Jeremías 30:17 - Chuj San Sebastian Bible

¹⁷ Wach'xam tzyal eb' 'ajc'ojl 'a e patc 'ixtic: A Sión tox 'ix 'actx cani, toc 'ayt mach tz'och 'il yu'uj, 'oj xchic eb'. Palta an Jehová in, an tzwala, 'oj wac' b'oxc e c'ojl jun 'ejm xo, 'oj wan̈t tas lajwnac 'ayx cha, xchi Dios.

Chuj San Mateo Bible

¹⁷ Vach'chom a eb' eyajc'ool chi' syal eb' d'a e patictac icha tic: A Sion toxo ix actajcani, man̈xalaj mach tz'oc' sc'ol yuuj, xchi eb'. Palta a in Jehová in svala' to ol vac' b'oxoc e c'ool, ol van̈tej eyechen chi'.

Jeremías 30:17 Referans Kwoze

Salmos 107:20

Xyalni to tzb'ox sc'ojl eb', yuj cha 'ix jaw sc'ojl eb'; scoln 'elt eb' 'a yol sc'ab' chamel.

Jeremías 33:6

Palta 'ay jun c'ual to 'oj wan̈tc pax eb', ax wa'n stzatzl eb' jun 'ejm xo. 'Oj wac' 'aj cajn eb' 'a junc'ojlal, man̈x 'a tas 'oj 'i'nc eb'.

A Sb'ab'el Carta San Pedro 2:24

A Cristo 'ix cuchn can qui mulc yet' sniwnal, yic x'och 'a spenc te culus, sec wach' man̈x 'a yaln maysch'olnil yic 'ayn̈ec, 'icha to chamnc on̈c 'a 'a. 'Ixta on̈ yutjec, sec caw wach'n̈j tzcutjec qui b'eyb'al. Caw xyab' syal cujec, sec tzon̈ colchjec can 'el yu'uj.

Salmos 103:3

Yujto tzyac' niwnc'ojlal smasnil in mul, tzya'n b'oxc in c'ojol yic 'ay in yailal.

Ex 15:26

'Ix yaln Jehová 'a eb' 'ixtic: Toto tzeyiclj tas 'oj wal an Jehová e Diosal in tic, ax eyiclni tas 'oj yal in checnb'il yet' smasnil in ley, toto 'ixta', ma'oj wa' cot yab'il 'a eyib'an̈, 'icha 'ix wutj wa'n cot 'a yib'n̈ eb' 'aj Egipto, yujto an Jehová in tic, an 'oj ex wan̈toc, xchi 'a Moisés.

Salmos 23:3

Ach tza'x wip. Tzin e'n b'ey pax 'a jun b'e caw tojol, 'icha wal yaj aln cani.

Os 6:1

'Oj cob' yal eb' 'anma chi 'ixtic: Cotn̈ec e masnil, meltzj coyc pax 'a Jehová. A 'on̈ cotc ch'iychtanec 'ati, palta 'oj ya'x b'oxc qui c'ojlec, on̈ ya'c lajwoc, palta a pax 'oj can̈tnec.

Malaquías 4:2

Palta ax xo pax to 'ay wel'ch 'a e sat, 'icha wal sq'uel c'u 'a sq'uin̈b'ial, 'ixta 'oj wutj in ch'oxn in colwal 'ayex. Yuj cha, 'oj e tzalj jun 'ejm xo. Caw 'oj e b'atj chan̈ yuj tzaljc'ojlal, 'icha tzyac' junc no quelm wacx tzat 'elt 'a yet'l 'aj macan.

Ez 34:16

'Oj in sayc' eb' satnc can 'ati, ax in molb'tzan eb' sactzicnac yajcn 'at cha, 'oj wan̈tc eb' lajwnac, eb' wecchil, ax wa'n yip eb' may yip, palta 'oj in satl eb' yajl yaj 'a scal eb', atn eb' tzlaj 'ixtn eb' in chon̈ab'. Caw wach' 'oj wutc in tan̈wni eb' in chon̈b' cha.

