Jeremías 32:7 - Chuj San Sebastian Bible

⁷ 'Ilto, a win Hanamel, yunnal win ecan Salum, 'oj jawc winac, ax yaln win 'ixtc 'ayach: Tza man jun a lum 'ayin, ata 'ay lum 'a Anatot. Smoj wal to ach tza mana, yujto quican to qui b'a, 'oj schic Hanamel cha, xchi Jehová 'ayin.

Chuj San Mateo Bible

⁷ Ilnab'i, a vin̈aj Hanamel yuninal vin̈aj Salum vin̈ a c'ab' oc, ol javoc vin̈ d'ayach, ol ul yalan vin̈ icha tic: Man jun in lum ay d'a Anatot. Smoj ton val a ach tza mana', yujto ayto cuj co b'a, xcham vin̈, xchi Jehová d'ayin.

Jeremías 32:7 Referans Kwoze

Jeremías 1:1

A 'a jun libro tic tz'ib'b'il can tas waljnac yet' tas in b'ojnac an Jeremías in tic, yunnaln Hilcías. An Jeremías in tic yin̈tl in can eb' ya'mal 'och sti eb' 'anma 'a Dios, eb' 'e'nc cajn 'a chon̈b' Anatot 'ay 'a yol yic lum slum Benjamín.

Jeremías 11:21

A eb' 'anma 'aj chon̈b' Anatot, sna eb' tas tzin yutj eb' in smilni. 'Ix yaln eb' to tzin smil cham eb', toto an̈ja waln 'el spaxti Jehová.

Lv 25:25

Toto 'ay junc eyit chon̈b' tzlajw 'ejm jac tas 'a 'a, yuj cha, tzchon̈n 'och slum 'ayex, to 'ixta', ax junc yican la'nto scal yet'oc, a tztac' smann can pax 'ec' lum lum cha.

A Ch'an̈ B'ab'el Libro Yic Yab'ixal Eb' Rey 14:5

palta a Jehová tox 'ix yal 'a win 'ixtic: Tic wan sjaw 'ix yistzil win Jeroboam wul sc'anb'c 'aych yuj jun win yune 'ix ya'ay. 'Ixtc 'oj otc ta'wc a b'a 'a 'ix, yujto 'oj sjelmtoc sb'a 'ix, yic 'oj jawc 'ix 'ayach, xchi.

Nm 35:2

Al 'a eb' et israelal tic: A 'a lum slum eb' chi tzchaj cha, ata tzcan yet'l schon̈b' eb' yin̈tl Leví 'aj 'oj can cajan, tzcan pax swalab' scajb'en noc' eb' 'a stz'ey schon̈b' cha.

Lv 25:49

Tztac' scolx yuj junc yu'tac smam, mto tzcolx yuj junc yunnal yu'tac smam cha, mto pax yuj junc yican la'nto yaj scal yet'oc. Tztac' scoln pax sb'a sch'ocoj, cojn toto 'ay yutnb'il.

Lv 25:34

A lum swalb' snoc' eb' levita oyn 'och 'a sti schon̈ab', matz tac' schon̈x lu'um, yujto comn lum yaj lum 'a eb' levita chi 'a jun 'ejmn̈ej.

Lv 25:23

A lum lum cha, matz tac' e chon̈n lum 'a jun 'ejmn̈ej, yujto wic lu'um, ax tic ton̈j 'e'lb'a eyec' 'a sat lum wu'uj.

Jeremías 32:6

A yic cha, 'ix waln 'ixtic: A wal Jehová 'ix paxtin 'ayin, 'ix yaln 'ixtic:

Jeremías 32:8

'Icha wal xyutj Jehová chi yaln 'ayin, 'ixta 'ix 'aji. 'Ix jaw win wican Hanamel chi 'ayin, yic 'ayn 'ec' 'a yamq'uil sti te preso 'a 'aj 'ayc' eb' tztan̈wni sdespacho win rey. 'Ix wul yalnc 'ayin chajtlto tzin man jun slum 'ay 'a Anatot 'a yol yic Benjamín. An 'ay waln wic in mann lu'um, yujto wican to in b'a yet' winac. Atta 'ix nachj 'el wu'uj, to spaxti Jehová jun cha.

Lv 25:24

Yuj cha, a lum lum tze man cha, toto a eb' 'ay xon yic lum cha, to tznib'j eb' smanx lu'um, yowlal tzeya'x can pax lum 'a eb'.