Jeremías 46:19 - Chuj San Sebastian Bible

¹⁹ Yuj cha, ax cajnex 'a Egipto tic, 'a'c lista e b'a, yujto 'oj eyijx 'at 'icha presoal. A chon̈b' Menfis, 'oj cancn 'a cusltac lumal, 'oj lan̈chjoc can 'ejmi, man̈x 'a mach 'oj can cajn 'a 'a.

Chuj San Mateo Bible

¹⁹ Yuj chi', a ex cajan ex d'a Egipto tic, aq'uec lista e b'a yujto ol ex ic'jocb'at d'a ch'oc nacional. A chon̈ab' Menfis ol can tz'inan, ol-laj juchajcanemoc, man̈xalaj mach ol cajnaj d'ay.

Jeremías 46:19 Referans Kwoze

Is 20:4

Yujto 'oj 'ijxoc 'at eb' 'aj Egipto yet' eb' 'aj Etiopía 'a 'icha presoal yuj win sreyl Asiria. 'Oj 'ijxoc 'at eb' 'ichmtac 'anma', yet' eb' quelmtac, may xan̈b' eb', jitn 'el eb' ax s'at eb', checl syop eb' 'a spatic, sec 'ixta wal tz'aj yel sq'uixwel eb'.

Jeremías 48:18

'Actjec can e b'inab'ilal ex 'aj Dibón, 'emmquilal tzeyutj e b'a, yujto a jun mach wan satn 'el Moab, wan sc'och 'ayex, wan xo sma'n lan̈chjoc smuroal e chon̈ab'.

Ez 30:13

An Jehová in, an tzwala: 'Oj in satl smasnil jun tzo'n̈ yechl comn dios, yet' jun tzo'n̈ comn dios 'ayc' 'a chon̈b' Menfis. Man̈x 'a mach 'oj 'och yajlil 'a Egipto, ax wa'n xiwc'ojlal 'a smasnil 'anma 'a jun nacion̈ cha.

Jeremías 44:1

A jun tzo'n̈ spaxti Dios in chajnac an Jeremías in tic yic tzalx 'a eb' 'aj Judá cajn 'ec' 'a stojlal norte 'a yol smacb'en Egipto, atn 'a chon̈b' Migdol, 'a Tafnes, 'a Menfis, yet' 'a stojlal sur.

Sofonías 2:5

'Oltacx wal ex cotnc 'a Creta, ex to cajn ex 'a sti a mar. A Jehová tox 'ix yala tas 'oj jawc 'a eyib'an̈, 'ix yal 'ixtic: 'Oj in satl Canaán atn schon̈b' eb' filisteo, man̈x xon junc 'anma 'oj can cajn ta'.

Jeremías 34:22

An Jehová in, an tzwala: 'Oj wac' jawc pax eb' 'a jun chon̈b' tic jun 'ejm xo, ax ya'n pax eb' owl yet'oc. 'Oj 'ejmc yuj eb', ax sn̈usn can eb'. Ax jun tzo'n̈ xo chon̈b' 'a yol yic Judá, 'oj wa'cn 'och eb' 'a cusltac lumal, man̈x 'a junc 'anma 'oj can cajn 'a 'a, xchi Dios.

Jeremías 26:9

¿tas wal yuj xa te'wtzej a b'a aln 'a sb'i Jehová, chajtlto a jun yatut Dios tic, lajn 'oj 'ajcn 'icha 'ajnc jun scajnub' 'ay 'a Silo? 'Ix aln paxi to 'oj lajwc 'ejm jun chon̈b' tic, man̈x 'a junc 'anma 'oj can cajn 'a 'a, xchi eb'. Smasnil eb' chon̈b' cha, 'ix jaw eb' 'a yatut Dios cha, 'ix 'och oyn̈joc eb' yac' owl wet'oc.

Is 19:13

A eb' yajl yaj 'a chon̈b' Zoán, caw may snab'en eb'. A eb' yajl yaj 'a chon̈b' Menfis, 'ix schaj 'ixtxoc paxti sb'a eb'. A jun tzo'n̈ eb' yajl chi tzjucb'tzan jun tzo'n̈ xo eb' 'aj Egipto 'a tas man̈ tojloc.

Jeremías 46:14

Al yab' eb' chon̈b' 'a yol yic Egipto, atn Migdol, Menfis, yet' Tafnes to tzya' lista sb'a eb'. Macwj cab' eb', yujto a eb' 'anma 'ay 'a stz'ey eb', wan laj smilx cham eb' yuj q'uen espada.

Ez 29:11

Chawinc ab'il 'oj can a chon̈b' 'a sictaquil, man̈x 'a 'anma', yet' no noc' 'oj 'ec' 'a jun tiempoal chi ta'.

Ez 29:12

A Egipto cha, 'oj wa'cn 'och 'a cusltac lumal 'icha 'ajnc jun tzo'n̈ xo nacion̈ slajw 'eli. Chawinc ab'il 'oj satcn 'ejm jun tzo'n̈ a chon̈b' cha, 'icha jun tzo'n̈ xo chon̈b' lan̈chjnac can 'ejmi. A eb' 'aj Egipto cha, 'oj wac' sactzic can 'at eb' 'a scal jun tzo'n̈ xo nacion̈ 'a sat lum lum tic.

Os 9:6

'Oj e 'at 'elc 'a jun yailal 'oj jawoc. Ax eb' 'aj Egipto 'oj wul e molb'tzanc 'ati. A 'a chon̈b' Menfis, ata 'oj laj e mucxi. A 'aj molb'il q'uen plata 'aych e ricoaloc, yet' e yet'l 'aj tzlaj ex 'ec' cajan, ata 'oj pitzwc chan̈ te c'ultac, nab'a q'uix 'oj 'ajcni.