Jeremías 46:10 - Chuj San Sebastian Bible

¹⁰ Palta atn jun c'u tic wic an Jehová in, tztac' wuj smasnil. A wal 'a jun c'u tic 'oj in pac in b'a 'a eb' 'ajc'ojl yajch 'ayin. A q'uen espada 'oj 'a'nc lajwc eb' smasnil, masnto 'oj pimb'oc 'el q'uen yet' chic', yujto caw niwn eb' soldado 'oj in mil cham 'a stojlal norte 'a stz'ey a niwn a Éufrates.

Chuj San Mateo Bible

¹⁰ Aton jun sc'ual yoval in c'ol a in Jehová Yajal in d'a smasanil, jun c'ual yic ol in pacan in b'a d'a eb' ayoch ajc'olal d'ayin. Yuj q'uen espada ol cham eb' smasanil, masanto ol pimb'oc q'uen yuj chic', yujto tzijtum eb' soldado ol vac' miljoccham d'a norte, d'a slac'anil a' Éufrates. Icha noc' silab' ol aj scham eb'.

Jeremías 46:10 Referans Kwoze

Dt 32:42

Caw chi'ctac 'oj 'aj in jul-lab' yuj schic'l eb', ax wespada 'oj tzu'nc can 'at snan̈l schib'jal eb' chamnc cha, yet' eb' yamchjnac cot 'a owal. A sjolm eb' yajl yajch 'a eb' 'ajc'ojl cha, caw chi'ctac xoj 'oj 'ajcni, xchi Dios.

Jl 1:15

¡'Oltacn̈ec, caw la'nxoj sjaw jun c'u yic yowl sc'ojl Jehová! Atn jun c'u caw 'ay smay yic 'oj satl smasnil nacion̈ yuj Dios tztac' yuj smasnil.

Jeremías 46:2

Yic schan̈l ab'il xo yoch Joacim yunnal Josías reyl 'a Judá, atnta 'ix uj jun tic. A win Necao sreyl Egipto yet' eb' soldado 'ix 'ajx ganar eb' 'a Carquemis 'a stz'ey a niwn a Éufrates yuj win Nabucodonosor sreyl Babilonia yet' soldado. 'Ixtc 'ix yutj Jehová yaln 'ayn yuj eb' soldado yic Egipto:

Jeremías 46:6

A wal eb' jeln cob' sb'eyoc, caw man̈xtzac uj s'at eb' 'eloc, 'ixta pax eb' cob' caw 'ay yip, man̈xtzac stac' yel eb', a 'a stojlal norte 'a a niwquil Éufrates, ata tztelw can eb'.

Lc 21:22

Yujto a wal 'a jun tiempoal cha, 'oj jawc jun niwn yailal yuj yowal sc'ojl Dios. Ata 'oj 'el'choc jantcn̈ej tas tz'ib'b'il can 'a Ch'an̈ U'un̈.

Jl 2:1

'Utz'jec q'uen trompeta 'a tzaln Sión. 'Utz'jec q'ue'en yic tzalx yab' eb' cajn 'a lum tzaln yic 'emmquilal yaj 'a Jehová. 'Ib'x cab' chan̈ smasnil eb' cajn 'a Judá, yujto jab'xoj sjaw jun c'u yic 'oj ya'nc Jehová yowl sc'ojol.

Jeremías 51:6

'Ixquec 'elc 'a Babilonia tic, sec ma'oj eyamchj c'och e cham yuj smul eb'. Atn wal yorail tic in pacn 'a eb' 'a 'icha wal tas smoj schan eb'.

Jeremías 50:15

'A'c 'el eyaw yic owl 'a smasnil spatquil 'el chon̈ab': Wan yejm Babilonia, wan stelw jun tzo'n̈ storreal, wan sma'x 'ejm lan̈chjoc smuroal, xe chi. An Jehová in tic, stiempoal xo in pacn in b'a 'a Babilonia. Pacc e b'a pax 'a ax tic, 'icha wal x'aj jun tzo'n̈ xo nacion̈ yu'uj, 'ixta wal pax tzeyutej.

