Jeremías 42:20 - Chuj San Sebastian Bible

²⁰ Ax tic, caw wal niwquil jun e tenmtacl wan eya'n 'ochi, yujto ax xeyac' in c'anb'c 'a Jehová qui Diosalec, 'ix eyaln 'ayn 'ixtic: Tewan̈ 'a Jehová qui Diosal cuj on̈, ax a'n cojcoc 'el smasnil tas 'oj yala', 'oj qui yicloc, xe chi.

Chuj San Mateo Bible

²⁰ te nivan e pitalil van eyac'anochi, yujto ix e chec in c'anb'ej d'a Jehová co Diosal, ix eyalan d'ayin icha tic: Lesalvan̈ d'a Jehová co Diosal cuuj. Ol ac'an cojtaquejel masanil tas ol yala', ol co c'anab'ajani, xe chi.

Jeremías 42:20 Referans Kwoze

Santiago 1:22

Qui yiclquec tas tzyal spaxti Dios. Man̈toc ton̈j tzqui macljec cab'i'. Toto ton̈j tzqui macljec, mun wan quixtnec paxti qui b'a qui nan 'es.

Gl 6:7

Man̈ eyixtc e b'a e nani to matz yil Dios tas tze b'o'o. May junc mach tztac' sc'ub'n 'el tas 'a sat Dios. Yuj cha, a tas tzqui b'o'ec, a chi 'oj 'ajxoc pax spacc 'ayn̈ec.

Mt 22:35

'Ay jun 'a scal ewinac, cuywjum 'a ley yic Moisés, snib'j win tzya'lj prowal Jesús cha, 'ix stz'acn win sc'anb'c 'a 'ixtic:

Ez 33:31

'Ixta tzyutj eb' in chon̈b' chi yi'n cot sb'a, tzlaj 'em wocn eb' yab'xni 'a tas tzala. Palta matz b'eylb'ej eb' tas tzal cha, ton̈j tzlaj stz'ac eb' laj yala', ax snab'en eb', a wal maysch'olnil tznib'j 'och eb'.

Jeremías 42:2

'Ix yaln eb' 'ixtic: —'Ay wal jun tas 'oj qui c'an 'aych on̈, comnoc matz a tenc' 'ayn̈ on̈: Tewan̈ 'a Jehová qui Diosalec cuj jaywn̈ on̈ canc can tic. A 'a yic yaln̈taxi, caw niwn qui b'eyi, palta ax ticnec, cojxn wal jaywn̈ on̈ canc can tic.

Jeremías 17:10

An Jehová in, an tzin b'eyc'ojlej snab'en eb' 'anma'. Wojtac tas 'ayc' 'a snab'en junjn mach. An tzwac' spac yic jun jun, 'icha tas smoj schani, a tzyala tas tz'el sb'oni, xchi Dios.

Jeremías 3:10

An Jehová in, an tzwala, wach'xam xyil eb' 'aj Judá smasnil jun tzo'n̈ tic, man̈ yujoc cha, 'ix meltzj pax eb' 'ayn 'a smasnil sc'ojol, palta ton̈j 'ix stz'ac meltzjoc sb'a eb' 'ayin, xchi Dios 'ayin.

Salmos 65:3

A wal qui maysch'olnilal on̈, a chi tzon̈ 'a'n telwc on̈, palta ach xo tzac' lajwc qui mul chi 'on̈.

Salmos 18:44

A yic tzyab'n eb' tas tzwala, yiclum tzyutj sb'a eb' 'ayin, ax eb' chuc chon̈b'al, tzya'ch sb'a eb' in checb'oc.

Nm 16:38

A jun tzo'n̈ stz'ab'c'ac' eb' 'anma chi xcan cha, atn eb' xcham yuj smul x'ochi, wic tz'ajcn jun tzo'n̈ cha, yujto xc'anx eb' yet' incienso x'ajx 'och 'a wojltac an Jehová in. Tzac' b'o jun tzo'n̈ q'uen chi laminail, tz'och eb' yen̈loc yet'l xajmb'al, sec wach' tz'och jun tic cuynb'ilal 'a eb' eyit israelal, xchi Dios 'a Moisés.

Jeremías 37:3

A win rey Sedequías cha, 'ix schec cot win Jucal yunnal Selemías, yet' win ya'mal 'och sti eb' 'a Dios, atn Sofonías yunnal Maasías, yic tzwul in yilnc eb' an Jeremías in tic, xyaln eb' 'ayn 'ixtic: Leslwan̈ 'a Jehová qui Diosalec cuj on̈, xchi eb'.

Jeremías 38:14

In ya'n win rey Sedequías chi 'ijxoc cot 'a yojltac, masnto 'a yoxl spuertail yatut Jehová. Ata 'ix yal win rey chi 'ayn 'ixtic: —'Ay jun tas 'oj in c'anb'c 'ayach, tzin nib'ej to caw wach' 'oj otc a pacn 'ayin, xchi winac.

Jeremías 43:2

ax Azarías yunnal Osías, yet' Johanán yunnal Carea, yet' jun tzo'n̈ xo eb' winc caw ch'a'an, 'ix yaln eb' 'ixtc 'ayin: 'Es paxti jun tzo'n̈ tzal cha. A Jehová qui Diosalec, toc a 'ix aln 'ayach to matz on̈ 'atc cajn 'a Egipto.

Nm 17:3

A 'a te yic eb' yin̈tl Leví, a sb'i Aarón tz'och 'a te', yujto 'oj cot junjn sc'occh eb' yajl chi 'a junjn 'in̈tal.

Jeremías 42:5

'Ix yaln eb' 'ixtc 'ayin: —A cab' Jehová cha, a testigo tz'ajcn 'ayn̈ 'a caw yel, toto ma'oj qui yiclc 'icha wal tas 'oj yutc yaln 'ayach.