Jeremías 48:46 - Chuj San Sebastian Bible

⁴⁶ 'Oltacx wal ex 'aj Moab, schon̈b' ex Quemos, caw ex sat 'ejmi. A wal eb' eyunnal, yet' eb' 'ix eyisil, tox 'ix 'ijx 'at eb' 'icha presoal.

Chuj San Mateo Bible

⁴⁶ Ex aj Moab ob'iltac ex. Ex schon̈ab' ex jun dios scuch Quemos, toxo ix ex sateli. A eb' eyuninal yed' eb' ix eyisil, ix ic'chajb'at eb' d'a ch'oc nacional.

Jeremías 48:46 Referans Kwoze

Nm 21:29

'Oltacx wal ax tic 'aj Moab, ex lajw 'eli, schon̈b' ex cob' dios Quemos. A jun e diosal cha, ma'ix stac' scolwji, 'ix 'at eb' e soldado 'eloc, ax smasnil eb' 'ix 'ix, 'ix can eb' 'ix 'a yol sc'ab' rey Sehón.

Jeremías 48:13

Yuj cha, a eb' 'aj Moab cha, caw 'oj jawc schab'c'ojlal eb' 'a Quemos, atn sdiosal eb', 'icha wal 'ajnc sjaw schab'c'ojlal eb' israel yuj sdiosal 'a Bet-el, atn jun 'aych cob' yipc sc'ojl eb'.

Jeremías 48:7

A Moab, a wal smunljel yet' sricoal 'aych yipc sc'ojol, palta an̈jtona 'oj 'ijxoc 'ati. A jun sdiosal tzcuch Quemos, 'oj 'ijxoc 'at 'icha presoal, yet' eb' 'aych ya'malc 'och sti eb' 'a 'a, yet' pax eb' 'anma caw niwc cob' yel'chi.

A Ch'an̈ B'ab'el Libro Yic Yab'ixal Eb' Rey 11:7

A 'a sjolm jun witz 'a stojlal 'aj tzq'uel c'u 'a Jerusalén, ata 'ix sb'o Salomón jun scajnub' jun comn dios tzcuch Quemós, atn wal jun yechl scomn diosal eb' moabita, yet' jun scajnub' junx comn dios tzcuch Moloc, atn yechl scomn diosal eb' amonita. A jun tzo'n̈ dios tic, caw yajb'il 'el eb' yuj Dios.

Jueces 11:24

Q'uinloc a Quemós e diosal ax tic, a tz'a'n junc tas eyico'oc, ¿tom matz eyalch junc chi eyico'oc? 'Ixta pax caj an̈ tic on̈. A tas tzyac' Jehová qui Diosal quico'oc, atn tzcalch pax quico'oc on̈.

A Ch'an̈ Schab'il Libro Yic Yab'ixal Eb' Rey 23:13

'Ix ya'n pax win rey chi juwc jun tzo'n̈ macsej 'ay 'a jolmctac witz 'a stojlal 'aj tzq'uel c'u 'a Jerusalén, 'a spac'b'il lum tzaln olivo tzcan 'a qui wach' c'ab'. A jun tzo'n̈ cha, b'ob'il can yuj Salomón sreyl chon̈b' Israel, yic tz'och eb' 'emmquilal 'a jun tzo'n̈ comn dios caw yajb'entac: Atn Astarté sdiosal eb' 'aj Sidón, yet' Milcom sdiosal eb' amonita.

Is 16:2

Ax eb' 'aj Moab tzc'och scol sb'a 'a sti a niwn a Arnón, lajn 'oj yutc sb'a eb' 'icha no ch'ic tz'at 'elc 'a so'.