Jeremías 45:2 - Chuj San Sebastian Bible

^2-3 Ach Baruc, caw wal cob' tzal 'ixtic: Caw 'oltac in, cojn wal somc'ojlal yet' yailal tzyac' Jehová wila'. Caw wal tzin c'unb' c'och woq'ui, man̈x 'a 'iljelal tzwab'i, xa chi.

Chuj San Mateo Bible

^2-3 A Jehová co Diosal tz'alan d'ayach icha tic: Ach Baruc, van alan icha tic: Ob'iltac in. An̈ej yaelal yed' ilc'olal syac' Jehová d'ayin. Vanxo in c'unb'i voq'ui, maxtzac yal vic'an vip svab'i, xa chi.

Jeremías 45:2 Referans Kwoze

A Ch'an̈ Carta D'a Eb' Hebreo 4:15

A jun tz'a'n 'och qui ti 'a Dios, tztac' tz'o'ch sc'ojl 'ayn̈ec yuj may qui te'nalec, yujto caw lajn x'aj yajx prowal 'icha 'on̈c tic, palta may jun 'ejmoc 'ochnc smul.

A Ch'an̈ Carta D'a Eb' Hebreo 2:18

Caw xyab' syail, yic 'ix 'ajx prowal. Yuj cha, a ticnec tztac' yoch quet'ec, yic tzon̈ 'ajxec prowal jun xo.

2 Co 7:6

Palta a Dios, a tz'a'n sniwnal sc'ojl jantcn̈ej mach 'aych 'a scusc'ojlal. A x'a'n sniwnal qui c'ojl on̈, yujto xjaw Tito 'a tic.

2 Co 1:4

A yic tzcab'nec syail, a tz'a'n sniwnal qui c'ojlec, sec wach' tztac' ca'nec sniwnal sc'ojl eb' tz'ab'n pax syail. 'Icha tzyutj Dios ya'n sniwnal qui c'ojlec, 'ixta tzcutjec pax ca'n sniwnal sc'ojl eb'.

Mr 16:7

'Ixquec, 'at alc 'a Pedro yet' 'a jun tzo'n̈ xo eb' scuywum Jesús, chajtlto 'oj b'ab'l c'och eyuj 'a Galilea. Ata 'oj eyila', 'icha yaj yaln can 'ayex, xchi 'a eb'.

Is 63:9

Locn xyab' syal yet' eb', caw a xcoln 'el eb'. Yuj schamc'ojlal yet' swach'l snab'en, yuj cha, scoln 'el eb', 'ix squetzn chan̈ eb'. Niwn tiempo 'ix 'ijx b'ey eb' yu'uj.

Jeremías 45:1

A 'a yic schan̈l ab'il yoch Joacim yunnal Josías reyl 'a Judá, ax Baruc yunnal Nerías a tz'ib'n tas tzwal an Jeremías in tic. Ata 'ix wal 'a Baruc chi 'ixtic: 'Ixtc wal yaln Jehová qui Diosal 'ayach: