Biblia Todo Logo
Bib sou entènèt

- Piblisite -




Jeremías 41:5 - Chuj San Sebastian Bible

5 'ix jaw 80 eb' winc xcot 'a Siquem, 'a Silo, yet' 'a Samaria. Joxb'il 'el xil sti eb' yu'uj, tzilquixtac spichl eb' 'aychi, lajwnac sniwnal eb', mun a eb' 'ixta xyutj sb'a. Yet' eb' 'ixm trigo, yet' incienso, yic tzya'n eb' xajmb'al-l 'a Jehová 'a yatut.

Gade chapit la Kopi

Chuj San Mateo Bible

5 ix c'och 80 eb' vin̈ vinac spetoj d'a Siquem, d'a Silo yed' d'a Samaria. Toxo ix sjoxel xil sti' eb' vin̈, tzilchimtac spichul eb' vin̈ ayochi, axo snivanil eb' vin̈ echentac yaji, munil a eb' vin̈ icha chi' ix yutej sb'a. Yed'nac ixim trigo eb' vin̈ yed' incienso yic syac' eb' vin̈ silab'il d'a Jehová d'a templo.

Gade chapit la Kopi




Jeremías 41:5
28 Referans Kwoze  

Xlajw cha, 'ix smann win jun lum tzaln 'a win Semer sb'i. 136 libra q'uen plata xyac' win stojloc lu'um, ax 'a lum tzaln cha, ata 'ix yac' win b'o jun chon̈ab', ata 'ix yac' reyl junx waque ab'il. 'Ix ya'n sb'ic Samaria, yujto Semer sb'i win 'ay yic lum 'a yic mantzac chon̈x lu'um.


'Ix ya'n n̈usxoc can yatut Dios yet' sdespacho win rey yet' smasnil yatut eb' 'aj Jerusalén, yet' pax smasnil yatut eb' niwc winac.


'A yic tox 'ix yijcan 'ec' eb' israel lum lum cha, syamn sb'a eb' smasnil 'a chon̈b' Silo, 'ix sb'on chan̈ eb' jun Mantiado 'aj tzqui chaj qui b'a yet' Dios.


An̈ec tic, yunnaln̈ec xo Jehová Dios, man̈ ca'c lajwc qui niwnal yuj junc chamnc 'anma', man̈ qui joxlec xil qui jolm 'a snan̈l qui sat.


'Ix 'at Roboam 'a Siquem, yujto a smasnil eb' yit israelal tox 'ix syam sb'a eb' 'a Siquem cha, yic tzya'n 'och eb' reyal.


A win Abimelec yunnal can Gedeón, 'ix 'at 'a Siquem yic tz'at sc'umnoc eb' yican snun, xyaln 'a eb' 'ixtic:


A yic x'elt win Jacob 'a Padan-aram masnto xjaw 'a yol yic Canaán, may tas xyab' syail, axta xcan cajn 'a yojltac cot Siquem.


Ax eb' 'anma 'aj Dibón, 'oj q'ue'choc eb' 'o'c 'a jun n̈a 'aj tzyam sb'a 'a lum jolm tzalan. Caw 'oj cus sc'ojl eb' 'aj Moab yuj tas 'oj 'aj satl chon̈b' Nebo yet' Medeba. Smasnil eb' winac, 'oj sjoxl eb' xil sjolom yet' xil sti yuj sch'oxn 'el eb' scusc'ojlal.


A yic 38 ab'il xo yoch win Asa reyl 'a Judá, ata 'ix 'och win Acab reyl 'a chon̈b' Israel, atn win yunnal Omri. 22 ab'il xyac' win reyl 'a Samaria.


Xlajw cha, xya'n win Jeroboam b'ox 'el'ch chon̈b' Siquem 'ay 'a lum jolmctac witz 'a yol yic Efraín, axta xcan cajan. Xya'n pax b'o 'el'ch chon̈b' Penuel.


'Ixtan̈ej tzyutj sb'a 'a junjn ab'il, a yic tzxit'c eb' 'a scajnub' Jehová. A 'ix Penina cha, caw wal tzb'uchwj 'ix 'a 'ix Ana cha, yuj cha, caw tz'oc' 'ix, man̈xtzac wa 'ix.


