Jeremías 4:19 - Chuj San Sebastian Bible

¹⁹ Caw wal tzin cumcn 'ec' wab'n syail. Caw tz'ib'x in pixn yuj tas tzlaj uji. Man̈xtzac stac' sictac tzin 'aji. Tox 'ix wab' yoc' q'uen trompeta, yet' jun 'aw yic owal.

Chuj San Mateo Bible

¹⁹ Ay..., ste cus in c'ool, tz'och val pitz'an d'a in pixan. Stin̈tin̈an in pixan yuj tas sjavi chi'. Maxtzac in em numan. Toxo ix vab' yoc' q'uen trompeta yed' yel yav eb' soldado yic tz'och oval.

Jeremías 4:19 Referans Kwoze

Habacuc 3:16

A yic xwab'n smasnil tas 'oj jawc 'a quib'n̈ chi 'on̈, caw in xiw cha'an̈. 'Ix 'ib'x chan̈ in ti'. Smasnil in niwnal, caw man̈x 'a yip, tzanxn̈ej 'aj in telwi. Wach'xam 'ixta 'oj 'ajoc, palta caw junc'ojlaln̈ej waj in tan̈wni jun c'ual yic 'oj jawc yailal oj 'a yib'n̈ eb' tz'a'n owl quet' on̈.

Is 22:4

Yuj cha, tzwaln 'ixtic: 'Eln̈ec 'a in tz'ey, yujto tzin nib'j caw tzin 'oc' si'mb'il, man̈x eyac' pural eya'n sniwnal in c'ojl yuj yailal 'oj jawc 'a yib'n̈ qui chon̈b'ec tic.

Is 16:11

Yuj cha, caw wal tzcus in c'ojl yuj tas 'oj 'aj slajw 'el eb' 'aj Moab yet' eb' 'aj Kir-hareset.

Jeremías 9:10

'Ix waln an Jeremías in tic 'ixtic: Caw tzin 'oc' yuj eb' lum jolmctac witz, tzin cus yuj eb' lum 'a'lic 'aj wach' swa e cajb'en noc', yujto 'ix tz'a smasnil, man̈x 'a mach tztac' sb'eyc' ta'. Man̈x 'a junc wacx tz'el yaw; an̈jtona e no ch'ic yet' e no calte'al noc', 'ix 'at e no 'elc smasnil, xin chi.

Jeremías 9:1

¡Comnoc wal lajn yol in sat tic yet' junc a spac'b'a tz'el yoctac, sec sc'ual, yac'wlil woc' yuj smasnil eb' wit chon̈b' xlaj chami!

Is 21:3

Caw tzyab' in niwnal syail, caw 'ayn 'och 'a in yailal, 'icha wal junc 'ix 'ix tzyab' syal yalj yune'. Tzin 'och 'a somc'ojlal yuj tas tzlaj wab'i, tzin xiw pax chan̈ yuj tas tzwila.

Gl 4:19

Ax xo, 'icha to caw wunnal ex. Caw niwn tzwab' syal eyu'uj, 'icha junc 'ix caw tzyab' syail, yic tz'alj yune'. An̈ja 'ixta 'oj wab' syal eyu'uj, masnto 'oj wach' lajnb'oc e nab'en yet' Cristo.

Dn 8:27

An xo an Daniel in tic, caw x'el wip xwab'i, 'ix 'och in yailal jaye c'ual. Xlajw cha, xb'ox in c'ojol, in q'uex wa'an, 'ix in yamn pax 'och wiln wopiso 'ac'b'il yuj win rey. Palta caw wal an̈ja 'ayn 'och 'a somc'ojlal yuj jun tzo'n̈ tas wiljnac 'a in waych cha, yujto caw matz nachj 'el wu'uj, tas wal tzyal 'el'chi, xchi Daniel.

Dn 7:15

An Daniel in tic, caw in xiwcha'an̈, yic xwiln jun tzo'n̈ cha, in 'och 'a 'il yu'uj.

Is 15:5

Caw wal tzcus in c'ojl yuj eb' 'aj Moab; a eb' 'anma 'a jun chon̈b' cha, 'oj 'at eb' 'eloc. Atta 'oj c'och eb' scol sb'a 'a Zoar, masnto 'oj c'och eb' 'a Eglat-Selisiya. 'Oj q'ue'choc eb' 'o'c 'a lum tzaln Luhit; yet' 'aj tz'ec' sb'el Horonaim. Caw wal ji'jmtac yoc' eb' yab'n syal tas tzjaw 'a yib'n̈ cha.

Salmos 116:7

A ticnec b'i'an, tzalj in c'ojl tzwab'i, yujto wach' snab'en Jehová 'ayin,

Ro 10:1

Ex wu'tac, ex wanab', caw tzin nib'j tzcolchj eb' wit israelal. Atn wal jun tic tzin c'an 'a Dios.

