Jeremías 42:2 - Chuj San Sebastian Bible

² 'Ix yaln eb' 'ixtic: —'Ay wal jun tas 'oj qui c'an 'aych on̈, comnoc matz a tenc' 'ayn̈ on̈: Tewan̈ 'a Jehová qui Diosalec cuj jaywn̈ on̈ canc can tic. A 'a yic yaln̈taxi, caw niwn qui b'eyi, palta ax ticnec, cojxn wal jaywn̈ on̈ canc can tic.

Chuj San Mateo Bible

² Ix yalan eb' icha tic: —Ay val jun tas ol co c'an d'ayach ticnaic, man̈ a tenec' d'ayon̈: Lesalvan̈ d'a Jehová co Diosal cuj jayvan̈ on̈ ix on̈ can ic. A d'a yalan̈taxo, tzijtum co b'eyi, palta axo ticnaic axon̈ej jayvan̈ on̈ ayon̈ec' tic on̈ cani.

Jeremías 42:2 Referans Kwoze

Jeremías 36:7

Toq'ue 'oj yal sb'a eb' chon̈b' tic 'a Jehová, ax yactn can eb' smaysch'olnilal. Yujto caw wal niwquil yowl sc'ojl Dios snalb'ej ya'n cot 'a yib'n̈ jun chon̈b' tic, xin chi 'a 'a.

Lv 26:22

'Oj wa' cot no chiwjum noc' 'a e cal, ax schin 'ejm no eyunnal, ax ya'n lajwc no e cajb'en noc', ax yemt e b'isl yuj no'. Man̈x 'a mach 'oj b'ey 'a b'e.

Santiago 5:16

Yuj cha, tzlaj eyal-lac e paltail 'ayx junjn ex. Tzex laj leslwi pax eyuj junjn ex, sec wach' 'oj laj b'oxc e c'ojol. A eb' tojl xon sb'eyb'al, a yic tzleslwi eb' 'a Dios, caw 'ay yel'ch slesl eb' cha. Til wal tas tztac' yuj eb'.

A Tas Sc'ulejnac Eb' Schecab' Jesús Hechos 8:24

Xyaln win Simón chi 'ixtic: —Leslwan̈c 'a Cajlil wu'uj, sec ma'oj jawc jun yailal chi tzeyal jawc 'a wib'n̈ cha, xchi winac.

Lm 1:1

Cusltac xoj yilx x'ajcn chon̈b' Jerusalén, atn jun niwquil chon̈b' 'aj til wal 'anma 'a pecti'. Lajn xoj yilx x'ajcn 'icha junc 'ix 'ix chamnc yichmil. A 'a pecti cha, 'icha to yajl yaj 'a scal jun tzo'n̈ xo nacion̈, ax ticnec, 'ix 'ajx pural yoch 'a munljel.

Is 37:4

Comnoc wal 'ix yab' Jehová qui Diosal jun tzo'n̈ paxti 'ix yal win syajlil eb' soldado yic win sreyl chon̈b' Asiria checb'il cot yuj win rey yic tzb'uchwj 'a qui Diosal pitzan. Comnoc tzya'ch Jehová yailal 'a yib'an̈. Yuj cha, leslwan̈ cuj an̈ jayn̈ on̈ tzon̈ can tic, xchi Ezequías, xchi eb'.

Is 1:9

A Jehová tztac' yuj smasnil, 'ix 'el 'a sc'ojol, on̈ yactj can jaywn̈ on̈c tic. Q'uinloc ma'ay, 'icha am 'ajnc satl Sodoma yet' Gomorra, 'ixta on̈ 'ajec.

A Ch'an̈ B'ab'el Libro Samuel 12:19

Yuj cha, xyaln smasnil eb' chon̈b' chi 'ixtic: —C'an 'a Jehová qui Diosalec cu'uj sec matz on̈ chamec, yujto caw 'ix niwtj qui mulec yic xqui c'annec jun qui reylec tic, xchi eb'.

