Jeremías 31:21 - Chuj San Sebastian Bible

²¹ Ex israel, si'mb'il tzeyilcn jun b'e 'aj tzex 'ati, sec a 'a jun b'e chi 'oj e cotxi, yic 'oj e meltzj pax 'a jun tzo'n̈ e chon̈b' 'ix eyactj can tic. ¡Meltzjan̈c ex chon̈b' israel! ¡Caw meltzjan̈c 'a jun tzo'n̈ e chon̈ab'!

Chuj San Mateo Bible

²¹ Ex aj Israel, sic'lab'il tzeyilcan jun b'e b'aj tzex b'ati, yujto an̈eja' d'a jun b'e chi' ol ex meltzajxoc yic tzex jax d'a e chon̈ab' ol eyactejcan tic. Meltzajan̈ec ex chon̈ab' Israel. Meltzajan̈ec d'a juntzan̈ e chon̈ab'.

Jeremías 31:21 Referans Kwoze

Jeremías 50:5

'Oj sc'anb'c 'ec' eb' jun b'e tzc'och 'a Sión, axta 'oj 'at eb', ax yaln eb' 'ixtic: Meltzjcoyc 'a Jehová. Junxn̈ej tzon̈ 'ajc yet'oc, qui b'oc junc qui trato yet' 'a jun 'ejmn̈ej, man̈x 'a b'a'n̈ tz'at satc'ojlal cujec, 'oj schic eb'.

Is 62:10

Ex 'aj Jerusalén, 'eln̈ect 'a sti spuertail e chon̈ab', tze b'on sb'e eb' eyit chon̈b' 'aj 'oj jawc paxi. Caw wach' tzeyutj eya'n pan̈nb'oc lum ch'olctac. Tze si'n 'el eb' q'uen q'uen 'a yol b'e cha, caw mesmni tzeyutej. Tzlajw cha, tzeya'n q'ue e bandera yil jun tzo'n̈ xo nacion̈.

Is 48:20

A Jehová a tzaln 'ixtic: 'Eln̈ect 'a Babilonia, 'eln̈ect 'a scal eb' caldeo cha. Alc 'el yab'xil jun tic yet' 'aw yic tzaljc'ojlal, 'a'c 'ojcaxc 'eli, masnto 'a 'aj tzlajw c'och lum lu'um. Alc 'ixtic: A Jehová a 'on̈ 'a'nec 'el 'a libre an̈ yin̈tl on̈c Jacob tic, atn jun schecab', xe chi.

Hageo 1:5

An tzwal 'ayex, tzam e yil cot e b'a tas wan eyaji.

Ez 40:4

'Ix jaw jun winc chi 'ayin, 'ix yaln 'ayn 'ixtic: Ach 'anma', tzcham wal 'a maclni tas 'oj wal 'ayach, yet' tas 'oj in ch'ox ela'. A Dios ach 'i'n cot 'a tic yic tzin ch'oxn el jun tzo'n̈ tic, tzlajw elni, ax aln yab' eb' et israelal smasnil tas 'oj el tic, xchi 'ayin.

Jeremías 51:50

Tzyal Jehová 'a eb' israel 'ayc' 'a Babilonia: A machx 'oj eyac' ganar e yel 'a jun chaml 'oj ujc cha, 'ixquec 'eloc. Man̈ ex cancn ta'. Wach'xam najt 'aycn e lu'um, palta 'a'c 'och wal e nab'en 'ayn an Jehová in tic, nac cot pax Jerusalén.

Jeremías 31:4

'Oj ex wi' chan̈ jun 'ejm xo. 'Oj e b'atj chan̈ pax yuj tzaljc'ojlal jun 'ejm xo yet' e pandereta.

Jeremías 3:14

'Ix yaln pax Jehová 'ixtic: Ex in chon̈b' to caw tenmtac, meltzjan̈c cot 'ayn an e Yajlil in tic. Junjn ex, 'oj ex wi' cot 'a junjn chon̈ab'. Chatcwan̈il 'oj ex wutc ex wi'n cot 'a junjn macn̈ 'in̈tal. 'Ixta 'oj ex wutc wi'n meltzjoc 'a Sión.

