Jeremías 37:2 - Chuj San Sebastian Bible

² Palta an̈jtona Sedequías cha, yet' eb' 'aych yajlil yet'oc, yet' smasnil eb' yit chon̈ab', ma'ix schaj eb' yab' spaxti Jehová 'ix yac' wal 'a eb' an schecb' Dios in tic.

Chuj San Mateo Bible

² An̈ejtona' vin̈aj Sedequías chi' yed' eb' ayoch yajalil yed'oc yed' pax masanil eb' yetchon̈ab' vin̈, maj sc'anab'ajej slolonel Jehová eb' ix schec val a in Jeremías in tic, a in schecab' in Dios.

Jeremías 37:2 Referans Kwoze

1 Ts 4:8

Toto 'ay mach tzchichn 'och 'a jun tzo'n̈ checnb'il tic, a 'a Dios wan schichn 'ochi, man̈oc 'a junc 'anma'. Palta atn Dios 'a'jnac 'och Yespíritu 'ayn̈ec.

Pr 29:12

Q'uinloc a junc yajal tzchaj yab' 'es paxti', ax eb' 'aych yet' 'a yopiso cha, tz'och eb' 'a'm 'esal smasnil.

Os 12:10

An tic, in paxtin 'a eb' in checab'. 'Ix wa'n niwtjoc tas xyil eb' 'a 'icha waychil. A eb' xwac' alnc 'el in cuynb'il 'a ch'oxnb'ilal.

Ez 21:25

Ach sreyl Israel, tecb'il ach, caw may a ch'olnil. A ticnec xc'och sc'ul ajx 'och 'a yol sc'ab' yailal yuj a mul.

Pr 26:6

Toto a junc may snab'en tzqui checc 'at 'a junc qui checnb'il, lajn wal 'icha yic tzqui tzu'c coc, ton̈j tzquijec cot yailal 'a quib'an̈.

A Ch'an̈ B'ab'el Libro Yic Yab'ixal Eb' Rey 16:7

'Ix yaln Jehová 'a win Jehú cha, atn jun schecab', yuj yailal 'oj jawc 'a yib'n̈ win Baasa yet' eb' yin̈til, yujto maysch'olnil tas xlaj sb'o win 'a sat Jehová, 'ix stzuntzj cot yowl sc'ojol, 'icha sb'ojnac Jeroboam. 'Ix jaw pax yailal 'a yib'an̈, yujto satl win eb' yin̈tl Jeroboam.

A Ch'an̈ B'ab'el Libro Yic Yab'ixal Eb' Rey 14:18

Smasnil eb' israel 'ix mucn jun 'unn cha, x'och eb' 'a cusc'ojlal yu'uj, 'icha wal xyutj Jehová yaln 'a win Ahías, atn win schecab'.

A Ch'an̈ Schab'l Libro Samuel 12:25

Yuj cha, schecn pax cot Jehová win Natán wul yal 'a David, to chamc'ojlb'il jun 'unn chi yu'uj, yuj cha, to Jedidías tz'ajx sbic yuj David.

A Ch'an̈ Schab'l Libro Samuel 10:2

'Ix yaln David 'ixtic: A ticnec 'oj in ch'ox in wach'c'ojlal 'a win Hanún 'icha yutjnac win smam win chi 'in schamc'ojlani, xchi. 'Ix schecn 'at David jaywn̈ eb' schecb' 'at yac' sniwnal sc'ojl Hanún chi yuj schamlil smam cha. Palta ax yic xc'och eb' schecb' David chi 'a schon̈b' eb' amonita,

Lv 8:36

'Ixta 'ix yutj syiclni Aarón yet' eb' yunnal smasnil tas 'ix yac' Jehová yal Moisés 'a eb'.

Ex 4:13

Palta 'ix ta'w pax Moisés 'ix yalni: —¡'Ay, Mamin! Tzwal wal 'ayach, to man̈ in a checb'ti, caw wach' tza say junc xo mach tz'ati, xchi.

Jeremías 34:2

An Jehová in, e Diosal in, an tzwal 'ayach, to tz'at al 'ixtc 'a Sedequías sreyl Judá: Al 'a 'a to an Jehová in, an tzwal 'ixtic: 'Oj wa'ch jun chon̈b' tic 'a yol sc'ab' sreyl Babilonia, a 'oj n̈usnoc cani.

2 Cr 36:11

A Sedequías 21 ab'il sq'uinal yic schan 'el yich ya'n reyal, uxlche ab'il xyac' reyl 'a Jerusalén.