Jeremías 32:2 - Chuj San Sebastian Bible

² A 'a yic jun tiempoal cha, oyb'ilx chon̈b' Jerusalén yuj eb' soldado win Nabucodonosor. An xo, 'ayn 'ec' presoal 'a jun 'amc' 'a 'aj 'ayc' eb' stan̈mal sdespacho win sreyl Judá.

Chuj San Mateo Bible

² A d'a yic chi' van yac'an oval eb' soldado vin̈aj Nabucodonosor chi' d'a Jerusalén, a inxo Jeremías in tic, ayin och preso d'a yamaq'uil b'aj ayec' eb' stan̈vumal spalacio eb' sreyal Judá.

Jeremías 32:2 Referans Kwoze

Jeremías 37:21

Yuj cha, xyaln win rey Sedequías to ata tzin can 'a 'amac', 'a 'aj 'ayc' eb' tztan̈wni jun despacho cha, ax 'a junjn c'u tz'ajx junjn pan 'ayin, ata tzmanx 'ixm 'a eb' b'om pan. 'Ichn̈jta x'aji, ya' sb'a 'ayt 'ixm pan chi 'a yol chon̈ab'. 'Ixtnta in 'aj in cancn 'a 'amc' cha.

Nehemías 3:25

A Palal yunnal Uzai, a 'ix b'on jun muro 'a 'isquinyo, yet' jun torre niwquil ste'il 'ay 'a sdespacho win rey, atn 'a yamq'uil yatut eb' soldado 'aj tzmacwji. Ax Pedaías yunnal Faros sb'on yico',

Jeremías 38:6

Yuj cha, in syamn cot ewinac. Xlajw cha, in ya'n 'ejm ewin yet' lasu 'a yojl jun xab' 'a 'aj tzyam sb'a a a'. A jun xab' cha, yic Malquías yunnal win rey cha. Ata 'ay 'a jun 'amc' 'a 'aj 'ayc' eb' tztan̈wni despacho. A jun xab' cha, man̈x a 'a yojol, cojxn b'i'ch 'ay, yuj cha, ax yic in 'emch 'a yich, in 'atcn 'a scal b'i'ch cha.

Jeremías 33:1

A yic 'aynto 'och presoal 'a 'amc' 'a 'aj 'ayc' eb' stan̈mal despacho, 'ix paxtin pax Jehová 'ayn jun 'ejm xo 'ixtic:

Jeremías 32:8

'Icha wal xyutj Jehová chi yaln 'ayin, 'ixta 'ix 'aji. 'Ix jaw win wican Hanamel chi 'ayin, yic 'ayn 'ec' 'a yamq'uil sti te preso 'a 'aj 'ayc' eb' tztan̈wni sdespacho win rey. 'Ix wul yalnc 'ayin chajtlto tzin man jun slum 'ay 'a Anatot 'a yol yic Benjamín. An 'ay waln wic in mann lu'um, yujto wican to in b'a yet' winac. Atta 'ix nachj 'el wu'uj, to spaxti Jehová jun cha.

Mt 5:12

Tzaljan̈c si'mb'il, yujto caw niwn spac 'oj e cha 'a satcha'an̈. 'Icha tz'ajx 'och 'a eyib'n̈ ticnec, 'ixta 'ajxnac 'och 'a yib'n̈ eb' schecb' Dios 'a pecti'.

Jeremías 36:5

Xlajw cha, 'ix waln 'a 'ixtic: 'Iltnab'n wal tas waji, caw tzin tenx 'och wan in 'at 'a yatut Jehová.

Jeremías 32:3

A win rey Sedequías cha, in yac' win yamchjoc, sec tzin 'och 'a preso, yujto waljnac 'ixtic: A Jehová tzaln 'ixtic: 'Oj wa'ch jun chon̈b' tic 'a yol sc'ab' win sreyl Babilonia.

Salmos 88:8

'Ix ej 'el snab'en eb' in wach'c'ojl 'ayin, in schacn can 'el eb'. Lajn wal in 'aj 'icha junc win 'aych 'a preso, matz tac' yeli.

Jeremías 34:1

A Nabucodonosor sreyl Babilonia, 'ix cot yet' smasnil eb' soldado, yet' eb' cotnc 'a smasnil nacion̈ 'aych 'a yaln̈ schecnb'il winac. 'Ix wul ya'nc eb' owl 'a Jerusalén yet' 'a jun tzo'n̈ xo eb' chon̈b' 'ayc' 'a sla'nil. A yic cha, 'ix yaln Jehová 'ayn an Jeremías in tic 'ixtic:

Jeremías 37:4

A 'a yic cha, mantzac in 'ajx 'och 'a preso, yuj cha, libre to in b'eyc' 'a scal eb' chon̈ab'.

Jeremías 38:13

Xlajw cha, xya'n 'ejm ewin ch'an̈ lasu cha, yamb'il can sn̈i ch'an̈ yuj ewinac, in sto'n q'uet ewin yet' ch'an̈. Xlajw cha, axta in cancn 'a 'amac', 'a 'aj 'ayc' eb' tztan̈wni despacho.

A Ch'an̈ Schab'il Libro Yic Yab'ixal Eb' Rey 25:1

Ax 'a yic slajn̈il xo c'u yic slajn̈il 'uj 'a yic sb'aln̈il ab'il xo yoch Sedequías reyal, 'ix jaw rey Nabucodonosor yet' smasnil soldado yac' owl 'a Jerusalén. 'Ix 'och oyn eb' 'a spatquil, sb'on chan̈ eb' scamplamento 'a yojltac chon̈b' cha, sb'on pax chan̈ eb' sb'achte 'a spatquil smuroal.

Jeremías 37:15

Caw xcot yowl ewin 'ayin, xin ya'n ma'xoc ewinac, xin ya'n ewin 'ajxoc 'och 'a preso 'a yatut Jonatán, win 'ajtz'ib'. A yatut win cha, a x'och presoal yuj ewinac.