Yuj cha, 'icha wal wutjnac can watut 'a Silo, 'ixta 'oj wutc can pax jun watut 'aj tzin b'inax tic, atn jun wa'jnac can 'a eb' e mam eyicham yet' 'ayex, atn jun cob' tzeya'ch yipc e c'ojl ticnec.


'Ixquec 'a chon̈b' Silo, 'a 'aj 'e'nc in cajnub', atn jun in si'jnac 'el 'a yic b'ab'el 'a 'aj 'e'nc in cajan. Ax eyilni tas wutjnac can yuj smul eb' e mam eyichm cha.


A eb' a checb' tic, caw 'ay schamc'ojlal eb' 'a eb' q'uen q'uen yic Sión; yuj cha, caw ya tzyab' eb' yujto tz'ixtx 'eli.


Yuj cha, 'ix ya'n win Hanún chi yamchjoc eb' schecb' David cha, 'ix ya'n win joxxoc 'el c'axp xil sti eb', 'ix ya'n win lot'xoc 'el sti spichl eb', masnto xq'ue'ch 'a sti syop eb'. Xlajw cha, schecn meltzjoc win eb'.


Ax sb'acl win José yijnac cot eb' israel chi 'a Egipto, 'ix smucn can eb' 'a Siquem cha, atn lum smanjnac can Jacob 'a eb' yunnal Hamor, win smam win Siquem, lum jun ciente plata stojol, atn lum 'ochnc can yico'oc eb' yin̈tl José.


Ax win Hamor win heveo syajlil chon̈b' cha, 'ay jun yunnal tzcuch Siquem. Xyiln 'och win Siquem chi 'ix cob's cha, 'ix ya'n pural win yixtn 'ix.


'Ay jun c'ual, 'ix 'at eb' yu'tac José 'a Siquem, yic tzsayn eb' 'aj wach' swa no scalnelu smam cha.


A jun yechl sb'o Micaía, a xya'ch eb' sdiosalc 'a smasnil tiempo, yic 'ayc' scajnub' Dios 'a chon̈b' Silo.


'ix yactn can jun scajnub' 'a Siló, atn jun yatut yaj 'a qui calec.


'Oj cham eb' 'ichmtac 'anma', yet' eb' cotc 'unn 'a jun nacion̈ tic. May mach 'oj mucn eb', may mach 'oj 'oc' yuj eb'. May mach 'oj 'a'nc lajwc sniwnal, mto sjoxn 'el xil sjolm yuj sch'oxn scusc'ojlal yuj eb'.


Ax 'a junx c'u, yic tox 'ix cham Gedalías, yic mant 'a mach tz'ojcan 'el tas 'ix 'uj cha,


A smasnil eb' 'anma 'a chon̈b' Gaza, 'oj sjoxl eb' xil sjolm yuj cusc'ojlal, ax eb' 'ay 'a chon̈b' Ascalón, caw sictac xoj 'oj 'aj eb'. Ax xo cajn ex 'a span̈nil sti a mar, ¿b'a'n̈ 'oj eyoch wan eya'n lajwc e niwnal yuj e ch'oxn 'el e cusc'ojlal?


Smasnil eb' winac, tox 'ix sjoxl eb' xil sjolom, tox 'ix sjoxl eb' xil sti'. C'uxn spol lajwc eb' sc'ab', cojxn̈ej jun tzo'n̈ pichl n̈achtac sat 'aych yuj eb'.


Man̈ colb'ilc ton̈j tze tziljat e pichul, palta cus cab' e c'ojl yuj e mul. Meltzjan̈c 'a Jehová qui Diosalec, yujto caw wach' snab'en 'ayn̈ec. Caw tz'o'ch sc'ojol, 'ay sniwnc'ojlal, 'ay pax schamc'ojlal, tzchaj sc'ojl yi'n 'el jun yailal tic 'a quib'n̈ec.


Yuj cha, 'ix ya'n Hanún yamchjc eb' schecb' David cha, 'ix joxx 'el xil sti eb', 'ix slot'x 'el sti spichl eb', masnto 'ix q'ue'ch yel 'a sti syop eb'. Xlajw cha, 'ix checx meltzjoc eb'.


Swiv nou:

Piblisite


Piblisite