Jeremías 49:15 - Chuj San Sebastian Bible

¹⁵ Ex 'aj Edom, yel xo wal may yel'ch 'oj ex wutc can 'a yib'n̈ smasnil chon̈ab'. Man̈x 'a yel'ch 'oj eyaj 'a sat smasnil 'anma'.

Chuj San Mateo Bible

¹⁵ Ex aj Edom, emnaquil ol ex vutejcan d'a scal masanil nación. Man̈xalaj ol aj eyelc'och d'a yol sat masanil anima.

Jeremías 49:15 Referans Kwoze

Lc 1:51

'Ix sch'oxn 'eli, to caw niwn spoder. A eb' b'an̈quintac yet' snab'en, caw xcan eb' 'a yaln̈ yu'uj.

Miqueas 7:10

An̈jtona eb' 'ajc'ojl yajch 'ayn̈ec, 'oj yac' Dios yil pax eb' jun tic, caw 'oj q'uixwc can 'el eb' yu'uj. Atn eb' aljnac 'ayn̈ec 'ixtic: ¿'Ajtil 'ay Jehová e Diosal cha? xchi eb'. Palta a ticnec, 'oj quilc wal tas 'oj 'aj slajw 'el eb'. 'Oj te'wtan̈xoc eb' 'icha lum b'i'ch 'a yoltc caye.

Abdías 1:2

Caw man̈x 'a yel'ch 'oj ex wutc can 'a scal jun tzo'n̈ xo nacion̈, 'oj e patquilx can 'eli.

Salmos 53:5

Wach'xam may tas tzxib'tn eb', palta caw 'oj 'ib'xoc chan̈ eb' yuj xiwlal. Yujto a Dios 'oj 'a'n sactzic sb'acl eb' 'ajc'ojl cha. 'Oj cancn eb' 'a q'uixwc'ojlal, ax spatquilx can 'el eb' yu'uj.

A Ch'an̈ B'ab'el Libro Samuel 2:30

Yuj cha, an Jehová e Diosal in ax israel ex tic, an waljnac 'ixtic: Ach tic yet' eb' en̈tl b'aq'uin̈, ax tzin eyac' servil, xin chi. Ax ticnec tzwaln can paxi, to man̈x 'ixta'oc 'oj 'ajoc. A eb' 'ay wel'ch 'a sat, 'ay pax yel'ch eb' 'a in sat. Ax eb' may wel'ch 'a sat, may pax yel'ch eb' 'a in sat. An Jehová in, an tzwala.

Jeremías 49:14

'Ix jaw jun 'ab'x 'ayn yuj Jehová: Wan schecn cot jun schecab', yic tzwul yalnc 'a eb' nacion̈ 'ixtic: Molb'tzejc e b'a, tzlajw cha, tzex 'at 'a Edom, 'a'c lista e b'a yic tzex 'at 'a owal, xchi.

Jeremías 49:16

Mun ax tzeyixtj 'el e b'a yuj e b'an̈quintaquil, toc 'ay mach tzxiw 'ayx 'icha cob' yaj e nani. A 'a yoltc sjatlil q'uen niwn tenm 'ay 'a jolmctac witz, ata tzex can cajan. An Jehová in, an tzwala, wach'xam ata tzex 'aj cajn 'a 'aj yel xo caw cha'an̈, 'icha 'aj tzb'o no salt'iw so', palta yowlal 'oj ex wic' 'emt ta'.