Jeremías 41:15 - Chuj San Sebastian Bible

¹⁵ Palta ax Ismael yet' wajxcwan̈ xo eb' ajun yet'oc, 'ix 'at eb' 'eloc, axta xc'och eb' 'a chon̈b' Amón.

Chuj San Mateo Bible

¹⁵ Palta axo vin̈aj Ismael chi' yed' vajxacvan̈xo eb' vin̈ ajun yed'oc, ix el lemnaj eb' vin̈, ix b'atcan eb' vin̈ d'a yol yic Amón.

Jeremías 41:15 Referans Kwoze

Pr 28:17

A mach tz'och smul smiln cham yit 'anma'il, man̈x cab' 'och wan 'a yet'ul, masnto tzc'och 'a 'aj 'ay sjul-l eb' chamnc 'anma'; may cab' mach tzyamn 'och wa'an.

Job 21:30

A yic tzcot yowl sc'ojl Dios, yajn̈ej tzya'n cot yailal, ax eb' maysch'olnil sb'eyb'al, toc 'ay tz'i'n eb'.

A Ch'an̈ B'ab'el Libro Yic Yab'ixal Eb' Rey 20:20

Junjn eb' 'ajc'ojl chi smil junjn eb', ax eb' sirio cha, 'ix 'at eb' 'eloc. 'Ix 'at eb' israel chi 'a spatc eb'. Ax Ben-adad sreyl Siria 'ix q'ue 'a yib'n̈ chej 'ix 'at pax 'elc yet' jaywn̈ xo eb' soldado 'ay q'ue 'a yib'n̈ chej cha.

A Ch'an̈ B'ab'el Libro Samuel 30:17

Ax xc'och David yet' eb' ajun yet' 'a 'aj 'ayc' ewin 'elc'm cha, 'ix syamn 'och eb' ya'n owl yet' eb' 'a sq'uin̈b'ial masnto 'a yemc'ul 'a junx c'u, 'ix cham eb' 'elc'm chi smasnil. Cojxn̈ej chan̈e ciente quelm winc xq'ue 'a yib'n̈ no cameyo 'ix 'at eb' 'eloc.

A Tas Sc'ulejnac Eb' Schecab' Jesús Hechos 28:4

'Ix yiln eb' 'aj lugar cha, to xcan t'un̈n no 'a sc'ab'. Yuj cha, xyaln eb' 'ixtic: A win tic, tecn to ma'm cham 'anma winac. Wach'xam xyac' ganar scolchj 'el 'a a mar, palta yowlal 'oj scha spac jun smul cha, 'oj chamoc, xchi eb'.

Jeremías 41:2

A yic wan swa eb' cha, xq'ue wan lin̈n̈joc Ismael yet' eb' lajn̈wan̈ soldado ajun yet' cha, smiln cham eb' Gedalías, win x'ajx 'och gobernadoral 'a Judá yuj win sreyl Babilonia.

A Ch'an̈ Schab'il Libro Yic Yab'ixal Eb' Rey 25:25

Ax 'a yucl 'uj 'ix jaw Ismael, yunnal Netanías, yixchicn Elisama, to yin̈tl eb' sreyl Judá yaji, ajun lajn̈wan̈ winc yet'oc, 'ix smiln cham eb' Gedalías cha, yet' eb' 'aj Judéa, yet' eb' caldeo 'ayc' yet' 'a Mispá.

Jeremías 41:14

'Ix meltzj eb', xwul ya'nc 'och sb'a eb' yet' Johanán.