Jeremías 32:22 - Chuj San Sebastian Bible

²² Xlajw cha, 'ix a'n jun lum caw wal yax sat tic 'ayn̈ an̈ israel on̈ tic, 'icha wal yaj a'n can a ti 'a eb' qui mam quichm on̈.

Chuj San Mateo Bible

²² Slajvi chi' ac'annac jun lum te yax sat tic d'ayon̈ israel on̈ tic, icha ajnac ac'annaccan a ti' d'a eb' co mam quicham.

Jeremías 32:22 Referans Kwoze

Ex 13:5

Atn 'a jun 'uj tic, 'aj tzqui nac cot jun q'uin̈ tic, yic tox on̈ c'ochc yuj Jehová 'a lum lum caw 'ay syaxil, lum 'ajtil cajn eb' cananeo, eb' hitita, eb' amorreo, eb' heveo, yet' eb' jebuseo. Atn lum yaljnac can Jehová 'a eb' qui mam quichmec, to a 'ayn̈ec tzyac' jun lum cha.

Ex 3:8

Yuj cha in 'emli, yic tzwul in colnc 'elt eb' 'a yol sc'ab' eb' 'aj Egipto cha. 'Oj wic' 'elt eb', ax wi'n 'at eb' 'a jun lum lum caw lewan, caw wach', til wal tas 'ay 'a jun lum cha. Atn lum 'aj cajn eb' cananeo, eb' hitita, eb' amorreo, eb' ferezeo, eb' heveo yet' eb' jebuseo.

Jeremías 11:5

Toto ax tic, 'oj eyiclc tas tzwal 'ayex, to 'ixta', 'oj wac' 'el'choc in ti wa'jnac 'a eb' e mam eyicham, yic tzwa'n jun e lu'um, atn lum caw 'ay syaxil sat 'aj 'ayx 'ec' ticnec, xchi Jehová, xa chi 'a eb', xchi 'ayin. Yuj cha, in ta'w 'ixtc 'a 'a: B'o cab' 'ixta Mamin Jehová, xin chi.

Dt 1:8

An ton 'ix wac' jun lum chi 'ayex. A ticnec 'ixquec, 'at cajc lu'um, yujto wa'jnac in ti 'a eb' e mam eyicham, atn Abraham, Isaac, yet' Jacob to tzwac' lum 'a yin̈tl eb', xchi Dios 'ayn̈ec.

Ex 3:17

'Ix wala to 'oj ex in col-l 'a yaln̈ jun eyailal tic, ax ex wi'n 'at 'a jun lum lum caw wal wach', caw 'ay syaxil sat, atn 'a 'aj cajn 'ec' eb' cananeo, eb' hitita, eb' amorreo, eb' ferezeo, eb' heveo yet' eb' jebuseo, xchi Dios, xa chi 'a eb'.

Ez 20:15

An̈jtona', a 'a lum cusltac lum chi 'ix walcn 'a eb', to ma'oj 'och eb' 'a sat lum lum 'aj xwac' in ti wa'n 'a eb', atn lum caw 'ay syaxil sat, lum yel xo wach' 'a yib'n̈ lum lum smasnil.

Ez 20:6

A 'a jun tiempoal cha, ata 'ix wa'cn in ti', to tzwij 'elt eb' 'a Egipto, tzwi'n cot eb' 'a lum lum caw wal 'ay syaxil sat, atn lum yel xo wal wach' 'a yib'n̈ lum lum smasnil.

Nehemías 9:15

'Ix a'n pax sc'ux eb' tas tzcot 'a satcha'an̈, yic 'ay swejl eb'. Ax a a 'ix 'elt 'a sat q'ue'en, a 'ix yu'j eb' yic 'ay stacn̈til eb'. Xlajw cha, 'ix aln 'a eb' to tz'och eb' scaj lum lum 'aj 'ix ac' a ti a'n 'a eb'.

