Jeremías 4:4 - Chuj San Sebastian Bible

⁴ Ex 'aj Judá yet' ex 'aj Jerusalén, yicljec in trato. 'A'c 'och wal 'a e c'ojl eyiclni yechl in trato cha. 'Ojquejec 'eli to an ton Jehová in. Ax to laj x'aji yuj e mul cha, ax wa'n cot yowl in c'ojl 'a eyib'n̈ 'icha te c'ac' caw ow sn̈ilchji, man̈x 'a mach tztac' sma'n tupoc.

Chuj San Mateo Bible

⁴ Ex aj Judá yed' ex aj Jerusalén, c'anab'ajejec in trato ix in b'o eyed'oc. Ch'oxequel in trato d'a e b'eyb'al, aton in trato chab'il eyuuj. Ojtaquejec eli to a in ton Jehová e Diosal in. Tato maay, a yuj e chuc b'eyb'al chi' scot yoval in c'ol d'a eyib'an̈ icha te' c'ac' man̈xa mach syal smac'an tupoc.

Jeremías 4:4 Referans Kwoze

Dt 10:16

'A'c 'och yechl jun trato tic 'a e nab'en, man̈ eyac' pitl e b'a 'a 'a,

A Scarta San Pablo D'a Eb' Aj Colosas 2:11

'Ac'b'iln̈ec circuncidar ticnec, yujto junn̈j cajc yet' Cristo. Man̈oc jun caw circuncisión yic qui niwnal tic tzwala. Palta on̈ colchjec 'elt 'a yol sc'ab' qui tu nab'enalec. Atn jun tic, tzyal 'el'chi, to on̈ 'ajxec circuncidar yuj Cristo.

Dt 30:6

'Oj ya'ch Jehová qui Diosalec yechl strato 'a e nab'en yet' 'a snab'en eb' eyin̈til, sec 'oj e chamc'ojloc Jehová yet' smasnil e c'ojol yet' smasnil e nab'en. Toto 'ixta', 'oj najtxb'oc e q'uinal.

Am 5:6

Ex wit israelal, meltzjan̈c 'a Jehová, sec ma'oj e chami. Toto ma'ay, 'oj ya' cot c'ac' 'a yib'n̈ smasnil qui macb'enec. May junc dios 'a Bet-el 'oj stac' ya'n tupoc.

Sofonías 2:2

ya' sb'a mantzac jaw jun c'u nab'ilx yuj Jehová. A jun c'u cha 'ay xo smay yalxi, yujto 'oj e sactzic can 'at yu'uj, 'icha tz'aj yutz'x 'at solcal trigo yuj 'ic'.

Ez 20:33

An Jehová in, an tzwa'cn in ti', to 'oj jawc yowl in c'ojl 'a eyib'an̈, yet' in poder ax wa'n 'och eyailal niwquil.

Ez 24:13

Ach Jerusalén, xin nib'j ach in sacb'tzej yuj tas maysch'olnil tza b'o'o, palta ma'ix yal a c'ojl 'ix a sacb'tzej a b'a. Man̈x 'oj a b'o'i, masnto 'oj wi'l yowl in c'ojl 'a eb'an̈.

Lm 4:11

'Ix ya' cot Jehová yowl sc'ojl 'a yib'n̈ chon̈b' Sión, xyac' 'el'choc 'icha tas nab'il yu'uj. 'Ix ya'ch sc'a'l jun chon̈b' tic, masnto xlajw stz'a 'ejm smuroal yich.

Ez 24:8

'Oj cann̈j jun chic' chi 'a yib'n̈ q'uen cha, ma'oj stac' sc'ub'x 'eli. Yuj ton wal cha, tzcot yowl in c'ojol, tzwa'n spac.

Ez 16:38

Ax in b'eyc'ojlan yuj yajmulal yet' yuj smilm 'anma'il, 'oj wac' 'a yol sc'ab' chaml yuj yowl in c'ojl 'a yib'an̈.

Ez 8:18

'Oj wa' cot wal yowl in c'ojl 'a yib'n̈ eb', man̈x 'a in niwnc'ojlal 'a eb'. Wach'xam 'oj cob' 'el yaw eb' yaln sb'a 'ayin, palta ma'oj wab' tas tzyal eb' cha, xchi Dios 'ayin.

Ez 6:12

A eb' najt 'oj 'atcni, 'oj cham eb' yuj yab'il; ax eb' la'n 'oj canoc, 'oj cham eb' yuj owal; ax pax eb' ma'oj cham yuj owl cha, a wejl 'oj milnc eb'. 'Ixta wal 'oj wutc wa'n cot yowl in c'ojl 'a yib'n̈ eb'.

Jeremías 36:7

Toq'ue 'oj yal sb'a eb' chon̈b' tic 'a Jehová, ax yactn can eb' smaysch'olnilal. Yujto caw wal niwquil yowl sc'ojl Dios snalb'ej ya'n cot 'a yib'n̈ jun chon̈b' tic, xin chi 'a 'a.

Jeremías 23:19

Caw maysch'olnil eb', yuj cha, 'oj wic' 'ejm eb' yet' yowl in c'ojol, lajn yowl in c'ojl chi 'icha junc niwquil yaxn̈ab' to caw 'aych yic'al, caw ji'lti sjawi.

