Jeremías 30:12 - Chuj San Sebastian Bible

¹² Tzyaln pax Jehová 'ixtc 'a eb' schon̈ab': A wal tas lajwnac 'ayx cha, ma'oj stac' yan̈txi, a eyailal cha, caw man̈x 'a sremelal.

Chuj San Mateo Bible

¹² A b'aj ix ex lajvi chi', max yal yan̈taji, a eyaelal man̈xalaj sb'onab'il.

Jeremías 30:12 Referans Kwoze

Jeremías 15:18

¿Tas yuj may b'a'n̈ tz'och wan in yailal 'icha wal junc lajwel may xon tz'aj yan̈txi? ¿Tom 'oj in extc 'icha junc yet'l a 'elmal a tztup cha'an̈? xin chi 'a Dios.

Jeremías 30:15

¿Tas yuj til wal yel eyaw yuj eyailal cha? A eyailal cha, man̈x 'a yan̈il, yujto caw niwn e maysch'olnilal. Caw man̈x b'ischjb'enoc e mul, yuj cha, 'ixta tzex wutej.

Jeremías 14:17

Yuj cha, al jun tzo'n̈ a cusc'ojlal tic 'a eb' chon̈b' chi 'ixtic: Sc'ual, yac'wlil cab' yel yal in sat woq'ui, matz 'och wan xon cab' yeli, yuj wal jun yailal 'ay xo smay xjaw 'a yib'n̈ eb' wit chon̈ab', yuj jun yailal tz'a'n lajwc eb'.

2 Cr 36:16

Palta ton̈j 'ix tzetzx eb' schecb' Dios chi yuj eb', may yel'ch tas 'ix yal eb' chi 'a sat eb', tzb'uchwj pax eb' 'a eb' schecb' Dios cha, masnto xjaw yowl sc'ojl Jehová 'a yib'n̈ schon̈ab', man̈xtzac stac' yoch wa'an.

Ez 37:11

Xlajw cha, xyaln 'ayn 'ixtic: Ach 'anma', a jun tzo'n̈ tacn̈ b'ac 'ix 'el cha, tzyal cot yuj eb' et israelal, yujto tzlaj yal eb' 'ixtic: An̈ec tic, 'icha to tacjnacx qui b'aquil, man̈x 'a tas 'aych yipc qui c'ojol, lajwnacn̈ xo 'eli, xchi eb'.

Jeremías 6:7

A wal 'a Jerusalén chi tzpitzw chan̈ maysch'olnilal, 'icha wal spac' junc a a'. Cojxn 'ixtj 'anma', miljb'a'il. Axn̈ej yab'il yet' lajwel tzwiln̈j 'a scal eb' chon̈ab'.

Lm 2:13

Ex 'aj Jerusalén, ¿mach junc tzex in lajb'tzej yet'oc? Ex 'aj Sión, ¿tas junc ch'oxnb'il tzwac' 'ayex yic tzwa'n sniwnal e c'ojol? Caw wal niwn ex 'aj e satli. ¿Mach to wal junc 'oj 'a'nc b'oxc pax e c'ojol?

Os 5:13

A yic 'oj yilnc eb' yic Efraín to ya xo 'ay eb', ax yiln pax eb' 'aj Judá to lajwnacx eb', yuj cha, ax s'at eb' 'aj chon̈b' Efraín yal sb'a 'a sreyl Asiria, yic tzc'ann eb' scolwal jun rey b'inab'il to jeln ya'n owal. Palta ma'oj stac' scolwj win rey chi 'a eb', ma'oj stac' yan̈tn win tas lajwnac 'a eb'.

Miqueas 1:9

Yujto a tas lajwnac 'a Samaria, man̈x 'oj 'an̈txoc. 'Ix yamchj c'och Judá yuj jun yailal cha, masnto xc'och 'a sti chon̈b' Jerusalén, atn sat yaj 'a in nacion̈ yet' eb' wit chon̈ab'.

Nahúm 3:19

A wal jantc x'aj slajw 'ejm a chon̈b' tic, caw man̈x 'a sb'omb'il. Smasnil tas xjuw 'a 'a, man̈x 'a b'a'n̈ 'oj b'o'oc. A smasnil eb' 'oj 'ab'nc ab'xil yuj tas ach 'aji, caw 'oj spoc' eb' sc'ab' yuj tzaljc'ojal, yujto c'uxn xyab' eb' syal yuj a tu nab'enal, xchi Dios.

Jeremías 8:22

¿Man̈x am wal sb'omb'il 'a lum Galaad? ¿May am wal junc mach tztac' yan̈tn ta'? ¿Tas wal yuj matz tac' yan̈tx eb' wit chon̈b' tic?

Jeremías 14:19

Yuj cha, xwaln 'ixtc 'a 'a: Mamin Jehová, ¿tom wal jun 'ejmn̈ej 'ix ejcan 'el eb' 'anma 'aj Judá 'a a c'ojol? ¿Tom 'ix 'a patquilj can 'el chon̈b' Sión? ¿Tas yuj on̈ ac' lajwoc, yic to man̈x 'a wach' tzon̈ 'aj can̈txi? A calni to tzon̈ q'ue'ch yet' tas 'ay 'ayn̈ on̈, palta may tas wach' 'ix qui cha'aj. 'Ix qui na'a, to wach'n̈j 'oj qui b'ey 'a cojltac on̈, palta cojn tas caw 'ay smay xjaw 'ayn̈ on̈.