Am 3:6

Toto tz'utz'x q'uen trompeta 'a scal chon̈ab', caw tzxiw chan̈ smasnil 'anma'. Toto 'ay tas 'ay smay tz'ec' 'a scal chon̈ab', tzyal 'el'chi, a Jehová tz'a'n b'o 'ixta'.

Dn 7:28

Atn slajb' jun tzo'n̈ tic xalx can 'ayn an Daniel in tic. Caw in 'ochcn 'a somc'ojlal yu'uj. Caw sacb'el in sat yuj xiwlal, palta may xon junc mach 'aj 'ix wal-l jun tzo'n̈ paxti tic, xchi Daniel.

Lm 2:11

Caw wal tzmal yol in sat woq'ui, ax sn̈i in c'ojol, caw wal 'ijn tzn̈i'chj tzwab'i; caw man̈x 'a wip tzwab'i yic tzwiln 'och tas tz'aj slajw 'el eb' wit chon̈ab'. 'Intax eb' nene 'unn tzat chuwi, t'occtac tz'aj eb' schamcn 'a yol caye yuj wejel.

Lm 1:16

Yuj wal jun tzo'n̈ tic tzon̈ 'oc' on̈. Caw wal jichlji yem yal qui sat. Toc 'ayt mach tz'a'n jac sniwnal qui c'ojol, man̈x 'a mach tz'a'n ste'nal qui nab'en on̈. Scal yailal xcan smasnil eb' cunnal on̈, yujto caw wal jeln eb' 'ajc'ojl chi 'a quib'n̈ on̈, xchi eb'.

Jeremías 23:9

Yuj eb' tzcob' yalch sb'a schecb'oc Dios, tzwaln 'ixtic: Caw wal tzin sic'b' 'ejmi. Caw tz'ib'x smasnil in niwnal, 'icha junc 'u'm 'an̈, 'icha junc winc telwnac yuj te 'an̈ cha. Smul yujoc Jehová niwn yel'chi yet' yuj spaxti', 'ixta tzin 'aji.

Jeremías 20:9

Toto tzwala, man̈x 'oj in b'inoc sb'i Dios, man̈x 'oj wal-l spaxti pax jun 'ejmoc xo, toto xin chi, ax am tz'aji, 'icha xo c'ac' 'ixta tz'aj a paxti 'ayin. Caw tz'a in b'acl yuj tzwab'i. Tzin nib'j tzin 'och wan waln 'el a paxti cha, palta matz tac' wu'uj.

Jeremías 13:17

Toto ax tic matz e chaj eyab' tas tzwala, 'oj woc' eyuj 'a c'ultaquil, yujto tzeyij chan̈ e b'a. Caw 'oj 'eltoc yal in sat eyu'uj, yujto 'oj eyijx 'at 'icha presoal, xin chi 'a eb'.

Jeremías 4:21

¿Jantcto wal tiempo 'oj wil jun tzo'n̈ bandera, yet' jun tzo'n̈ q'uen trompeta tzlaj 'utz'xoc yuj eb' soldado? xin chi.

Jeremías 4:5

Alc 'el jun tzo'n̈ tic 'a eb' 'aj Judá yet' eb' 'aj Jerusalén, alc 'el yet' sjajl q'uen trompeta 'a smasnil jun nacion̈ cha. Caw 'ip eya'n 'el eyaw tzeyaln 'ixtic: ¡Coyec, qui yamc qui b'a 'a jun tzo'n̈ niwc chon̈b' caw wach' yajch smuroal! xe chi.

Salmos 146:1

¡Alx cab' wach' paxti 'a Jehová! Caw wal 'oj wal in wach' paxti 'a 'a.

Salmos 119:136

Caw tzb'ey yal in sat woq'ui, yujto matz yiclj eb' 'anma jun tzo'n̈ a cuynb'il tic.

Salmos 119:53

A eb' 'anma maysch'olnil sb'eyb'al, tzyactj can eb' a cuynb'il, yuj cha, caw tzcot wowl yuj eb'.

Salmos 103:1

Wal 'a smasnil in c'ojol, 'oj wal in wach' paxti 'a Jehová.

Salmos 16:2

Tox 'ix wal 'aych Mamin Jehová to Wajlil aji, a smasnil tas wach' 'ay 'ayin, a 'aych tzcoti.

Jueces 5:21

A a Cisón, a x'i'n 'at eb' smasnil, palta pecti xon 'ay a'. Ca'c quip qui 'at 'a cojltac.

Nm 10:9

Toto 'ay junc 'ajc'ojl tzjaw wul yac' owl eyet' 'a sat e lu'um, ax xo tic, yowlal tzex 'el eyac' owl yet'oc. Caw ji'lti tzeyutj eyutz'n q'uen trompeta cha, sec wach' an Jehová e Diosal in tic, 'oj ex in na coti, ax ex in coln 'el 'a eb' 'ajc'ojl tz'ajch 'ayx cha.