Apoc 22:2

A 'a snan̈l jun scayeal jun chon̈b' chi tz'at a'. Ax 'a junjn stitc a', ata 'ay te te tz'a'n qui q'uinlec 'a jun 'ejmn̈ej. A te te cha, lajchw 'ejm tzsatn 'a junjn ab'il. Junjn 'uj tzsatni. Ax xil te', a tz'a'n b'oxc sc'ojl eb' 'anma 'a junjn nacion̈.

Is 30:26

A yoc 'uj, lajn 'oj 'aj 'icha yowl yoc c'u, ax yoc c'u, uc 'ejm 'oj 'aj yowb' sacq'uinlal, 'icha wal sacq'uinlal uque'oc c'u to yamn yaji, 'ixta wal 'oj 'aj jun c'u cha. Atn wal 'a yic jun c'ul cha, ata 'oj yan̈tc Jehová eb' schon̈ab', ax spichn tas lajwnac 'a eb' yu'uj.

Jeremías 30:13

Man̈x 'a mach 'oj e nani, may mach 'oj 'an̈tnoc tas lajwnac 'ayx cha, man̈x 'a sremelal jun eyailal cha.

Jeremías 8:22

¿Man̈x am wal sb'omb'il 'a lum Galaad? ¿May am wal junc mach tztac' yan̈tn ta'? ¿Tas wal yuj matz tac' yan̈tx eb' wit chon̈b' tic?

Jeremías 3:22

Ex 'anma to caw tenmtac, cotn̈ec pax 'ayin, 'oj in b'o jun e nab'en caw tenmtac cha, xchi Dios. 'Ix ta'w eb' israel 'ixtic: Caj on̈, tzca'ch qui b'a 'a yol a c'ab' on̈, yujto ach tic, Jehová qui Diosal ach on̈.

Salmos 12:5

Mamin Jehová, ach tzal 'ixtic: Caw tz'ixtx eb' may jac tas tztac' yu'uj, a eb' meb'a', caw tz'el yaw eb' yab'n syail. Yuj cha, yowlal 'oj in colwj 'a eb' to tznib'n in colwal, xa chi.

Is 11:12

'Oj q'ue junc bandera tzch'oxni, chajtlto a tzmolb'tzan paxt eb' israel 'aycn 'at 'icha presoal 'a jun tzo'n̈ xo nacion̈. An̈jtona eb' 'aj Judá 'oj smolb'tzoc paxt eb' 'aycn 'at 'a smasnil yolyib'n̈q'uinl tic.

Jeremías 33:24

¿Tom matz nachj 'el o'oj, tas tzyal eb' 'anma'? Tzyal eb' chajtlto xin patquilj can 'el chab' 'in̈tal eb' 'anma tic sic'b'il 'el wu'uj, atn eb' 'aj Israel yet' eb' 'aj Judá. Yuj cha, man̈x 'a yel'ch eb' in chon̈b' 'a sat eb', man̈x nacion̈oc eb' 'a eb'.

Ez 35:12

An Jehová in tic, 'ix wab' a b'uchwj 'a eb' lum chon̈b' 'ay 'a jolmctac witz yic chon̈b' Israel, 'ix aln cob' 'ixtic: A jun tzo'n̈ lugar tic, xcan eb' 'a sictaquil, yuj cha, ax ticnec 'oj in macc' wico'oc, xa chi.

Ez 36:20

Ax yic xlaj c'och eb' 'a jun tzo'n̈ nacion̈ cha, caw tu xlaj yal eb' 'anma chi 'ayn yuj eb', xlaj yal eb' 'ixtic: 'In to cob' schon̈b' Jehová jun tzo'n̈ 'anma tic, palta ax ticnec, 'ix 'ijx 'el eb' 'a schon̈b' cha, xchi eb'.

