Jeremías 38:22 - Chuj San Sebastian Bible

²² Smasnil eb' 'ix 'ix 'oj can to cob' 'a a despacho, yowlal 'oj 'ijxoc 'elt eb' 'ix, ax yajx 'och eb' 'ix 'a yol sc'ab' ewin general yic win sreyl Babilonia, ax yaln eb' 'ix 'ixtic: A eb' caw swach'c'ojl win rey, 'ix yixtj paxti eb' winac, yuj cha, x'ejm winac. 'Icha to 'ix 'actx can 'at win 'a scal b'i'ch yuj eb', 'ix yi'n 'el sb'a eb' 'a stz'ey winac, 'oj schic eb' 'ix.

Chuj San Mateo Bible

²² Masanil eb' ix ix ol can d'a a palacio, yovalil ol ic'joquelta eb' ix, ol ac'chajoch eb' ix d'a yol sc'ab' eb' yajal soldado yic vin̈ sreyal Babilonia chi'. Ol b'uchvaj eb' ix d'ayach icha tic: A eb' amigo, ton̈ej ix ach yac' musansatil eb', yuj chi' ix ach ac'ji ganar. Ix ach actajcan yuj eb' d'a cal soc'om, ix el eb' d'ayach, xcham eb' ix.

Jeremías 38:22 Referans Kwoze

Lm 5:11

A wal 'a chon̈b' Sión yet' 'a jun tzo'n̈ xo chon̈b' 'ay 'a Judá, caw tz'ixtx eb' 'ix 'ix yet' pax eb' 'ix cob'stac 'ix yuj ewin winac.

Lm 1:2

Lajn 'icha junc 'ix 'ix ji'jmtac yoc' 'a junjn 'ac'wal; jichlji yem yal sat 'a spac'b'il sti'. Ax eb' nacion̈ wach' cob' yaj yet'oc, may junc eb' tz'a'n sniwnal sc'ojol. Smasnil eb' swach'c'ojl cha, 'ix meltzj 'och eb' 'ajc'ojlal 'a 'a.

Jeremías 43:6

X'ijx 'at eb' winac, eb' 'ix 'ix, eb' 'unin, eb' 'ix yisl win rey yet' smasnil eb' 'anma', atn eb' 'ajxnac can 'och 'a yol sc'ab' Gedalías yuj win comandante Nabuzaradán. In yij 'at eb' yet' win Baruc.

Miqueas 7:5

Man̈ eya'ch 'a e c'ojl tas tzyal eb' cajn 'a e tz'ey, man̈ eya'ch junc e wach'c'ojl yipc e c'ojol. Tzcham wal e nan tas tzeyal yet' eyistzil.

Lm 1:13

'Icha wal junc c'ac', 'ixta xyutj Jehová ya'n cot qui yailal 'a satcha'an̈, caw wal tzc'ux lajwc qui b'acl tzcab'i. 'Icha pax junc ch'an̈ yal tz'ejm 'a cojltac 'ixta 'on̈ yutj yet' qui yailal on̈, yuj cha, on̈ meltzj 'a qui patic. On̈ yactj can qui ch'ocoj, 'a junjn rato tzcab'n syal on̈.

Jeremías 41:10

'Ix yi'n 'at Ismael chi eb' 'ix yisl win rey 'icha presoal, yet' eb' 'anma 'ayc' 'a Mizpa cha, atn eb' x'ajx stan̈wc Gedalías yuj win comandante Nabuzaradán. X'ijx 'at eb' yuj Ismael 'a yol yic Amón.

Jeremías 38:19

—Tzin xiw 'a eb' quit chon̈b' tox 'ix ya'ch sb'a yet' eb' 'aj Babilonia cha, toq'ue tzin 'ajx 'och 'a yol sc'ab' eb', ax am tz'aji, tzin yixtj eb', xchi win rey cha.

Jeremías 20:10

Tzwab' sajsni eb' in sb'uchni, tzyaln eb' 'ixtic: Yaj win tzalni to 'ay xiwc'ojlal 'a smasnil lugar, xchi eb'. Tzyaln pax eb' 'ixtic: Coyec, qui pitzc chan̈ 'es 'a spatic, xchi eb'. An̈jtona eb' in wach'c'ojl cob'i', caw maclb'il yuj eb' 'aj tzin 'ejmi. Tzyaln eb' 'ixtic: Tecn 'oj ca'c ganar smontchj cujec. Toto 'ixta', 'oj ca'c ganar yejm cujec, ax ca'nec pax qui pacc 'a 'a, xchi eb'.