A Ch'an̈ B'ab'el Libro Samuel 7:8

'Ix yaln eb' 'ixtc 'a Samuel: Man̈ actc a tew 'a Jehová qui Diosalec, sec tzon̈ scol 'a yol sc'ab' eb' 'ajc'ojl yajch 'ayn̈ec, xchi eb' 'a 'a.

Jeremías 37:20

'Ab' wal tas 'oj wal ticnec jun mamin rey, a wal tas 'oj in c'an 'ayach, comnoc tzac' 'ayin: Man̈x in a cha 'ijxoc 'at 'a yatut win Jonatán, win 'ajtz'ib', ax to laj x'aji tzin cham ta', xin chi.

Jeremías 37:3

A win rey Sedequías cha, 'ix schec cot win Jucal yunnal Selemías, yet' win ya'mal 'och sti eb' 'a Dios, atn Sofonías yunnal Maasías, yic tzwul in yilnc eb' an Jeremías in tic, xyaln eb' 'ayn 'ixtic: Leslwan̈ 'a Jehová qui Diosalec cuj on̈, xchi eb'.

A Ch'an̈ B'ab'el Libro Yic Yab'ixal Eb' Rey 13:6

Yuj cha, xyaln win rey chi 'a jun schecb' Dios chi 'ixtic: —Tzin tew 'ayach, to tzach leslwi 'a Jehová a Diosal wu'uj, sec tzb'ox can in c'ab' tic, xchi. Xlajw cha, 'ix leslwi jun schecb' Dios cha, 'ix b'ox can sc'ab' win rey chi jun 'ejm xo, 'icha yaj xon 'a yic yalan̈.

Dt 28:62

An̈ israel on̈c tic, caw niwn qui b'islec 'icha c'anal 'ay 'a satcha'an̈. Palta a 'a jun tiempoal cha, 'oj 'emtoc e b'isul, yujto matz eyiclj tas tzyal Jehová qui Diosalec.

Ex 8:28

'Ix yaln pax win rey chi 'ixtic: —Tztac' e 'at 'a lum cusltac lum cha, yic tz'at eya'nc e xajmb'al 'a Jehová e Diosal cha, cojn toto man̈ najtoc tzex 'ati. Tzex leslwi pax 'a Dios chi wu'uj, xchi win rey cha.

Mt 24:22

Toto a Dios ma'oj yac' c'ochmb'oc jun tiempoal yic yailal cha, may junc mach 'oj colchjoc can 'el 'a yol sc'ab' chamel. Palta yuj eb' sic'b'ilx 'el yu'uj, ax ya'n c'ochmb'oc.

Ez 12:16

Palta an 'oj wac' colchjoc can jaywn̈oc eb' 'a scal owal, 'a scal wejel yet' yuj yab'il, sec 'oj yal-l eb' 'a scal eb' 'anma 'a jun tzo'n̈ nacion̈ 'aj 'oj c'och cha, to til wal tas yajb'entac xlaj sb'o eb', ax in yojcan 'el eb', to an ton Jehová in, to cojn in ton Dios in, xchi Dios chi 'ayin.

Jeremías 42:20

Ax tic, caw wal niwquil jun e tenmtacl wan eya'n 'ochi, yujto ax xeyac' in c'anb'c 'a Jehová qui Diosalec, 'ix eyaln 'ayn 'ixtic: Tewan̈ 'a Jehová qui Diosal cuj on̈, ax a'n cojcoc 'el smasnil tas 'oj yala', 'oj qui yicloc, xe chi.

Is 1:15

A yic tzcob' ex leslwi, tzlaj cob' e mojchan̈ e c'ab' 'ayin, palta 'oj in c'ub'c 'el in sat 'ayex. Wach'xam cob' niwn tas tzeyal 'a e lesl cha, ma'oj wab'i', yujto milm ex cham 'anma'.

A Ch'an̈ B'ab'el Libro Samuel 12:23

Colwj cab'n̈ej Jehová wet'oc sec tzin leslwin̈ej eyu'uj yic matz 'och in mul 'a 'a. 'Oj ex in cuy 'a tas yel yet' 'a tas tojol.