Is 63:4

Yujto xjaw 'a in nab'en, to tzin pac in b'a 'a eb' 'ajc'ojl yajch 'ayin, tzin coln can pax 'el eb' in chon̈ab'.

Is 13:6

C'uyyoc cab' yel eyaw, yujto jab'xoj wal sc'och sc'ul sjaw yowl sc'ojl Jehová 'a eyib'an̈, atn jun tztac' yuj smasnil, a tz'a'n cot jun yailal cha.

A Ch'an̈ Schab'il Libro Yic Yab'ixal Eb' Rey 24:7

Man̈xtoc 'ix 'elt sreyl Egipto yet' eb' soldado 'a yol snacion̈, yujto a sreyl Babilonia 'ix 'i'n can 'ec' smasnil tas 'ic'b'il 'ec' yu'uj, tzchaj cot 'a sch'olnal yic Egipto masnto 'a a niwn a Éufrates.

Is 61:2

Tzwaln 'eli, to tox xjaw sc'ul yajx colnb'il tzyac' Jehová, xjaw sc'ul ya'n Dios spac 'a eb' 'ajc'ojol. Checb'iln cot yu'uj, yic tzwul wa'nc sniwnal sc'ojl eb' 'ay scusc'ojlal.

Job 24:1

A Dios tztac' yuj smasnil. ¿Tas yuj matz yac' 'ab'xoc 'aja sc'ul tzb'eyc'ojlwi sec wach' tztan̈wx yuj eb' swach'c'ojl 'a jun c'u cha?

Is 31:8

'Oj 'ejmc Asiria yuj q'uen espada, palta man̈ 'anmac 'oj utnc 'ixta yet' sjelnal. A jun owl chi 'oj pechnc 'at eb' 'anma 'a jun chon̈b' chi 'eloc, ax eb' quelmtac, 'oj 'ochcn eb' mosoal.

Jeremías 12:12

Smasnil lum tzalctac 'a lum cusltac lu'um, caw xjaw eb' winc wul satcn 'eli. Yujto an Jehová in tic, 'ay jun wespada, a tz'a'n lajwc 'el eb' 'anma 'a jun nacion̈ tic 'a 'aj tzlajw c'och junjn pac' sti', man̈x 'a 'aj 'ay junc'ojlal.

Jeremías 46:14

Al yab' eb' chon̈b' 'a yol yic Egipto, atn Migdol, Menfis, yet' Tafnes to tzya' lista sb'a eb'. Macwj cab' eb', yujto a eb' 'anma 'ay 'a stz'ey eb', wan laj smilx cham eb' yuj q'uen espada.

Jeremías 50:18

Yuj cha, an Jehová in, tztac' wuj smasnil, sDiosal in Israel, an tzwala: 'Oj wa'ch syailal win sreyl Babilonia yet' smasnil eb' schon̈ab', 'icha wal wutjnac sreyl Asiria.

Ez 21:28

Ach 'anma', al yab' eb' amonita tzb'uchwj 'a chon̈b' Israel, to an Jehová Yajl in, an 'ixtc tzwutj waln 'a eb': 'Iltec wal jun espada, lista xo yaj smilwji, caw wal tzictzni yel sc'a'l 'icha raya.

Zacarías 6:6

A jun caruaje toc'b'il yuj e no q'uic' chej cha, ata tz'at 'a jun nacion̈ 'ay 'a stojlal norte, ax jun caruaje toc'b'il yuj e no sac chej cha, ata tz'at 'a jun nacion̈ 'ay 'a stojlal 'aj tz'em c'u. Ax junx caruaje toc'b'il yuj e no tz'ib'quintac chej cha, ata tz'at 'a jun nacion̈ 'ay 'a stojlal sur, xchi jun ángel cha.

Is 2:12

A Jehová tztac' yuj smasnil, 'oj jawc jun c'u to nab'il xo yu'uj, yic tzya'n cot yowl sc'ojl 'a yib'n̈ eb' b'an̈quintac, eb' tenmtac, eb' cob' tzyij chan̈ sb'a;