Jeremías 39:16 - Chuj San Sebastian Bible

¹⁶ Al yab' win Ebed-melec 'aj Etiopía 'ixtic: A Jehová tztac' yuj smasnil, atn sDiosal Israel, a tzaln 'ixtc 'ayach: 'Oj wac' 'el'choc tas waljnac can 'a yib'n̈ jun chon̈b' tic. 'Oj jawc yailal, man̈oc wach'ilal. A yic 'oj ujc jun tzo'n̈ cha, caw 'oj el yet' a sat.

Chuj San Mateo Bible

¹⁶ Ixic d'a vin̈aj Ebed-melec aj Etiopía, tzalan d'a vin̈ icha tic: A Jehová Yajal d'a Smasanil, sDiosal Israel, a tz'alan icha tic: Ol vaq'uelc'och tas valnaccan d'a spatic jun chon̈ab' tic. Ol javoc yaelal, man̈oc vach'ilal. Ayic ol elc'och juntzan̈ chi' ol il val yed' a sat.

Jeremías 39:16 Referans Kwoze

Dn 9:12

Tox 'ix 'el'ch tas aljnac cani, chajtlto 'oj jawc yailal 'a quib'n̈ on̈, yet' 'a yib'n̈ eb' qui yajlil on̈. Yel xo niwquil 'ix otj a'n 'och syailal Jerusalén 'a yib'n̈ junc xo chon̈ab'.

Zacarías 1:6

Palta ax in paxti', yet' in checnb'il wa'jnac yal-l eb' in checb' cha, 'ix 'el'ch 'a eb' e mam eyichm cha. Yuj cha, 'ix snan sb'a eb', 'ix yaln eb' 'ixtic: A Jehová tztac' yuj smasnil, tox 'ix ya'ch qui yailal, 'icha wal tas snalb'ej ya'n 'och 'a quib'n̈ec yuj qui tu b'eyb'alec, yet' yuj pax maysch'olnil tzqui b'o'ec, xchi eb', xchi Dios.

Mt 24:35

'Oj lajwc 'ec' satcha'an̈ yet' yolyib'n̈q'uinl tic, ax in paxti', may b'a'n̈ 'oj lajwc 'eq'ui.

Jeremías 36:31

Ach tic yet' eb' en̈til, yet' pax eb' 'aych yopiso et'oc, caw 'oj wa'ch yailal 'a eyib'n̈ yuj e mul. 'Oj jawc 'a yib'n̈ eb' 'aj Jerusalén, yet' 'a yib'n̈ eb' 'aj Judá, atn jun tzo'n̈ yailal 'ix walcn 'el tic, atn jun tzo'n̈ paxti ma'ix e chaj eyab'i', xchi Dios, xa chi 'a eb', xin chi 'a Baruc cha.

Jeremías 35:17

Yuj cha, an Jehová in, tztac' wuj smasnil, e Diosal in, an tzwala: Caw 'oj wac' jawc jun tzo'n̈ yailal alb'ilx 'el wuj 'a eyib'n̈ e masnil ax cajn ex 'a Judá yet' 'a Jerusalén. Yujto xcob' ex in tench wa'an, palta ma'ix eyiclej. In 'awj cob' 'ayex, palta ma'ex ta'w pax 'ayin, xchi Dios, xa chi 'a eb', xchi 'ayn an Jeremías in tic.

Jeremías 34:22

An Jehová in, an tzwala: 'Oj wac' jawc pax eb' 'a jun chon̈b' tic jun 'ejm xo, ax ya'n pax eb' owl yet'oc. 'Oj 'ejmc yuj eb', ax sn̈usn can eb'. Ax jun tzo'n̈ xo chon̈b' 'a yol yic Judá, 'oj wa'cn 'och eb' 'a cusltac lumal, man̈x 'a junc 'anma 'oj can cajn 'a 'a, xchi Dios.

Jeremías 26:20

(An̈jtona pax win schecb' Dios tzcuch Urías, yunnal Semaías 'aj chon̈b' Quiriat-jearim, a 'ix paxtin 'el 'a sb'i Jehová 'a jun chon̈b' tic, yet' 'a jun nacion̈ tic, 'icha wal xyutj paxtinc sb'a Jeremías tic.

Jeremías 26:18

A 'a yol stiempoal Ezequías sreyl Judá, a Miqueas 'aj Moreset, 'ix paxtin 'el 'a sb'i Jehová 'a smasnil eb' chon̈b' 'a Judá, 'ix yaln 'ixtic: A Jehová, tztac' yuj smasnil, a tzaln 'ixtic: A chon̈b' Sión tic, 'oj cancn lum yico'oc munljel. A Jerusalén jun b'uln̈ 'oj 'aj slan̈chj can 'ejmi, ax jun tzaln 'aj b'ob'il watut, waymtac xoj 'oj 'ajcni, xchi Dios, xchi Miqueas cha.

Jeremías 26:15

Palta 'ojquejec 'el wal jun tic si'mb'il: Toto ax tic yet' eb' 'anma tic, tzin e mil chamoc, 'oj 'och jun tic e muloc, yujto tze mil cham jun mach to may jac smul. Yujto caw yel, a Jehová x'a'n wal-l smasnil jun tzo'n̈ paxti xwala, xin chi.

Salmos 92:11

'Oj wil tas wal 'oj 'aj eb' 'ajc'ojl chi slajw 'eli. 'Oj wab' wal yel yaw' eb' xb'on maysch'olnil cha.

2 Cr 36:21

'Ixta 'ix 'aj yel'ch tas ya'jnac Jehová yal-l win Jeremías. 'Ixta x'aj yilj lum lu'um, yujto niwn tiempo may munljel xb'o 'a sat lu'um, masnto stz'acw 70 ab'il.

Jeremías 44:27

Yujto wan wiln ticnec, to 'oj wa' cot yailal 'a eyib'an̈, man̈oc wach'l 'oj wa' coti. E masnil ex 'aj Judá cajn ex 'ec' 'a Egipto tic, 'oj e satl yuj owal, yuj pax wejel.

Am 9:4

Wach'xam 'oj 'ijxoc 'at eb' 'icha presoal yuj eb' 'ajc'ojol, palta 'oj 'at wac' tzu'xoc cham eb' yet' q'uen espada. 'Oj wa'n̈j 'och syailal eb', man̈oc wach'l 'oj wac' 'a eb', xchi Dios.

Jeremías 40:3

A ticnec, 'ix 'el'ch tas yaljnac Jehová. 'Ix ya' cot jun tzo'n̈ tic 'a eyib'an̈, yujto ma'ix eyiclj tas 'ix yala.