Josué 21:43

'Ixtn tic wal xyutj Jehová ya'n can smasnil lum lum tic 'a eb' israel, atn lum 'aj ya'jnac can sti ya'n 'a eb' smam yichm eb'. 'Ix sb'on 'och sb'a eb' 'a sat lu'um, xlajw cha, xcan cajn eb' 'a 'a.

Josué 1:6

Te'n tzotj a b'a, man̈ ach xiwoc, yujto ach 'oj a pojc smacl lum eb' et israelal tic 'a 'a, atn lum 'aj wa'jnac in ti wa'n 'a eb' e mam eyicham.

Dt 8:1

'Ix yaln Moisés 'ixtic: Wach' tzeyutj e b'eylb'an jun tzo'n̈ checnb'il wan waln can 'ayx tic, sec wach' 'oj eyel'chi. 'Oj q'uib' e b'isul, ax e cajn lum lum 'aj ya'jnac can Jehová sti ya'n 'a eb' qui mam quichmec.

Dt 7:13

'Oj ex schamc'ojloc, ax ya'n syaxilal 'a eyib'an̈, 'oj yac' pax q'uib' e b'isul. 'Oj yac' syaxilal 'a yib'n̈ eb' eyunnal, 'a yib'n̈ e trigo, 'a yib'n̈ eyal uva, eyaceite, e wacax, e calnelu 'oj e caj 'a sat lum lum 'aj ya'jnac sti ya'n 'a eb' qui mam quichmec.

Dt 6:23

Palta an̈ xo tic on̈, on̈ yij 'elt Jehová 'a jun lugar cha, on̈ yi'n cot 'a jun lum lum 'aj ya'jnac sti ya'n 'a eb' qui mam quichmec, yic tzya'n lum quico'oquec.

Dt 6:18

A cab' tas wach' tze b'o'o. Tojln̈ej cab' tzeyutj e b'a 'a sat Jehová, sec wach' tzex 'el'chi, ax eyica'an lum lum 'aj ya'jnac sti ya'n 'a eb' qui mam quichmec.

Dt 6:10

A Jehová qui Diosalec, a 'oj eyi'n 'och 'a sat lum lum 'aj ya'jnac sti ya'n 'a eb' qui mam quichmec, atn 'a Abraham, Isaac yet' 'a Jacob. A jun lum cha, caw niwc jun tzo'n̈ chon̈b' 'ay 'a 'a, caw wach' pax yilxi, palta man̈oc ex e b'ojnac.

Dt 1:35

May wal junc eb' 'anma tu snab'en 'a jun tiempoal tic, 'oj 'ilnoc lum lum caw wach' cha, atn lum wa'jnac in ti wa'n 'a eb' e mam eyicham.

Nm 14:30

Cojn Caleb yet' Josué, a eb' 'oj c'och 'a sat lu'um. Ax xo ax tic e masnil, may junc ex 'oj e c'och 'a sat lu'um, atn lum xwal wac' 'ayex.

Nm 14:16

A Jehová matz tac' yi'n 'och eb' 'anma chi 'a sat lum lum 'aj xyac' sti ya'n 'a eb', yuj cha, 'ix smiln can cham eb' 'a lum cusltac lu'um, 'oj xchic am eb' 'anma cha.

Gn 50:24

'Ay jun c'u, 'ix yal José 'ixtc 'a eb' yu'tac: Jab'xoj wal tiempo ax in chami, palta a Dios 'oj jawc colwjoc eyet'oc. A 'oj eyi'n 'el 'a jun chon̈b' tic, ax ex yi'n 'at 'a lum lum 'ix yaltj can 'a Abraham, 'a Isaac, yet' 'a Jacob, xchi José cha.

Gn 24:7

A Jehová sDiosal satcha'an̈, a in 'i'n 'elt 'a yatut in mam, 'ix ya'n sti ya'n jun lum tic 'a eb' win̈til. A pax 'oj checnc 'at yángel et'oc, sec wach' 'oj e' cot yistzil ni wunnal tic ta'.

Gn 13:15

A smasnil jun lum wan eln 'at tic, an tzwac' 'aych 'a jun 'ejmn̈ej, yic pax smasnil eb' en̈tl b'aq'uin̈.