Jeremías 6:12

A yatut eb', slum eb', yet' yistzil eb', chucx mach 'oj 'ica'anoc. An Jehová in, an tzwala, to 'oj wi' chan̈ in c'ab', ax wa'n 'och syailal eb' 'anma cajn 'a jun chon̈b' tic.

Is 42:17

A wal eb' 'anma tz'a'n 'och jun tzo'n̈ yechl yipc sc'ojol, tzyaln sb'a eb' 'a jun tzo'n̈ yechl chi 'ixtic: Ax tic, qui diosal ex, xchi eb' 'a eb'. A eb' tzaln chi 'ixta', caw q'uixwc'ojlal 'oj 'aj eb' s'atcni.

Salmos 69:14

Coln 'el 'a yol sc'ab' eb' tzin chacn 'eli. A stu nab'enal eb', lajn 'icha b'iq'uich, mto 'icha junc a a caw xab' yich. Man̈ in a cha 'ijxoc 'at yu'uj.

Salmos 69:2

'Icha to wan in 'at 'a scal jun yaxlum caw xab' yich, may 'aj wach' scan te'n woc. 'Icha tox in 'ejm 'a snajtil xab'l yich a', wan xo in scuchn b'ey a tzwab'i.

Salmos 41:9

Ax jun in wach'c'ojl caw 'aych cob' yipc in c'ojol, junn̈j tzin wa yet'oc, palta 'ix meltzj 'och 'ajc'ojlal 'ayin.

Jeremías 46:21

A wal jun tzo'n̈ eb' soldado majnab'il coti, caw wal b'a'ch eb' 'icha no wacx caw b'aq'uech, palta locn eb' 'oj 'at 'eloc. Caw man̈x 'oj stac' ste'wtzan sb'a eb', yujto tzjaw sc'ul slajw 'el eb', tzc'och yorail sjaw syailal eb' 'a yib'an̈.

Jeremías 46:5

¡Tas jun wan yuj tic! A tzwila to a eb' soldado win Necao wan laj smeltzj eb' 'a spatc yuj xiwc'ojlal. A wal eb' 'a'm owl cob' cha, caw sactzicnac s'at eb' 'eloc. Man̈xtzac yil't eb' jac 'a spatic.

Jeremías 8:10

Yuj wal cha, 'oj wa'cn 'och yistl eb' 'a yol sc'ab' jun tzo'n̈ocx winac, yet' pax slum eb', chucx mach 'oj 'ica'anoc. Smasnil eb' niwc yel'chi, yet' eb' may yel'chi, axn̈ej tas tzyac' ganar eb' 'a spatc maysch'olnil, a chi tzna eb'. 'Ixta pax eb' tzyalch sb'a in checb'oc, yet' eb' tz'a'n 'och e ti 'ayin, cojxn̈ej 'elc'l tzb'o eb'.

Jeremías 13:21

'Ix yaln Jehová 'ixtic: ¿Tas 'oj eyal ticnec ex 'aj Jerusalén, yic 'oj 'och jun tzo'n̈ 'anma yac' yajlil 'a eyib'an̈, atn jun tzo'n̈ eb' xe sayq'ui, yic tz'och eb' e wach'c'ojloc? 'Oj ya'ch wal eb' yailal 'a eyib'n̈ si'mb'il, 'icha yab'n junc 'ix 'ix syail yic tz'alj yune'.

Jeremías 38:21

Yujto tox 'ix sch'ox Jehová 'ayin, tas 'oj ujoc, toto ma'oj a'ch a b'a 'a yol scab' eb' mamin rey.

Job 6:15

Palta ax xo tic ex in wach'c'ojol, ton̈j xe wach' juj in nab'en; lajn ex 'icha junc sb'e a 'elmal a tztacj chan̈ 'a yic man̈xtzac yac' n̈ab'.

Jeremías 27:14

Man̈ a cha ab' tas tzyal jun tzo'n̈ tzyalch sb'a schecb'oc Dios cha, atn eb' tzalni to matz a'ch a b'a 'a yaln̈ schecnb'il jun rey cha. A tas tzyal eb' cha, caw 'esn̈ej.

Jeremías 27:15

A Jehová 'ix alni, to man̈oc tz'a'n yal eb' jun tzo'n̈ cha, caw 'esn̈j tas tzyal-l eb' 'a sb'i Jehová. Toto tza yiclj tas tzyal eb', 'oj ejx 'el 'a tic yet' eb' tzyalch sb'a checb'al cha, eb' tz'a'n 'es 'aych cha, ax a cham yet' eb', xin chi 'a win rey cha.