Is 57:14

'Oj 'ab'xoc yaln Dios 'ixtic: B'oc junc b'e, caw pan̈n tzeyutej, 'ijec 'el tas 'ay 'ejm 'a yol b'e cha, sec wach' 'oj 'ec' eb' in chon̈b' tic, xchi.

Salmos 84:5

Caw wach' yic eb' to yipc'ojlal aj yu'uj, atn eb' tznib'j tzc'och yil q'uin̈ 'a lum tzaln Sión 'aj tz'och 'emmquilal 'ayach.

Zacarías 10:9

Wa'jnac sactzic can 'at eb' 'a scal jun tzo'n̈ nacion̈. Wach'xam najt 'ay eb', palta 'oj in sna cot eb'. 'Ay wal jun c'ual 'oj meltzjc paxt eb' yet' yunnal.

Jeremías 51:6

'Ixquec 'elc 'a Babilonia tic, sec ma'oj eyamchj c'och e cham yuj smul eb'. Atn wal yorail tic in pacn 'a eb' 'a 'icha wal tas smoj schan eb'.

Pr 24:32

A yic xwiln jun tic, 'ix in moln can 'a in nab'en; 'ix 'och wal cuynb'ilal 'ayin.

Salmos 62:10

A mach tzyac' ganar tumn 'a spatc maysch'olnil mto yuj 'elc'al, caw matz tac' ya'n 'och jun chi yipc sc'ojol. Toto tzq'ue'ch yet' tas 'ay 'a 'a, matz tac' ya'n 'och sricoal chi yipc sc'ojol.

2 Cr 20:3

Xlajw cha, 'ix yecn xiw sb'a Josafat, caw 'emmquil 'ix yutj yaln sb'a 'a Jehová. 'Ix ya'n alxc 'a smasnil eb' 'anma 'a yol yic Judá to tz'och eb' 'a c'ajb'c'ojlal.

2 Cr 11:16

Ax pax jun tzo'n̈ xo eb' caw yel 'aych wal 'a snab'en yaln sb'a 'a Jehová sDiosal smam yicham, 'ix 'och tza'n eb' yuj eb' levita, 'ix jaw eb' 'a Jerusalén yic tzya'n eb' xajmb'al 'a 'a.

1 Cr 29:3

An̈jtona', yujn̈ej pax to 'ay in niwquil chamc'ojlal 'a yatut in Diosal cha, yuj cha, tzin siyj q'uen oro, q'uen plata to mun wico', an̈jtona', 'ix in yamb'tzej can smasnil tas 'oj c'anxc 'a yatut qui Diosal cha.

Dt 32:46

Xyaln 'a eb' yit chon̈b' chi 'ixtic: Nac wal si'mb'il 'a yib'n̈ smasnil jun tzo'n̈ xwalcn 'ayx tic, cuyc eb' eyunnal, sec tzb'eylb'ej eb' smasnil jun ley tic.

Jeremías 6:16

'Ix yal Jehová 'a eb' schon̈b' 'ixtic: 'Ochn̈ec wan lin̈n 'a 'aj tzchaj sb'a jun tzo'n̈ b'e, tze maclni eyila'. Tze c'anb'n 'ec' jun tzo'n̈ 'ichm b'e yet' 'ajtil 'ay b'e wach'. A 'a yol jun b'e caw wach' cha, ata tzex 'ati, sec wach' 'oj eyilji, xin chi. Palta 'ix eyaln 'ixtic: Ma'ay, matz qui nib'j tzo'n̈ 'at ta 'on̈, xe chi.

Jeremías 46:11

Ex cob's 'aj Egipto, 'ixquec sayj remel 'a Galaad. Wach'xam til wal remel 'oj e c'ana', palta man̈x 'a yopiso, yujto man̈x 'a junc remel 'oj stac' scoln 'el e chon̈ab'.

Jeremías 3:12

Ach Jeremías, 'ixic, 'at alcn 'el jun tzo'n̈ paxti tic 'a eb' et israelal. Ata tzach 'at q'ueln 'a stojlal norte, tzaln 'a eb' 'ixtic: A Jehová, a tzaln 'ixtc 'ayex: ¡Ex israel to caw tenmtac, meltzjan̈c cot 'ayin! An Jehová in, an tzwala, to man̈ owloc 'oj wutc ex in chani, man̈ smasnilc tiempo 'ay cot wowl 'ayex, yujto caw wal 'ay in chamc'ojlal.