Jeremías 30:20 - Chuj San Sebastian Bible

²⁰ Ax israel ex tic, 'icha xon wal eyaj 'a yic yaln̈taxi, 'ixta wal 'oj eyaj jun 'ejm xo. Caw wal 'ay yip 'oj 'ajx can jun e chon̈b' chi 'a wojltac, ax wa'n 'och yailal 'a yib'n̈ smasnil eb' tzex 'ixtni.

Chuj San Mateo Bible

²⁰ A ex israel ex tic, icha eyaj d'a peca', icha chi' ol ex ajxoc. Tec'an ol ex ajxoc d'a vichan̈. Ol vac'och syaelal eb' ix ex ixtani.

Jeremías 30:20 Referans Kwoze

Jeremías 32:39

Junxn̈ej 'oj 'aj snab'en eb' wu'uj, jun lajnxoj 'oj yutc eb' in ya'n servil 'a smasnil tiempo, yic tz'och swach'loc eb', yet' swach'loc yin̈tl eb'.

Jeremías 2:3

A yic cha, wic eyaj ax israel ex tic, 'icha wal sb'ab'l sat 'awb'en. An Jehová in, an tzwala, to a smasnil eb' ex 'ixtni, x'och smul eb', xwa' cot yailal 'a yib'n̈ eb', xchi Dios, xa chi 'a eb', xchi 'ayin.

Is 51:22

A Jehová Cajlil qui Diosalec, qui colmalec a tzaln 'ixtic: 'Oj wi'x 'ec' yechl yowl in c'ojl 'a yol e c'ab', atn jun 'icha to tzex 'och 'u'm 'an̈l yu'uj, man̈x b'a'n̈ 'oj eyab' syal yu'uj.

Is 49:26

A eb' tzach 'ixtn cha, an 'oj wac' schilac sb'a eb', ax yu'lan eb' schiq'uil. 'Oj q'ue 'a sjolm eb' 'icha te 'an̈. 'Ixta to b'i'an, ax yojcan 'el smasnil 'anma', to an ton Jehová a colmal waji. An tzach wa'l 'a libre, sDiosal in Jacob, tztac' wuj smasnil, xchi Dios.

Salmos 102:28

A eb' cunnal an̈ a checb' on̈ tic on̈, 'oj a tan̈wc eb' b'aq'uin̈. Yuj a colwal 'a eb', yuj cha, may tas 'oj 'i'nc eb' 'a ojltac.

Salmos 102:18

Tz'ib'x cab' can jun tzo'n̈ tic 'a ch'an̈ libro, sec a eb' 'unn tot 'oj 'aljoc, 'oj yal eb' swach' paxti 'ayach.

Jeremías 30:16

A wal smasnil eb' ex nib'n satnc 'eli, caw 'oj satxoc 'el eb'. Smasnil eb' 'ajc'ojl yajch 'ayex, 'oj 'ijxoc 'at eb' 'icha presoal. A eb' ex 'ixtni, 'oj 'ixtxoc pax eb', a eb' 'el'jnac 'at tas 'ayex, 'oj 'el'xoc 'at tas 'ay 'a eb'.

Is 54:14

A tojlal, a chi 'oj yic' yip 'a scal eb', 'oj colchjoc can 'el eb' 'a yol sc'ab' eb' 'anma tz'ixtn eb', 'oj 'el jun xiwc'ojlal chi 'a scal eb', man̈x 'a tas 'oj xib'tnoc eb'.

Zacarías 8:5

A scayeal jun chon̈b' cha, caw wal 'oj b'ut'joc 'el yuj eb' winc 'unin, yet' eb' 'ix 'unn 'oj laj tajnc ta'.

Zacarías 10:8

'Oj wawtc cot eb', ax wa'n syam sb'a eb', yujto colchjnacx eb' wu'uj. Caw 'oj niwtjoc pax chan̈ sb'isl eb' jun 'ejm xo, 'icha 'ajnc eb' 'a yic pecti'.

Lm 5:21

Mamin Jehová, 'ij on̈ meltzjoc pax 'aych jun 'ejm xo on̈, caw tzqui nib'j tzon̈ meltzj paxi. Comnoc wach' tz'ec' cuj jun 'ejm xo, 'icha xon caj 'a yic yaln̈tax on̈.

Zacarías 10:6

An 'oj wac' ste'nal eb' yin̈tl Judá, ax wa'n colchjoc 'el eb' yin̈tl José. 'Oj wi'x meltzjc eb' 'a schon̈b' jun 'ejm xo, yujto caw tz'o'ch in c'ojl 'a eb', ax scanxcan eb' 'icha xon yaji, 'icha to may 'aj xwijl eb' 'a in c'ojol. An ton Jehová sDiosal in eb', tzwab'n̈j slesl eb'.