Jeremías 48:2 - Chuj San Sebastian Bible

² Tox 'ix lajw 'ejm sb'inab'ilal Moab. A 'a chon̈b' Hesbón, ata tzmol alj eb' 'ajc'ojol, tas 'oj yutc eb' satn 'el nacion̈ Moab 'a jun 'ejmn̈ej. An̈jtona pax chon̈b' Madmena, 'oj lajwc 'eli, a jun owl cha, ma'oj 'och wan ya'n lajwc 'eli.

Chuj San Mateo Bible

² Toxo ix satel sb'inajnaquil Moab. A d'a chon̈ab' Hesbón, ata' sna eb' ajc'ol syalan eb' tas ol yutoc eb' satanel Moab d'a juneln̈ej. An̈ejtona' chon̈ab' Madmena, ol sateloc, man̈ ol och vaan oval sataneli.

Jeremías 48:2 Referans Kwoze

Jeremías 31:36

Ya' sb'a mantzac satl jun tzo'n̈ tz'a'n sacq'uinl cha, a chon̈b' Israel mant 'oj satl nacion̈al 'a wojltac.

Is 16:14

Ax ticnec, tzyaln pax 'ixtic: Yab'm wal 'oxab', 'icha wal sb'isn junc munljum jantc xo tiempo smunlji, 'ixta wal sb'isx sc'ul slajw 'ejm tas 'ay 'a eb' 'aj Moab. Til wal 'anma 'oj satli; jaywn̈ xoj eb' 'oj canoc, man̈x 'a yip eb' scoln sb'a 'a owal, xchi Dios.

Nm 32:37

A eb' yin̈tl Rubén, a eb' xb'on pax chan̈ chon̈b' Hesbón, Eleale, Quiriataim, Nebo, Baal-meón, yet' Sibma. 'Ix sjeln eb' sb'i jun tzo'n̈ chon̈b' chi xlaj sb'ox chan̈ cha.

Jeremías 49:3

'Ochn̈ec 'a cusc'ojlal ex 'aj chon̈b' Hesbón, yujto a chon̈b' Hai, tox 'ix lajw 'ejmi. Ex 'ix 'aj chon̈b' Rabá, 'ochn̈ec wal 'a cusc'ojlal. 'A'c 'och e pichl n̈achtac sat, 'o'n̈ec. 'Oyb'xan̈c 'ec' 'a yol e chon̈b' yuj e somc'ojlal. Ma'c lajwc e niwnal, yujto a jun e diosal tzcuch Milcom, 'oj 'ijxoc 'at 'icha presoal, yet' eb' ya'mal 'och e ti 'a 'a, yet' pax eb' 'anma to niwc yel'ch yopiso.

Jeremías 48:45

A eb' wan cob' s'at 'eloc, man̈x 'a yip eb', 'oj 'at say eb' 'aj tz'at scol sb'a 'a Hesbón. Palta a 'a Hesbón cha, atn schon̈b' win rey Sehón, ata 'oj n̈ilchjoc 'elt c'ac' 'a 'a, caw 'oj b'eyn̈j s'at c'ac' cha. 'Oj sn̈usn̈j tz'a jun tzo'n̈ lugar cha, masnto 'oj c'och 'a lum jolmctac witz 'a yol snacion̈ jun tzo'n̈ caw tzcob' sb'an̈ sb'a cha.

Jeremías 48:42

A Moab, man̈x nacion̈oc 'oj 'ajcni, yujto xyij chan̈ sb'a 'a 'ayn an Jehová in.

Jeremías 48:17

Jantc ex cajn ex 'a stz'ey Moab, yet' ex to eyojc wal jantc tz'aj sb'inaxi, 'o'n̈ec yu'uj, tzeyaln yuj 'ixtic: A yopiso Moab, 'ix lajw 'ejmi, man̈x 'a jac yip, sat 'ejm sb'inab'ilal, xe chi.

Jeremías 46:28

Ex yin̈tl can Jacob, in checb' eyaji, caw man̈ ex xiwoc. 'Aynn̈ej 'och eyet'oc, 'oj in satl smasnil jun tzo'n̈ nacion̈ 'aj ex wac' sactzic can 'ati. Palta ax xo tic, ma'oj ex in satli. Ton̈j 'oj wa'ch yailal 'a eyib'an̈, 'icha wal smoj e chani, ma'oj e cann̈j 'a 'ichn̈jta', xchi Dios.

Jeremías 33:24

¿Tom matz nachj 'el o'oj, tas tzyal eb' 'anma'? Tzyal eb' chajtlto xin patquilj can 'el chab' 'in̈tal eb' 'anma tic sic'b'il 'el wu'uj, atn eb' 'aj Israel yet' eb' 'aj Judá. Yuj cha, man̈x 'a yel'ch eb' in chon̈b' 'a sat eb', man̈x nacion̈oc eb' 'a eb'.

Jeremías 25:17

Yuj cha, xin chan 'ec' jun vaso chi 'a yol sc'ab' Jehová, 'ix wa'n yuc' smasnil eb' nacion̈ tas 'ay 'ejm 'a yojol, atn jun tzo'n̈ nacion̈ 'aj in checx 'at yu'uj.

Jeremías 25:15

A Jehová qui Diosalec an̈ israel on̈c tic, a 'ix aln 'ayn 'ixtic: Yaj jun vaso b'ut'n yet' yal uva, tzyal 'el'chi atn yowl in c'ojol. Cha'aj, tzlajw cha, ax a'n yuc' smasnil nacion̈ 'aj 'oj ach in checb'ti.

Is 25:10

A Jehová, a 'oj tan̈wnoc lum tzaln Sión, ya' sb'a ax chon̈b' Moab, wan ste'x can 'ejm 'icha tz'aj ste'x 'at te 'ac 'a scal stza no noc' 'a yol junc jul.

Is 15:5

Caw wal tzcus in c'ojl yuj eb' 'aj Moab; a eb' 'anma 'a jun chon̈b' cha, 'oj 'at eb' 'eloc. Atta 'oj c'och eb' scol sb'a 'a Zoar, masnto 'oj c'och eb' 'a Eglat-Selisiya. 'Oj q'ue'choc eb' 'o'c 'a lum tzaln Luhit; yet' 'aj tz'ec' sb'el Horonaim. Caw wal ji'jmtac yoc' eb' yab'n syal tas tzjaw 'a yib'n̈ cha.

Is 15:1

A jun tzo'n̈ paxti tic 'ix alx can 'el 'a yib'n̈ eb' 'aj Moab: A 'a jun 'ac'wl 'aj 'oj satl chon̈b' Ar yet' jun 'ac'wl 'aj 'oj satl chon̈b' Kir 'a yol yic Moab, a yic cha, 'icha wal to a Moab chi tzsatli; caw 'oj can 'a sictaquil.

Jeremías 49:37

An Jehová in, an tzwala: 'Oj 'ib'xoc eb' 'aj Elam 'a yojltac eb' 'ajc'ojl 'oj milnc chamoc. 'Oj wa't yailal 'a yib'n̈ eb', 'oj satl eb' yuj yowl in c'ojol. 'Oj wa't owl 'a scal eb', masnto 'oj satl eb' smasnil.