Jeremías 48:12 - Chuj San Sebastian Bible

¹² Tzyaln Jehová 'ixtic: An tzwala, to 'oj jawc jun c'u yic 'oj in checnc 'at jun tzo'n̈ winac, ax yijx 'at eb' 'aj Moab yuj eb' 'a junc xo chon̈ab', 'icha wal tz'aj sjelx yal uva 'a yol yet'ul. 'Oj ma'xoc lan̈chjoc can schon̈b' eb', cusltac 'oj 'ajcni, 'icha wal tz'aj sma'x poj jun tzo'n̈ yet'l yal uva to man̈x 'a tas 'a yojol.

Chuj San Mateo Bible

¹² A in Jehová in svala': Ol ja sc'ual, ol in checanb'at juntzan̈ soldado, ol yic'anb'at eb' aj Moab eb' d'a juntzan̈xo ch'oc nacional, icha tz'aj sq'uexji vino d'a yol yed'tal. Ol mac'chajem lan̈naj schon̈ab' eb', icha tz'aj smac'jipoj yed'tal vino man̈xa tas ayem d'a yool. Cuseltacxon̈ej ol ajcan schon̈ab' eb' chi'.

Jeremías 48:12 Referans Kwoze

Nahúm 2:2

Wach'xam 'elc'b'il cot smasnil tas 'a chon̈b' Israel eyu'uj, scan eyuj 'icha junc snun uva man̈x 'a sc'ab', palta a Jehová 'oj 'i'noc pax chan̈ sb'inab'ilal eb' yin̈tl can Jacob jun 'ejm xo, 'icha xon 'a yic yaln̈taxi.

Jeremías 48:38

A 'a smasnil span̈nil yib'n̈ n̈a 'a Moab, yet' 'a smasnil yoltc caye, cojxn cusc'ojlal tz'ab'xi, yujto caw an Jehová in, an tzwala, to 'ix in satl Moab, 'icha wal tz'aj sma'x poj junc lum chen man̈x 'a sch'olnil.

Is 30:14

'Oj e satx 'eli. Lajn 'oj eyaj 'icha junc niwquil xalu to tzma'x pojoc, man̈x 'a niwnc'ojlal 'a 'a. Caw choc' tz'aj spoji. A jun tzo'n̈ sc'axpil cha, man̈x 'a c'axpoc tztac' yoch lechlab'ilc a', man̈x 'a pax c'axpoc tztac' yi'n 'at stzac'ac' 'a yol cusnu, xchi Dios.

Salmos 2:9

'Oj ac' cuenta eb' chon̈b' yet' yowl a c'ojol, 'icha wal tz'aj spoj junc lum chen yuj junc q'uen c'ococh, 'ixta wal 'oj 'ajcn eb' o'oj, xchi 'ayin, xchi Yunnal Dios.

Jeremías 48:15

Wan sc'och jun 'oj 'a'nc lajwc jun tzo'n̈ chon̈b' 'a yol yic Moab, 'oj cham eb' quelmtac caw 'ay yip cajn ta'. A jun tic, tzwal an Rey in tic, Jehová in b'i, tztac' wuj smasnil.

Jeremías 48:11

Junc'ojlaln̈ej yaj Moab, may 'aj x'ijx 'at 'icha presoal. 'Icha yal uva tz'ajx can 'ejm 'a yol junc yet'ul, matz jelx 'a yet'ul, yuj cha, may tz'aj sb'o sjab', an̈jan̈ej yaji, 'ixta wal yaj Moab.

Jeremías 48:8

An Jehová in, an tzwala: A jun owl cha, 'oj c'och 'a smasnil chon̈b' Moab, may junc 'oj 'elcni. Smasnil tas 'ay 'a lum ch'olctac' yet' 'a lum pan̈ctac, 'oj satxoc 'el smasnil.

Jeremías 25:34

'El cab' eyaw yuj yailal ex yilmal chon̈ab'. 'E'n̈ec b'alb'noc 'a sat lu'um, yujto tox 'ix jaw sc'ul e milx chamoc. 'Oj e sactzic can 'ati. 'Oj eyajx ganar, ax e poj 'icha tz'aj spoj junc vaso to caw wach' yilxi.

Jeremías 25:9

yuj cha, 'oj wawtc cot smasnil eb' chon̈b' 'ay 'a stojlal norte, yet' pax in checb' Nabucodonosor sreyl chon̈b' Babilonia, yic wach' tzjaw eb' yac' owl 'a jun chon̈b' tic, yet' 'a smasnil jun tzo'n̈ xo nacion̈ 'ay 'a stz'ey, yet' smasnil eb' cajn 'a 'a. 'Oj in satl eb' smasnil. Jun 'ejmn̈ej 'oj wac' lajwc 'ejm eb'. Ax eb' 'oj 'ilnc eb', 'oj xiw eb' yuj eb', 'oj b'uchxoc eb' yuj eb'.

Jeremías 19:10

A yic tzlajw aln jun tzo'n̈ tic, tza ma'n poj lum ch'ub' chi 'a sat eb' 'anma ajun et' cha.

Jeremías 14:3

A eb' rico, tzcob' schecb't eb' smoso 'at yic ya'al, tz'at eb' 'at yil a 'a yojl jun tzo'n̈ niwc xab', palta may a tz'ilchj yuj eb', yuj cha, tzmeltzj eb' yet' sch'ub' to may a 'a yojol. Caw tzmac eb' sat yec' yuj q'uixwc'ojlal.

Is 16:2

Ax eb' 'aj Moab tzc'och scol sb'a 'a sti a niwn a Arnón, lajn 'oj yutc sb'a eb' 'icha no ch'ic tz'at 'elc 'a so'.

Jeremías 48:13

Yuj cha, a eb' 'aj Moab cha, caw 'oj jawc schab'c'ojlal eb' 'a Quemos, atn sdiosal eb', 'icha wal 'ajnc sjaw schab'c'ojlal eb' israel yuj sdiosal 'a Bet-el, atn jun 'aych cob' yipc sc'ojl eb'.