Jeremías 21:5

An wal 'oj wac' owl eyet'oc, 'oj in c'anlb'oc wal wip, yet' yowl in c'ojl to 'ay xo smay yalxi.

Is 51:17

Pitzc 'el 'a e sat ex 'aj Jerusalén, 'ijec pax chan̈ e b'a. A ticnec, tox 'ix 'ec' yowl sc'ojl Jehová 'a eyib'an̈. A eyailal 'ix 'eq'ui, 'icha tz'aj sat sc'ojl eb' 'u'm 'an̈ yuj yan̈ cha, 'ixta ex 'aj yuj eyailal tic.

Lv 26:28

an̈jtona 'in, 'oj cot pax wowl 'ayex, ax wa'n niwtjoc sjaw yailal 'a eyib'n̈ yuj e mul cha.

Ez 21:17

An xo tic, 'oj in poc' in c'ab' yic tzwi'n 'el yowl in c'ojl 'a yib'n̈ eb' 'anma'. An Jehová in, an tzwala, xchi Dios, xa chi 'a eb', xchi 'ayin.

Ez 18:31

'Actjec can smasnil maysch'olnil xe b'o cha, ax jun 'ac' nab'en yet' jun 'ac' espíritu tze chaj 'och 'ayex. Ex israel, ¿tas yuj tzeyij cot chaml 'a eyib'an̈?

Dt 32:22

A wal yowl in c'ojol, 'ix n̈ilchjchan̈ 'icha junc c'ac' tz'at 'a yol lu'um. Smasnil tas 'ay 'a sat lum lum tic, tz'a smasnil yet' lu'um, caw wal tzxexni yilx sn̈ilchj c'ac' 'a yich lum niwc witz.

Ro 2:25

Yel toni, 'ay yopiso jun senya circuncisión sb'i 'aych 'a e niwnal, yic toto tzeyiclj smasnil tas tzyal 'a ley yic Moisés. Palta toto matz eyiclj jun ley cha, 'icha to man̈ ex 'ac'b'ilc circuncidar 'a sat Dios.

Is 10:17

A Dios cojxn̈ej toni, a sacq'uinl yaj 'a yib'n̈ chon̈b' Israel. Lajn wal 'icha snich c'ac', junn̈j c'u 'oj yac' lajwc 'ejm eb' 'aj Asiria, 'icha tz'aj stz'a 'ejm te q'uix yuj c'ac'.

Is 30:33

Pectix b'ob'il jun yet'l eb' 'aj Asiria chi yet' sreyl 'aj 'oj tz'a sniwnal eb', caw lewn sat, xab' pax yich, b'ut'n yet' c'atzitz. A Jehová a 'oj 'a'nc 'och sc'a'l yet' spaxti', 'oj n̈ilchjoc 'icha wal azufre.

Jeremías 9:25

'Ix yaln pax Jehová 'ixtic: Wan sjaw stiempoal yic 'oj wa'nc 'och syailal eb' 'aj Egipto, eb' 'aj Judá, eb' 'aj Edom, eb' 'aj Amón, eb' 'aj Moab, yet' eb' cajn 'a lum cusltac lu'um, atn eb' tzjoxl xil sjolm 'a spac'b'il sjolom. A smasnil jun tzo'n̈ 'anma tic, tzcob' ya'ch eb' yechl circuncisíon 'a sniwnal, palta matz yac' eb' 'emmquilal 'ayin. An̈jtona pax eb' israel, tzcob' ya'ch eb' yechl circuncisión 'a sniwnal, palta matz yiclj eb' jun in trato tzch'ox jun yechl cha, xchi Dios.

Jeremías 44:22

Palta a Jehová caw man̈x 'ic techj yiln 'och jun tzo'n̈ maysch'olnil xe b'o cha, caw ma'ix chaj sc'ojol. Yuj wal cha, a qui chon̈b'ec, caw 'ix lan̈chj 'ejm ticnec, man̈x 'a mach cajn 'a 'a. Tox 'ix 'atcn catb' 'a yib'an̈, caw tzxiw eb' 'anma yiln 'ochi.

Ez 44:7

Man̈x 'a yel'ch xeyutj watut, comn xoj xe chaj 'och eb' chuc chon̈b'al 'a yojol, eb' may yel'ch in trato 'a 'a, may pax yechl in trato 'a sniwnal eb'. 'Ixta xeyutj eyixtn 'el watut cha, wach'xam cob' to xeyac' e xajmb'al chi 'ayin, atn xepual yet' schic'l no noc' cha, palta xjuw 'el in trato chi eyet'oc.

2 Cr 34:25

Yujto in eyactjcani, ax 'a jun tzo'n̈ comn dios xe yac' e xajmb'al, xe tzuntzn cot wal yowl in c'ojl yuj smasnil tas x'el e b'oni. Yuj wal cha, tox 'ix cot yowl in c'ojl 'a yib'n̈ jun lugar tic, man̈xtzac stac' stup 'a yib'an̈.

Jeremías 15:14

'Oj ex wa'ch mosoal 'a eb' 'ajc'ojl cha, atn 'a jun chon̈b' mant eyojcoc xoni. Yujto a yowl in c'ojol, lajn wal 'icha junc te c'ac', caw 'oj e lajw 'ejm yu'uj, xchi Dios.