Jeremías 32:10 - Chuj San Sebastian Bible

¹⁰ 'Ix in tz'ib'n can jun trato chi 'a jun u'un̈, xya'n eb' testigo sfirma 'a 'a; xin macn cani, 'ix wa'n can 'och seyoal.

Chuj San Mateo Bible

¹⁰ Ix in tz'ib'ancan jun trato chi', ix in macancan yed' in sello d'a yichan̈ eb' testigo.

Jeremías 32:10 Referans Kwoze

Jeremías 32:44

A yic 'oj smannc eb', ax sb'on can eb' yun̈al, 'oj ya'cn 'och eb' seyo, yet' pax sfirma eb' testigo 'a 'a. 'Ixta wal 'oj ujc 'a yol yic lum slum Benjamín, yet' pax 'a jun tzo'n̈ aldea 'ay 'a spatquil 'el Jerusalén, yet' pax 'a jun tzo'n̈ xo chon̈b' 'ay 'a yol yic Judá 'a lum jolmctac witz, yet' 'a lum niwc pan̈n 'a'lic, yet' 'a yol yic Négueb. An Jehová in, an tzwala, to 'oj wi'x q'ue'ch eb' in chon̈b' tic jun 'ejm xo, xchi Dios.

Jeremías 32:12

Wal 'a sat wican Hanamel cha, yet' 'a sat eb' testigo 'ix 'a'n sfirma 'a ch'an̈ yun̈al trato cha, yet' pax 'a sat smasnil eb' wit chon̈b' wocn 'ec' wet'oc, 'ix wa'n ch'an̈ schab'l 'a Baruc, atn win yunnal Nerías yixchicn Maasías.

Jeremías 32:25

Mamin Jehová, wach'xam 'oj 'ejmc jun chon̈b' tic yuj eb' caldeo, palta wojtac to ach 'ix ala, yuj cha, xin mann lu'um, sat wal eb' testigo xin tojni, xin chi 'a in lesal.

Is 44:5

A 'a scal eb' chuc chon̈b'al, ata 'ay eb' 'oj alnc 'ixtic: An tic yic in Jehová, 'oj xchioc, ax junc xo 'oj alnoc chajtlto yin̈tl can Jacob. 'Ay pax junc 'oj yac' tz'ib'xoc 'och 'a sc'ab' 'ixtic: Yic in n̈ej Jehová, 'oj xchioc, ax ya'n 'och sb'i Israel sjolmoc sb'i, xchi Dios.

Job 14:17

'Oj ac' sat a c'ojl a in maysch'olnilal cha, ax a sucn sat in mul.

Dt 32:34

Tzyaln Jehová: Smasnil jun tzo'n̈ smaysch'olnilal eb' 'ajc'ojl cha, nann̈ej wu'uj, ton̈j molb'il wuj 'icha tas 'ay 'a yol junc c'un̈a.

Apoc 9:4

'Ix alx 'a e no', to matz lajl e no te te 'a yolyib'n̈q'uinal. Toxn may junc te te tztac' yixtn e no'. Cojxn eb' 'anma 'aj may seyo Dios 'a snan̈l sat, cojxn eb' 'aj tztac' schiwj e no'.

Apoc 7:2

Xwiln paxi, 'ay junx ángel xcot 'a stojlal 'aj tzq'uel c'u. 'Ay jun seyo yet'i, atn jun yic Dios pitzan. Caw 'ip 'ix 'awj 'a chan̈wn̈ eb' ángel cha. Atn eb' chan̈wn̈ chi 'ac'b'il spoder yixtn tas 'ay 'a sat lu'um, yet' tas 'ay 'a a mar, 'ix yaln 'a eb' 'ixtic:

Ef 4:30

Caw man̈ eyac' cus Yespíritu Dios 'aych 'ayx junjn ex. Yujto a x'ajx 'och 'a qui pixn junjn on̈ec, 'icha tz'aj yajx 'och junc seyo 'a junc tas. Yu'uj, cojquec to yic on̈c xo Dios, masnto 'oj jawc junc c'u yic 'oj qui wach' chac qui colnb'ilec.

Ef 1:13

Ax xo paxi, yic eyab'n jun 'ab'x caw yel, atn yab'xil qui colnb'il, eya'n 'och e c'ojl 'a Cristo quet' on̈. Yuj cha, junxn̈ej ex 'aj yet'oc. 'Ix 'och Yespíritu Dios 'a e pixan, 'icha tz'aj yajx 'och junc seyo 'a junc tas. Yuj cha, chequel, to yic ex xo Dios. Yujto ya'jnac can Dios sti', to tzya' cot 'ayn̈ec.

