Jeremías 48:14 - Chuj San Sebastian Bible

¹⁴ Man̈ yal cab' eb' 'aj Moab 'ixtic: An̈ tic, caw jeln on̈, b'inab'il on̈, to caw 'a'm on̈ owal, man̈ xchic cab' eb'.

Chuj San Mateo Bible

¹⁴ Man̈xaocab' yal eb' aj Moab icha tic: A on̈ tic te jelan on̈, nivan quelc'ochi, ac'um on̈ oval, man̈xoocab' xchi eb'.

Jeremías 48:14 Referans Kwoze

Salmos 33:16

May junc rey tzcolchji, yujn̈ej to niwn sb'isl soldado. 'Ixta pax eb' caw 'ay yip, ma'oj techjoc scoln sb'a eb' yuj yip cha.

Is 10:16

Yuj cha, a Jehová tztac' yuj smasnil, a 'oj 'i'nc 'el yip eb' soldado caw jelan, atn eb' 'aych yipc sc'ojl win sreyl Asiria, 'icha to 'oj tz'a 'ejm sjelnal eb' chi yuj c'ac'.

Is 10:13

Xcob' yal win 'ixtic: Yuj wal sjelnal in nab'en 'ix 'el'ch jun tzo'n̈ xin b'o tic. Caw 'ay in nab'en, yuj cha, xnachj 'el in b'on jun tzo'n̈ tic. Xtechj in jeln smon̈jonal jun tzo'n̈ xo nacion̈. Xlaj wi'n can 'ec' smasnil tas 'ay 'a eb', xtechj pax in te'n can 'ejm eb' rey chi yet' in jelnal.

Sofonías 2:10

Atn tic 'oj 'ajxoc spacc 'a eb' 'aj Moab yet' 'a eb' 'aj Amón yuj sb'an̈jb'ail, yuj pax sb'uchwjuml eb' 'a eb' schon̈b' Jehová tztac' yuj smasnil.

Ez 30:6

An Jehová in, an tzwala: A eb' 'oj colwjoc cob' 'a Egipto, 'oj cham eb' yuj owl cha, 'oj cotn̈j 'a Migdol masnto 'a Asuán, 'oj 'ijxoc can 'ejm Egipto yuj sb'an̈quinal.

Jeremías 49:16

Mun ax tzeyixtj 'el e b'a yuj e b'an̈quintaquil, toc 'ay mach tzxiw 'ayx 'icha cob' yaj e nani. A 'a yoltc sjatlil q'uen niwn tenm 'ay 'a jolmctac witz, ata tzex can cajan. An Jehová in, an tzwala, wach'xam ata tzex 'aj cajn 'a 'aj yel xo caw cha'an̈, 'icha 'aj tzb'o no salt'iw so', palta yowlal 'oj ex wic' 'emt ta'.

Jeremías 9:23

'Ix yaln pax Jehová 'ixtic: A eb' jelan, man̈ cab' yac' eb' tzaljoc sc'ojl yet' sjelnal. An̈jtona eb' 'ay yip, man̈ cab' yac' eb' tzaljoc sc'ojl yet' yip, an̈jtona eb' rico, man̈ cab' yac' eb' tzaljoc sc'ojl yet' sricoal cha.

Jeremías 8:8

¿Tas yuj tzeyal 'ixtic: An̈ tic caw wal jeln on̈, cojc sley Jehová, xe chi? ¡'Intax eb' tz'ib'n ley, tzjel pax eb' tas tzyal jun ley cha!

Is 16:6

Cojquec wal si'mb'il tas x'aj yi'n chan̈ sb'a eb' 'aj Moab, caw sb'an̈ sb'a eb', caw tu tas xlaj yal eb', palta man̈ yelc tas xyal eb' cha.

Ec 9:11

'Ay junx tas xwil 'a yolyib'n̈q'uinl tic: Man̈ smasnilc tiempo an̈j eb' jeln sb'ey tz'a'n ganar, man̈ smasnilc pax eb' jeln ya'n owl tz'a'n ganar; man̈ smasnilc eb' jelan, wach' yec' tiempo yu'uj. Man̈ smasnilc eb' 'ay snab'en tz'och ricoal, man̈ smasnilc eb' cuywnac tz'och 'a niwc 'opiso; palta a tzyala tas tzchachj yuj junjn mach.

Salmos 11:1

A Jehová a tzwa'ch yipc in c'ojol, nab'an̈ej tzeyal 'ixtc 'ayin: 'Ixic, 'at c'ub'j 'el a b'a 'a jolmctac witz 'icha no ch'ic.