Gn 49:6

Jun 'ejmn̈ej matz in nib'j tzin c'och eyet' 'a 'aj tz'och eyamnil, yujto a yic xcot numjoc eyowal, xe miln cham eb' 'anma', yuj wal e tu nab'enal cha, xe ma'n wecchjoc yoc e no quelm wacax.

1 Co 14:8

Q'uinloc 'ay junc owl ticnec, tzc'och yorail s'at eb' soldado 'a owl cha. Tz'oc' strompeta eb', tz'at eb'. Toto man̈oc yaj tz'aj yutz'xi, ¿tom tztac' ya'n lista sb'a eb', tz'at eb' 'a owl cha?

Jeremías 6:24

A eb' 'anma 'a Jerusalén, tzyal eb' 'ixtic: Tox 'ix cab' jun 'ab'x cha, caw wal tz'el quip yuj xiwc'ojlal, on̈ 'och 'a cusc'ojlal cab'n syail, 'icha wal yab'n junc 'ix 'ix syail 'a yic tz'alj yune'.

Jeremías 8:21

Caw wal tzwab' syal yuj syailal eb' wit chon̈ab', caw xniwtj cusc'ojlal yet' xiwc'ojlal 'ayin.

Jeremías 42:14

toto tzeyal 'ixtic: 'Oj qui c'och cajn 'a Egipto, 'a 'aj man̈x 'oj quilc owal, 'aj man̈x 'oj cab'c yoc q'uen trompeta, an̈jtona man̈x 'oj qui chamc yuj wejl ta', toto xe chi,

Jeremías 49:2

Palta an Jehová in, an tzwala: 'Ay wal jun c'u 'oj jawoc, caw 'oj 'ab'xoc yel 'aw yic owl 'a chon̈b' Rabá, atn sniwquil chon̈b' eb' amonita. Jun b'uln̈ 'oj 'ajcn chan̈ sma'x 'ejm lan̈chjoc. Smasnil jun tzo'n̈ yaldeail, 'oj tz'a yuj c'ac'. An Jehová in, an tzwala, to 'ixta 'oj yutc eb' israel yi'n can pax 'ec' slum jun 'ejm xo.

Jeremías 50:22

Caw tz'ab'x sc'an̈ yoch owl 'a jun nacion̈ cha, yel xo niwquil tz'aj slajw 'eli.

Dn 4:19

Yuj cha, ax Daniel tzcuch pax Beltsasar, sictac 'ix 'aj snan jun rato, caw somchj snab'en yuj jun cha. Palta 'ix waln 'ixtc 'a 'a: Beltsasar, man̈ ach 'och 'il yuj jun in waych cha, yet' pax yuj tas tzyal 'el'chi, xin chi. 'Ix ta'w Beltsasar chi 'ixtc 'ayin: ¡'Ay, mamin rey, comnoc wal a 'a yib'n̈ eb' 'ajc'ojl yajch 'ayach, comnoc ata 'oj 'em tas tzyal 'el'ch jun a waych cha!

A Ch'an̈ Schab'il Libro Yic Yab'ixal Eb' Rey 4:19

'ix yaln jun 'unn chi 'a smam 'ixtic: —¡'Ay, caw wal ya in jolom! ¡Caw wal ya in jolom! xchi jun 'unn cha. Xlajw cha, 'ix yaln win mamb'il chi 'ixtc 'a junc eb' schecb' cha. —'Ij 'at win 'a snun, xchi.

A Ch'an̈ Schab'il Libro Yic Yab'ixal Eb' Rey 8:11

'Ix cham wal yoch q'ueln Eliseo 'a win Hazael, masnto tu 'ix yil winac. Yajn̈ej 'ix 'oc' chan̈ win schecb' Dios cha.

Is 21:4

Caw somchjnac in nab'en, tu tz'aj in c'ojl yuj tas 'ay smay. May xon tas tzin na 'a junjn yemc'ual yic tzsicb' yoc c'u, palta ax ticnec, 'ix smeltztej 'och sb'a 'a xiwc'ojlal 'ayin.

Jeremías 8:18

A 'in cusc'ojlal an Jeremías in tic, man̈x 'a yan̈il, caw tzlajw 'ejm in pixn yuj tzwab'i.

Lm 1:20

Mamin Jehová, 'ilt on̈ cot yet' qui yailal tic on̈, a wal tzcutj cab'n on̈, 'ijn wal tzn̈i'chj sn̈i qui c'ojl cab'n syail. Caw wal tzcab' syal yet' qui pixn on̈, yic tzqui nan cot qui mul xlaj 'ochi. A 'a spatc 'el chon̈ab', til wal eb' tzcham yuj owal, 'ixta 'a yol 'oxt chon̈b' tic, til pax mach tzchami.