Jeremías 31:30 - Chuj San Sebastian Bible

³⁰ Yujto junjn mach, mun 'oj cham yuj smul. A mach 'oj lonc te paj uva, mun a 'oj 'ab'nc spajl te', xchi.

Chuj San Mateo Bible

³⁰ Yujto junjun mach ol cham yuj smul. A mach ol loan te' paj uva chi', munil a ol ab'an spajil te', xchi Jehová.

Jeremías 31:30 Referans Kwoze

Ez 18:20

A mach tz'och smul, a tzchami. A win 'unnab'il, matz tac' scham win yuj smul smam. 'Ixta pax win mamb'il cha, matz tac' scham win yuj smul yunnal. A mach tojl tas tzb'o'o, wach' spac 'oj scha'; ax mach maysch'olnil tas tzb'o'o, maysch'olnil tas 'oj scha sb'a yet'oc.

Is 3:11

'Oltac wal eb' 'anma tu snab'en, a maysch'olnil 'oj scha sb'a eb' yet'oc, a tas sb'ojnac eb', a chi 'oj 'ajxoc spacc 'a eb'.

Gl 6:5

Yujto junjn on̈ec, yowlal 'oj ca'c 'och qui cuenta 'a Dios, a tzyal tas 'ac'b'il 'a yol qui c'ab'.

Ez 18:4

A eb' 'anma', wic eb' smasnil, wic win mamb'il yet' win 'unnab'il, a mach tz'och smul, tojln̈ej schami.

Dt 24:16

Matz tac' yajx 'och chaml 'a yib'n̈ eb' mamb'il, mto eb' nunb'il yuj smul yunnal tz'ochi; an̈jtona', matz tac' yajx 'och chaml 'a yib'n̈ eb' 'unnab'il, yuj smul smam snun. Junjn 'anma', tzcham yuj smul.

Ez 33:18

A mach wach' sb'eyb'al, ax tz'aji tzya'n 'och smul, a jun cha, yowlal tzchami.

Santiago 1:15

Ax 'a yic tzqui b'on jun tzo'n̈ maysch'olnil tzqui nib'j 'och cha, tzwach' 'och qui mul. Ax yic tzwach' juw 'el qui nab'en yuj qui mul cha, yujn̈ej cha, ax qui cham 'a jun 'ejmn̈ej.

Ez 33:13

Q'uinloc a junc mach tojl sb'eyb'al 'aj tzwac' in ti wa'n sq'uinal, tzya'n 'och yipc sc'ojl jun swach' b'eyb'al cha, ax tz'aji, tzya'n 'och smul, man̈x 'a yel'ch jun sb'eyb'al 'a yic yaln̈ cha, tojln̈ej scham yuj smul cha.

Ez 33:8

A yic 'oj walnc 'a junc maysch'olnil snab'en 'ixtic: Wal yel 'oj a cham yuj a mul, 'oj in chic 'a 'a. Toto ach tic, ma'oj al yab'i', to tzyactj can stu b'eyb'al cha, sec tzyil jacx tiempo, a jun cha 'oj cham xon yuj smul cha, palta a schamlil cha, eb'n̈ tzcan wu'uj.

Ez 3:24

Ax Yespíritu Dios x'och 'ayin, 'ix 'och yip woc, in q'uex lin̈an. Xlajw cha, 'ix yaln 'ayn 'ixtic: 'Ixic, 'at macch a b'a 'a yol atut.

A Ch'an̈ Schab'il Libro Yic Yab'ixal Eb' Rey 14:6

Palta ma'ix smil cham yunnal eb' xcham cha, yujto tz'ib'b'il can 'a ch'an̈ libro yic ley Moisés, 'a 'aj tzyal Jehová 'ixtic: A eb' mamb'il, matz tac' smilx cham eb' yuj smul yunnal, an̈jtona', matz tac' pax smilx cham eb' 'unnab'il yuj smul eb' mamb'il, palta junjn mach mun tzcham yuj smul, xchi.

Job 21:20

A eb' maysch'olnil snab'en, smoj wal schan eb' syailal yuj yowl sc'ojl jun Dios tztac' yuj smasnil.