Lm 2:15

A yic tz'ilx chon̈b' Jerusalén yuj eb' tzlaj b'ey 'a b'e, tzlaj spo'nc can eb' sc'ab' yu'uj, yic tzb'uchwj can eb' 'a 'a. Tzlaj xulmj eb', tzlaj syucnc eb' sjolom yuj sb'uchn eb', tzlaj yalnc eb' 'ixtic: ¿Am jun chon̈b' tic til wal sb'inax 'a sat lum lum tic, tolab' yel xo wach' yilxi? xchi eb'.

Salmos 142:4

'Ilt nab'n 'a in wach' c'ab', toc 'ay mach 'ayc' wet'oc, yujto may mach 'ojtnac in. May xon mach tzin colni, toc 'ay mach tz'och 'il wu'uj.

Is 33:24

May junc mach cajn 'a Sión chi 'oj alnc 'ixtic: Ya 'ayn an tic, man̈ xchioc. A eb' cajn ta', 'oj 'ajxoc niwnc'ojlal smul eb'.

Is 56:8

An Jehová in, an tzwala to 'oj in molb'tzoc paxt eb' israel 'aycn 'at 'icha presoal 'a jun tzo'n̈ chuc chon̈b'al. 'Oj wi' cot pax jun tzo'n̈ xo 'anma yet' eb' yic junxn̈ej tz'ajcn eb' yet' eb' in chon̈b' 'oj in molb'tzoc cha, xchi Dios.

Is 58:8

Toto 'ixta 'oj eyutc e b'a, yajn̈ej ax scheclj 'el in wach'c'ojlal 'ayex, 'icha tz'aj sq'uin̈lb'i 'a junc xo c'u. Yajn̈ej ax e colchj 'eli. A 'in tojlal, a chi b'ab'l s'at eyu'uj, ax in tzictznial a tza'n 'och eyu'uj.

Is 60:15

Man̈x 'oj e can e ch'ocoj, man̈xtoc chacb'ilx 'eli, palta to 'oj wac' in wach'c'ojlal 'ayx 'a jun 'ejmn̈ej, yuj cha, to 'ayn̈j tzaljc'ojlal 'a smasnil tiempo.

Jeremías 17:14

'Ac' jawc in c'ojl Mamin Jehová, sec tzin b'ox cani. Coln 'eli, sec wach' tzin colchj can pax 'eli, yujto cojn 'aych 'aj tzwal in wach' paxti'.

Os 11:3

'Ixta x'el sb'on eb', wach'xam an xin quetz b'ey eb', palta ma'ix yojquej 'el eb', toto an tzin tan̈wj eb'.

Job 5:18

Toto a tz'a'n lajwc junc mach, a pax tz'an̈tni; toto a tz'a'n 'och syailal junc mach, a pax tz'a'n b'oxc sc'ojol.

Is 54:6

A jun e chon̈b' tic, lajn 'icha junc 'ix cob's 'ix 'actb'il can yuj yichmil, 'aycn 'a cusc'ojlal, 'ixta yajcni. Ax ticnec tz'awtx pax yuj Dios jun 'ejm xo, tzyaln 'a 'ixtic:

Is 57:18

Xcham wal woch q'ueln 'a sb'eyb'al eb', palta 'oj wan̈tc eb', ax wa'n 'iljoc eb'. 'Oj wac' pax stzaljc'ojlal eb' si'mb'il, ax wa'n sniwnal sc'ojl eb' in chon̈b' 'ay scusc'ojlal yuj smul.

Is 57:19

Yuj cha, ax waln 'a eb' 'ixtic: A eb' najt cajn 'eq'ui, yet' eb' la'n yaji, 'ay cab' sjunc'ojlal eb', yujto an wan wan̈tn eb' in chon̈b' tic, 'oj in chioc.

Jeremías 10:20

Tox 'ix lan̈chj 'ejm in mantiado, tox 'ix n̈i'chj smasnil sch'an̈il. Tox in yactj can eb' wunnal, man̈x 'a eb' 'ayc' wet'oc. Man̈x 'a mach tzb'on in mantiado jun 'ejm xo, man̈x 'a pax junc mach tzlich'n q'ue yen̈l wib'an̈.