltac.

Job 9:19

Q'uinloc cob' tzquec pural Dios yuj junc tas, palta to tztac' yuj smasnil. Toto tzcob' cawtc cot Dios qui b'o yaj 'a sat junc eb' yajal, ¿mach wal junc tzte'wtzej sb'a sb'on yaji?

Josué 3:15

A 'a jun tiempoal cha, a a Jordán cha, caw wal b'ut'n a', tzlaj pultz'j 'el a 'a sb'e cha, (atn 'a stiempoal spolx 'ixm trigo 'a jun lugar cha.) A yic xc'och eb' 'et'jnac te caxa chi 'a sti 'a, cojn wal xya'n 'ejm eb' yoc 'a yojl a', 'ix 'och wan a'.

Ex 15:11

Mamin Jehová, may junc xo dios tztac' slajb'tzan sb'a et'oc, may junc xo mach caw wach' 'icha ach tic, may junc xo mach tztac' sch'oxn milagro 'icha tas satjub'tac tza b'o'o.

Apoc 6:17

'Ixta x'aj eb', yujto xjaw jun c'u caw niwn yel'chi, yic tzya'n cot Dios yowl sc'ojl 'a yib'n̈ eb'. ¿Tom 'ay junc mach 'oj techjoc yuj 'a jun c'u cha?

Zacarías 11:3

Ax xo ex 'ilm calnelu, 'el cab' wec'c'oc eyaw eyoq'ui, yujto tox 'ix lajw 'ejm te c'ultac. Checl yel yaw no león 'a sti a Jordán, yujto tox 'ix lajw 'ejm lum waymtac.

Nahúm 1:6

May junc mach tztac' ste'wtzan sb'a 'a yowl sc'ojl Dios. May mach tztac' stenn 'och wa'an. A yowl sc'ojl cha, caw lajn sn̈ilchj 'icha te c'ac', tzpoj q'uen niwc tenm 'a yojltac.

Jeremías 4:7

'Icha tz'aj yelt no león 'a 'aj 'ay swaynub', 'ixta tz'aj scot eb' 'oj wul satnc 'el jun tzo'n̈ nacion̈ tic. Tox 'ix 'elt eb' 'a yol schon̈ab', yic tzwul satxoc 'el e chon̈b' yuj eb'. Caw 'oj sma'cn 'ejm lan̈chjoc eb', man̈x 'a xon junc mach 'oj can cajn 'a 'a, xchi Dios.

Is 40:25

A Dios Cojxn toni, a tzc'anb'n 'ixtic: ¿Mach junc 'oj in e lajb'tzoc yet'oc? ¿Toc 'ay mach lajn xon wet'oc? xchi.

Salmos 143:2

Man̈ in a b'eyc'ojloc an a checb' in tic, yujto may junc 'anma tojl 'a ojltac.

Salmos 89:8

Mamin Jehová tztac' 'oj smasnil, ec yaj smasnil poder, may 'aj tza jel tas tzala; may junc xo lajn 'icha ach tic.

Salmos 89:6

May junc xo dios, mto junc tas 'ay 'a satchan̈ tztac' slajb'tzan sb'a et'oc.

Salmos 76:7

Yel xo wal caw 'ay a may. ¿Toc 'ay mach 'oj stac' yoch lin̈n 'a ojltac, yic tox 'ix cot owal?

Job 9:21

Wach'xam may in mul, palta man̈x 'a yel'ch jun chi 'ayin; man̈xtzac in nib'j to pitzn in.

1 Cr 12:15

A ewin tic, 'ix c'axw 'ec' eb' 'a a Jordán, 'a b'ab'l 'uj 'a yol ab'il, atn 'a yic 'ix q'uib' chan̈ a', yic xpultz'j 'el a 'a yol sb'e. A eb' 'anma cajn 'a jun tzo'n̈ pan̈n 'a'lic 'a stojlal 'aj tzq'uel c'u, yet' 'a stojlal 'aj tz'ejm c'u, 'ix pechx 'el eb' yuj ewinac.

Nm 16:5

'Ix yaln 'ixtc 'a Coré yet' 'a smasnil eb' ajun yet' cha: —Q'ui'nto 'a yic sq'uin̈b'ial, 'oj sch'ox Jehová mach wal eb' yic cha, mach eb' to yel sic'b'il 'el yu'uj, eb' 'ay yaln yic yoch 'a yojltac yet' jun tzo'n̈ xajmb'al. A mach 'oj sch'ox 'a qui calec, atn jun chi 'oj 'a'noc 'och jun tzo'n̈ xajmb'al chi 'a yojltac.

Is 46:9

Nacc cot tas ujnac 'a yictax pecti'. Cojn in ton Dios in, may junc xo, may wal junc xo dios lajn wet'oc.

2 Cr 20:6

'Ix yaln 'ixtic: Ach Jehová, qui Diosal ach on̈ yet' eb' qui mam quichm on̈, ach tic Dios ach 'a satcha'an̈, Yajl ach 'a yib'n̈ smasnil nacion̈. Yol a c'ab' 'ayc' ep yet' a poder. May junc mach 'oj stac' ach stenn 'och wa'an.

Salmos 76:8

A wal 'a satcha'an̈, ata xa ch'oxcn 'elt a b'eyc'ojlal, ax eb' 'anma 'ay 'a sat lum lu'um, caw sictac x'aj eb' yuj xiwlal.

Jeremías 25:9

yuj cha, 'oj wawtc cot smasnil eb' chon̈b' 'ay 'a stojlal norte, yet' pax in checb' Nabucodonosor sreyl chon̈b' Babilonia, yic wach' tzjaw eb' yac' owl 'a jun chon̈b' tic, yet' 'a smasnil jun tzo'n̈ xo nacion̈ 'ay 'a stz'ey, yet' smasnil eb' cajn 'a 'a. 'Oj in satl eb' smasnil. Jun 'ejmn̈ej 'oj wac' lajwc 'ejm eb'. Ax eb' 'oj 'ilnc eb', 'oj xiw eb' yuj eb', 'oj b'uchxoc eb' yuj eb'.

Dn 7:4

A jun no xb'ab'l q'ueta, lajn yilx 'icha no león, palta 'ay sc'axl 'icha no salt'iw. Ya' sb'a wanto wiln cha, ax xwilni 'ix to'x 'el jun tzo'n̈ sc'axl cha, xlajw cha, x'ijx chan̈ lin̈n 'a sat lu'um. 'Icha 'anma x'aj chan̈ lin̈an. 'Ix jelmj snab'en, 'icha xo snab'en 'anma x'ajcni.