Dt 4:27

A Jehová 'oj e sactzicn can 'at 'a scal jun tzo'n̈ xo nacion̈, jaywn̈xoj ex 'oj e can ta'.

Ex 9:28

'In caw wal tz'ec' 'a yib'n̈ sma'n sb'a c'u, yet' yejm q'uen sacb'at tic. Yuj cha, man̈x 'oj wi'c tiempo 'ayex, tztac' e 'at 'a 'ajtil tzeyal cha. Leslwan̈c 'a Jehová, sec tzyij 'el jun yailal tic 'a quib'n̈ on̈, xchi winac.

Jeremías 15:11

'El'ch cab' scatb' paxti eb' chi 'ayn Mamin Jehová, toto man̈ wach'c ach wutj ach wa'n servil, toto ma'ix in c'an a wach'c'ojlal 'a yib'n̈ eb' 'ajc'ojl yajch 'ayn cha, yic 'aych eb' 'a syailal yet' 'a scusc'ojlal.

Jeremías 38:14

In ya'n win rey Sedequías chi 'ijxoc cot 'a yojltac, masnto 'a yoxl spuertail yatut Jehová. Ata 'ix yal win rey chi 'ayn 'ixtic: —'Ay jun tas 'oj in c'anb'c 'ayach, tzin nib'ej to caw wach' 'oj otc a pacn 'ayin, xchi winac.

Jeremías 40:15

Yuj cha, xyaln Johanán 'ixtc 'a c'ultacl 'a Gedalías cha: —Chaj in 'ati, yic tz'at in milnc cham Ismael, may mach 'oj 'ojcanc 'eli, mach tzmilni. ¿Tas yuj 'oj ach qui cha milxoc cham yu'uj? Toto 'oj a cham yu'uj, to 'ixta', 'oj sactzic can pax eb' 'ayx 'ec' et' tic, ax satx can 'ejm eb' xcan cob' 'a Judá tic jun 'ejm xo, xchi.

Os 8:10

Wach'xam tztoj eb' jun tzo'n̈ nacion̈ cha, yic tzcolx eb' yuj eb', palta an Jehová in, 'oj in molb'tzoc eb', ax wa'n yab' eb' syail, yuj junc rey caw 'ay yip.

Am 7:2

Wan xo slajw 'ejm te c'ultc yuj no', 'ix waln 'ixtc 'a Dios: —Mamin Jehová, 'ac' wal niwnc'ojlal 'ayn̈ an̈ yin̈tl on̈ Jacob tic on̈, caw wal yune chon̈b'al on̈ on̈. Caw ma'oj techjoc jun tic cuj on̈, xin chi.

Dt 28:63

A Jehová caw 'ay stzaljc'ojlal yic tzya'n niwtjoc qui b'islec; 'ixta pax 'oj tzaljoc 'a jun tiempoal cha yic 'oj e lajw pax 'eli. Caw man̈x 'a yel'ch 'oj eyaj e satl 'a sat lum lum 'aj jab'xoj e c'och cajn cha.

Salmos 119:170

C'och cab' in lesl 'a ojltac, coln 'icha wal yaj aln can 'a a paxti'.

Is 42:20

Ex israel, caw 'ay cob' tas tzch'oxx eyila', palta matz e chamc'ojlej eyilni; caw wach' eyab'ni, palta matz e chaj eyab'i'.

Jeremías 2:27

'In tzeyal 'a junc te te 'ixtic: Ach tic, qui mam ach, xe chi. Tzeyaln pax 'a junc q'uen q'ue'en: Ach tic, qui nun ach, xe chi paxi. Ax 'ayin, a yich e patc tzeya'cn coti, man̈xtzac ex cot q'ueln 'ayin. Ax 'a yic tzjaw tzann̈j yab'ilal 'a eyib'an̈, tzeyaln 'ayn 'ixtic: ¡Cotan̈, colwjan̈ quet' on̈! xe chi.