Jeremías 31:3 - Chuj San Sebastian Bible

³ A 'a yaln̈taxi 'ix in ch'ox in b'a 'ayex, 'ix waln 'ixtic: Ex israel, chamc'ojlb'ilx wuj 'a smasnil tiempo, yuj cha, caw tz'o'chn̈ej in c'ojl 'ayex.

Chuj San Mateo Bible

³ A d'a pecataxo in ch'oxnac in b'a d'ayex valannac icha tic: Ex israel xajan ex vuj d'a masanil q'uinal, yuj chi' tz'oc'n̈ej in c'ool d'ayex.

Jeremías 31:3 Referans Kwoze

Salmos 103:17

Palta a schamc'ojlal Jehová, may slajb' 'a 'ayn̈ to yiclum on̈c 'a 'a. A swach'c'ojlal 'ayc'n̈ej 'a yib'n̈ quin̈tlec b'aq'uin̈;

Os 11:4

Xin quetz cot eb' 'ayn 'a chamc'ojlal, 'icha squetzx junc no quelm wacax. Lajn in 'icha junc mach tz'i'n 'el te yugo 'a sjolm junc no wacax, wach' tzyutj ya'n tas tzc'ux no', 'ixta 'ix wutj in b'a 'a eb'.

Dt 33:3

A Jehová caw 'ay schamc'ojlal 'a eb' schon̈ab', a eb' yicxo yaji, 'ayc' eb' 'a yol sc'ab'. A eb' cha, tz'och eb' 'emmquilal 'a 'a, tzyiclni pax eb' schecnb'il.

1 Jn 4:19

'Ay qui chamc'ojlalec 'a Dios ticnec, yujto a on̈ b'ab'l chamc'ojlanec.

2 Ti 1:9

A Dios ya'jnac qui colnb'il. A 'awtjnac on̈ sec on̈ 'och yico'oc. Man̈ yujoc jun tzo'n̈ tas wach' tzqui b'o'o, on̈ colchji, palta yujto 'ixta tznib'j Dios tzon̈ 'aji, yujto junxn̈ej caj yet' Cristo. Yictax mantzac sb'o yolyib'n̈q'uinl tic, toxn 'ayx swach'c'ojlal 'ayon̈.

Ro 8:30

An̈ec sic'b'iln̈ec can 'el yu'uj, 'awtb'iln̈ec pax yu'uj. A tzaln cujec an̈ 'awtb'iln̈ec yu'uj, to wach'n̈ec 'a sat. Tzya'n pax swach'l 'ayn̈ec.

Is 45:17

Ax pax an̈ israel on̈ tic on̈, caw ach 'oj on̈ a colnc 'el 'a jun 'ejmn̈ej on̈, man̈x 'a cab' b'a'n̈ 'oj quijx 'ejm on̈, man̈x 'a pax cab' b'a'n̈ 'oj qui q'uixw can pax 'el on̈.

Malaquías 1:2

A Jehová a tzaln 'ixtc 'a chon̈b' Israel: An tic, caw tzex in chamc'ojlej. Palta ax xo tic', 'in 'ixtc wal tzeyutj ta'wc e b'a 'ayin: ¿Tas wal tzcutj cojcan 'eli, toto tzon̈ a chamc'ojlej? xe chi. An Jehová in, an tzwal 'ixtc 'ayex: Wach'xam yu'tac sb'a Esaú yet' Jacob, palta an xin chamc'ojlej Jacob,

Dt 10:15

Yujto a Jehová caw wal 'ay schamc'ojlal 'a eb' qui mam quichmec, yuj cha, si'n can 'el yin̈tl eb', an̈ec ton tic sic'b'iln̈ec 'elt yuj 'a scal jun tzo'n̈ xo chon̈ab', 'icha ton tas wan quilnec tic.

A Sb'ab'el Carta San Pedro 1:3

Calc wach' paxti 'a Dios, atn 'a Smam Cajlil Jesucristo, yujto caw x'o'ch sc'ojl 'ayn̈ec. On̈ ya'nec 'aljoc pax 'a scha'ejmal, yujn̈ej to pitzwnac pax Jesucristo 'a scal eb' chamnac. Yuj cha, caw tzca'c 'och yipc qui c'ojol, to a 'oj 'a'nc qui q'uinlec.

Cantares 1:4

'Ij in 'at 'a atut ach rey, c'olep, con̈ muc'uc, xchi 'ix. Caw 'oj cac' tzaljoc qui c'ojl et'oc; 'oj qui na cot a chamc'ojlal cha, yujto 'ec'b'al swach'l 'a yib'n̈ te yal uva. 'Into yuj cha, tzach snib'n eb' 'ix 'ix tic, xchi eb'.

Os 11:1

'Ix yaln pax Dios 'ixtic: A yic 'icha to caw 'unn to jun chon̈b' Israel tic, caw 'ay in chamc'ojlal 'a 'a, 'icha to wunnal yaji. A 'a Egipto, atta 'ix wawtj coti.

Dt 33:26

Ex 'aj Jesurún, may xon junc mach tztac' slajb'tzan sb'a yet' qui Diosalec, yujto ata tz'ec' 'a yib'n̈ 'asun, caw 'ay smay yic tzjaw colwjoc quet'ec.

Dt 4:37

A eb' qui mam quichmec 'a pecti', caw chamc'ojlb'il eb' yu'uj. Yuj cha, on̈ si'nec 'elt an̈ec yin̈tl on̈ec eb' tic, on̈ scolnec pax 'elt 'a Egipto yet' spoder.

Santiago 1:18

On̈ laj yac' 'aljoc 'a scha'ejmal yet' spaxti caw yel, yujto 'ixta x'el 'a sc'ojol. 'Ixta tzon̈ yutjec, sec wach' yel xo wal xajn on̈c yuj 'a yib'n̈ smasnil jun tzo'n̈ xo tas b'ob'il yu'uj.

Salmos 25:6

Mamin Jehová, na cot a chamc'ojlal yet' a wach'c'ojlal 'ayin, atn jun tox xa ch'ox 'ilxoc.

A Ch'an̈ B'ab'el Libro Yic Yab'ixal Eb' Rey 10:9

¡Alx cab' wach' paxti 'a Jehová a Diosal, yujto schaj sc'ojl ach ya'n 'och reyl 'a chon̈b' Israel tic! ¡Yujto caw 'ay schamc'ojlal Jehová 'a Israel, yuj cha, ach ya'ch reyal, yic tza'n yajlil wal 'a caw stojlal yet' 'a swach'il! xchi 'ix.

Is 43:4

A eb' 'anma 'a jun tzo'n̈ xo nacion̈, a eb' xwa'ch e jeloc sec tzex colchji. Yujto caw nan ex n̈ej, caw niwn pax eyel'ch wu'uj, caw tzex in chamc'ojlej.

Is 49:14

Tzyaln eb' 'aj Sión 'ixtic: On̈ 'actxec can yuj Jehová, 'ix sat sc'ojl Dios 'ayn̈ec, xchi eb'.