Jeremías 48:45 - Chuj San Sebastian Bible

⁴⁵ A eb' wan cob' s'at 'eloc, man̈x 'a yip eb', 'oj 'at say eb' 'aj tz'at scol sb'a 'a Hesbón. Palta a 'a Hesbón cha, atn schon̈b' win rey Sehón, ata 'oj n̈ilchjoc 'elt c'ac' 'a 'a, caw 'oj b'eyn̈j s'at c'ac' cha. 'Oj sn̈usn̈j tz'a jun tzo'n̈ lugar cha, masnto 'oj c'och 'a lum jolmctac witz 'a yol snacion̈ jun tzo'n̈ caw tzcob' sb'an̈ sb'a cha.

Chuj San Mateo Bible

⁴⁵ Ay eb' ol el lemnajoc, man̈xalaj yip eb', ol b'at eb' say b'aj ol scol sb'a d'a Hesbón. Palta a d'a Hesbón chi', aton schon̈ab'can vin̈aj rey Sehón, van stz'ab'ati, ol b'eyn̈ejb'at te' c'ac' chi'. Ol tz'ab'at masanil jolomtac vitz d'a yol yic Moab yed' jun chon̈ab' Hesbón chi', aton jun syic'chaan̈ sb'a.

Jeremías 48:45 Referans Kwoze

Nm 24:17

'Ay jun mach to caw najtto 'ay, palta tztac' wiln 'ati: 'ay jun rey 'oj checljoc chan̈ 'a scal eb' yin̈tl Jacob, caw tzictzni 'icha c'anal. A jun rey cha, 'oj yac' yajlil 'a scal eb' yin̈tl Israel. A 'oj satnc 'el chon̈b' Moab, a pax 'oj satnc 'el eb' yin̈tl win Set.

Nm 21:28

A 'a lum Hesbón cha, lum schon̈b' Sehón, ata 'ix n̈ilchj cot jun c'ac' xlajn 'el chon̈b' Ar 'a yol yic Moab. 'Ix lajw pax 'el eb' yajl yaj 'a eb' chon̈b' 'ay 'a spa'nil q'ue sti a Arnón.

Mt 21:42

Yuj cha, xyaln pax Jesús 'ixtc 'a ewinac: —¿Tom mant 'a 'aj xeyil 'a Ch'an̈ U'un̈, 'a 'aj tzyal 'ixtic? A q'uen q'uen 'ix spatquilj can 'el eb' b'om n̈a, atn q'uen 'ix wach' 'ajx 'och yopiso. 'Ixta 'ix yutj Cajlilec. Caw tzsatc qui c'ojl quilni, xchi 'a Ch'an̈.

Zacarías 10:4

A 'a scal eb' chi 'oj 'eltc jun q'uen q'uen to niwn yel'chi, yet' jun 'istaca yic Mantiado, yet' pax jul-lab' yic owal. Tzyal 'el'chi, a 'a scal eb' chi 'oj 'eltc smasnil eb' yajl 'oj jucb'tzanc eb'.

Am 2:2

Yuj cha, 'oj wac' n̈usxoc tz'a chon̈b' Moab, ax jun c'ac' chi 'oj satnc 'el jun tzo'n̈ cuartel 'a Queriot. 'A scal 'aw yic owal, yet' 'a yic wan yutz'x trompeta, ax scham eb' 'aj Moab.

Nm 21:26

A 'a chon̈b' Hesbón cha, ata 'e'nc cajn win Sehón sreyl eb' amorreo. A win Sehón cha, ya'jnac win owl yet' eb' sreyl Moab 'a yaln̈taxi. Smacjnac 'ec' win yico'oc smasnil slum eb' 'ay 'a sti 'a Arnón.

Nm 21:21

A eb' israel, 'ix ya' cot eb' schecb' 'a win Sehón sreyl eb' amorreo, 'ix yaln cot eb' 'ixtic:

Nm 21:29

'Oltacx wal ax tic 'aj Moab, ex lajw 'eli, schon̈b' ex cob' dios Quemos. A jun e diosal cha, ma'ix stac' scolwji, 'ix 'at eb' e soldado 'eloc, ax smasnil eb' 'ix 'ix, 'ix can eb' 'ix 'a yol sc'ab' rey Sehón.

Salmos 78:63

A eb' quelmtac, 'ix cham eb' 'a scal owal, atn jun owl lajn 'icha c'ac'; toc 'ayt mach tznupn yet' eb' 'ix cob'es.

Salmos 135:11

Atn win Sehón sreyl eb' amorreo, win Og sreyl pax eb' 'aj Basán, yet' pax smasnil eb' rey 'a yol yic lum Canaán.

Jeremías 2:16

A eb' 'anma 'aj chon̈b' Menfis yet' eb' 'aj chon̈b' Tafnes, sjoxjnac 'el eb' xil e jolom.

Jeremías 48:2

Tox 'ix lajw 'ejm sb'inab'ilal Moab. A 'a chon̈b' Hesbón, ata tzmol alj eb' 'ajc'ojol, tas 'oj yutc eb' satn 'el nacion̈ Moab 'a jun 'ejmn̈ej. An̈jtona pax chon̈b' Madmena, 'oj lajwc 'eli, a jun owl cha, ma'oj 'och wan ya'n lajwc 'eli.