2 Co 1:22

A 'a'jnacx 'och jun seyo 'ayn̈ec, atn Yespíritu ya'jnac 'a qui pixn junjn on̈ec. A Yespíritu tic tzch'oxn 'ayn̈ec, to caw yel 'oj qui chac jantcn̈ej jun tzo'n̈ tas 'aj ya'jnac sti 'ayn̈ec.

Jn 6:27

Man̈oc 'a jun tzo'n̈ tas tzqui c'uxu, man̈oc tzeya'ch e nab'en e sayn 'eq'ui, yujto ton̈j 'e'lb'a yec' jun tzo'n̈ cha. 'Ayt wal junx tas 'icha to tzqui c'uxu, palta may b'a'n̈ tzlajwi. 'Ay yopiso jun chi ya'n e q'uinl 'a jun 'ejmn̈ej. Yuj cha, a 'a jun chi tzeya'ch e nab'en e sayn 'eq'ui. An 'oj wac' jun chi 'ayex, yujto 'Ochnc in 'Anma'il. A qui Mam Dios 'a'jnac spoder 'ayin, xchi Jesús 'a eb'.

Jn 3:33

Toto 'ay eb' tzchan 'ab'nc 'a 'a, tzyac' testigoal sb'a eb' yu'uj, chajtlto caw yel tzyal Dios.

Dn 8:26

A tas 'ix el 'a xajmb'al tz'ajx 'a yic yemc'ual yet' 'a yic sq'uin̈b'ial, tic wal xalx ab'i', tas tzyal 'el'chi. A jun cha, yowlal 'oj 'el'choc. Can cab' n̈ej jun tic 'a a nab'en, may cab' junc mach 'aj tzala yujto a yic caw niwn xo tiempo tox 'ix 'eq'ui, 'ixta to b'i'an, ax yel'ch jun tzo'n̈ tic, xchi Gabriel 'ayin.

Is 30:8

'Ix yaln Dios 'ayn 'ixtic: A ticnec, tz'ib'j can 'a yojl junc u'un̈, yuj smasnil tas wan waln 'aych tic, sec tzcan 'ab'xil 'a eb' et chon̈b' tic 'a smasnil tiempo.

Cantares 8:6

Comnoc matz chaj a c'ojl tas tzyal junc xo 'ix 'ix, cojn cab' wic tzchaj a c'ojol. May cab' junc xo mach tza la'coti, cojn in cab' tzin a la'coti. A qui chamc'ojlal 'ayn̈ junjn on̈, 'ay cab' yip 'icha chamel. 'Icha yet'l eb' chamnac, matz yactj 'el tas yamb'il yu'uj, 'ixta cab' qui chamc'ojlal tic, lajn cab' 'icha te stzac'ac' caw ow sn̈ilchji.

Josué 18:9

'Ix 'at ewin pojm lum cha, 'ix 'ec' eb' yil smasnil lu'um. Uc c'aj xyutj eb' spojn lu'um, stz'ib'n eb' sb'i jun tzo'n̈ chon̈b' 'ay 'a junjn c'aj lu'um. Xlajw cha, xmeltzj eb' 'a camplamento 'a Silo, 'a 'aj 'aycn Josué.

Mt 27:66

Yuj cha, xyi'n 'at ewin eb' soldado cha, stan̈wni ewin q'uen olb'il q'uen cha. 'Ix ya'n 'och ewin jun seyo 'a smac q'ue'en. Ax eb' soldado cha, 'ix can eb' stan̈woc.

Gn 23:16

'Ix schaj sc'ojl win Abraham sjeln stojl lum lum cha, 'icha xyutj win yaln 'a sat smasnil ewin hitita cha. 'Ix yechtan Abraham chan̈e ciente q'uen tumn plata cha, lajn x'aj yal-l q'uen 'icha yic eb' chon̈wjum.

Gn 23:20

'Ixta xyutj schon̈n can 'at eb' hitita lum slum yet' q'uen olb'il q'uen 'a win Abraham yic tz'ochcn scampusanoc yet' eb' yin̈til.

Rt 4:1

Ax yic 'ix sacb'i, 'ix 'at 'em chotn win Booz 'a sti spuertail chon̈b' 'aj tzyam sb'a eb' 'anma'. Jab'nant cha, 'ix jaw win 'ayt yuj sb'a yet' win Elimelec, atn jun xyal win Booz 'a 'ix Rut. 'Ix yaln win 'a win 'ixtic: —Cotn̈ 'a tic, 'emn̈ wocan, to 'oj qui paxtin jab'oc, xchi win Booz 'a winac. 'Ix syiclni win scoti, 'ix 'em wocn winac.