Jeremías 46:20 - Chuj San Sebastian Bible

²⁰ A Egipto tic, a 'a stojlal norte tzcot jun 'ajc'ojl 'oj satnc 'eli, lajn wal 'icha junc no niwquil tzac' tzwul chinc no cob's wacx caw wach' yilxi.

Chuj San Mateo Bible

²⁰ A Egipto tic lajan icha junoc cob'es vacax vach' yilji, palta d'a stojolal norte van scot jun ajc'ol icha noc' cach ol ul sataneloc.

Jeremías 46:20 Referans Kwoze

Os 10:11

A 'a yic yaln̈taxi, a eb' 'aj chon̈b' Efraín, lajn eb' 'icha junc no quelm wacx c'aync xo smunlji, yiclum xoj ste'w trigo, c'un xoj sto'x sti', man̈xtzac 'och te yugo 'a 'a. Palta ax ticnec, 'icha to 'oj wa'ch te yugo chi 'a sjolom, yic 'oj 'och wal 'a munljel. A eb' 'aj Judá, 'oj t'ocwc lum eb' yet' q'uen arado, ax nan̈l xo eb' yin̈tl Jacob, 'oj munljoc eb' yet' q'uen rastrillo.

Jeremías 47:2

A Jehová tzaln 'ixtic: A 'a stojlal norte, ata 'oj cot jun b'uln̈ eb' soldado, 'icha wal junc niwquil 'elmal a tzpultz'j 'el 'a sb'e scoti. C'uxn 'oj yac' lajwc 'el eb' jun nacion̈ tic, yet' smasnil tas 'ay 'a 'a, yet' smasnil jun tzo'n̈ xo chon̈ab'. A smasnil eb' 'anma cajn 'a schon̈b' eb' filisteo tic, caw 'oj 'el yaw eb', ax yoc' eb' yab'n syail.

Jeremías 46:6

A wal eb' jeln cob' sb'eyoc, caw man̈xtzac uj s'at eb' 'eloc, 'ixta pax eb' cob' caw 'ay yip, man̈xtzac stac' yel eb', a 'a stojlal norte 'a a niwquil Éufrates, ata tztelw can eb'.

Jeremías 1:14

Yuj cha, xyaln Jehová 'ixtc 'ayin: A 'a stojlal norte cha, ata 'oj cot yailal 'oj jawc 'a yib'n̈ smasnil eb' 'anma cajn 'a tic.

Jeremías 50:11

Ax wal ax tic ex 'aj Babilonia, caw ex tzalji yic xeyelc'n 'at smasnil tas 'ay 'a eb' in chon̈ab'. Caw ex b'atj chan̈ 'icha junc no quelm wacx tzte'w trigo, tzeya'n 'el eyaw 'icha yoc' no chej.

Jeremías 46:24

A eb' 'aj Egipto tic, caw 'oj q'uixwc 'el eb', 'oj 'ajxoc ganar eb' yuj eb' chon̈b' 'oj cot 'a stojlal norte, xchi Dios.

Jeremías 46:10

Palta atn jun c'u tic wic an Jehová in, tztac' wuj smasnil. A wal 'a jun c'u tic 'oj in pac in b'a 'a eb' 'ajc'ojl yajch 'ayin. A q'uen espada 'oj 'a'nc lajwc eb' smasnil, masnto 'oj pimb'oc 'el q'uen yet' chic', yujto caw niwn eb' soldado 'oj in mil cham 'a stojlal norte 'a stz'ey a niwn a Éufrates.

Jeremías 25:9

yuj cha, 'oj wawtc cot smasnil eb' chon̈b' 'ay 'a stojlal norte, yet' pax in checb' Nabucodonosor sreyl chon̈b' Babilonia, yic wach' tzjaw eb' yac' owl 'a jun chon̈b' tic, yet' 'a smasnil jun tzo'n̈ xo nacion̈ 'ay 'a stz'ey, yet' smasnil eb' cajn 'a 'a. 'Oj in satl eb' smasnil. Jun 'ejmn̈ej 'oj wac' lajwc 'ejm eb'. Ax eb' 'oj 'ilnc eb', 'oj xiw eb' yuj eb', 'oj b'uchxoc eb' yuj eb'.