Jeremías 29:11 - Chuj San Sebastian Bible

¹¹ Wojtac tas nab'il wuj 'a eyib'an̈. An Jehová in, an tzwala to a tas nab'il wuj cha, man̈ yujoc eyab'n syail, palta yuj e wach'loc, sec ax 'a slajub' ax wa'n tas 'aych yipc e c'ojol.

Chuj San Mateo Bible

¹¹ A in val Jehová in svala', vojtac tas nab'il vuj d'a e patic. A tas nab'il chi' vuuj, man̈ yujoc eyab'an syaelal, palta yuj e vach'iloc yic vach' ay tas tzeyac'och yipoc e c'ol d'a b'aq'uin̈.

Jeremías 29:11 Referans Kwoze

Salmos 33:11

A tas tzna Jehová to tzb'o', jun 'ejmn̈ej to wach' tz'ajcni.

Miqueas 4:12

Palta a jun tzo'n̈ nacion̈ cha, man̈ yojcoc eb' tas nab'il yuj Jehová. Man̈ yojcoc eb' toto 'oj e molb'tzax yu'uj, 'icha wal tz'aj smolb'tzax 'ixm trigo 'a junc 'amac', 'ixta 'oj ex yutoc.

Salmos 40:5

Mamin Jehová ach in Diosal, til wal jun tzo'n̈ tas satjub'tac yilx xa b'o'o, yet' jun tzo'n̈ a nab'en 'ix a nalb'ej cuj on̈. Tzin nib'j tzwal-l jun tzo'n̈ tic, palta matz techj waln 'eli, yujto 'ec'b'al 'a yib'n̈ smasnil tas tztac' walni.

Job 23:13

Toto 'ay tas tznib'j Dios tzb'o'o, toc 'ay mach tztac' stenn 'och wa'an, tzb'on̈j 'icha tas tzna cha.

Lm 3:26

Yel xo wach' sictacn̈ej tzon̈ 'ajc qui tan̈wni, masnto yic tzcolwj Jehová 'ayn̈ec.

Os 3:5

'Oj lajwc cha, ax 'a yic slajb' tiempoal, 'oj yalx sb'a eb' wit israelal 'a Jehová qui Diosal jun 'ejm xo, ax schan pax sc'ojl eb' yoch junc yin̈tl David sreyloc. 'Ixta 'oj yutc yi'n 'ejm sb'a eb' 'a Jehová, ax schan eb' swach'c'ojlal.

Zacarías 1:6

Palta ax in paxti', yet' in checnb'il wa'jnac yal-l eb' in checb' cha, 'ix 'el'ch 'a eb' e mam eyichm cha. Yuj cha, 'ix snan sb'a eb', 'ix yaln eb' 'ixtic: A Jehová tztac' yuj smasnil, tox 'ix ya'ch qui yailal, 'icha wal tas snalb'ej ya'n 'och 'a quib'n̈ec yuj qui tu b'eyb'alec, yet' yuj pax maysch'olnil tzqui b'o'ec, xchi eb', xchi Dios.

Jeremías 23:5

Tzyaln pax Jehová 'ixtic: 'Oj jawc jun c'ual, ax wa'n 'och jun yin̈tl David reyl 'a in chon̈ab'. A jun cha, caw tojl snab'en. 'Oj sb'eyc'ojloc smasnil eb' chon̈b' 'a stojlal.

Jeremías 23:6

A 'a yol stiempoal yic 'oj ya'nc reyl cha, caw 'oj colchjoc can 'el eb' 'aj Judá, yet' pax eb' 'aj Israel, man̈x 'a tas 'oj sna eb'. Atn jun b'i tic 'oj 'ajxoc sb'ioc: A Jehová Tzon̈ B'onyajec 'A Stojlal, 'ixta 'oj sb'ioc, xchi.

Jeremías 30:9

An Jehová in, an 'oj in yac' servil eb', yujto sDiosal in eb', ax ya'w pax servil eb' 'a jun yin̈tl can David, atn jun 'oj wa'ch reyal.

Jeremías 30:10

Ex israel yin̈tl can Jacob, caw man̈ ex xiwoc, yujto in checb' eyaji, 'oj ex in col 'elt yet' eb' eyunnal 'a jun nacion̈ 'ay 'a najt 'aj yamchjnacx 'at 'icha presoal. An Jehová in, an tzwala, to 'oj eyaj cajn jun 'ejm xo 'a junc'ojlal yet' 'a tzaljc'ojlal, man̈x 'a mach 'oj e xib'tni.

Ez 11:16

Yuj cha, al 'a eb' 'ijxnac cot 'icha presoal cha to an tzwal 'ixtic: Wach'xam najt ex in pechcn 'at 'a jun tzo'n̈ nacion̈, sactzicnac ex 'ajcn 'a yolyib'n̈q'uinl tic wu'uj, palta an 'ayn ec' eyet' 'aj 'ayx ec' cha yic tzeyaln e b'a 'ayin.

Zacarías 13:9

A eb' 'oj can cha, 'oj wac' yab' eb' syail yic tz'elcn smaysch'olnilal eb', 'icha tz'aj yel slumal q'uen plata 'a scal c'ac', 'icha pax tz'aj sb'o q'uen oro. 'Oj lajwc cha, ax yaln sb'a eb' 'ayin, ax in ta'w 'a eb'. 'Oj walch eb' in chon̈b'oc, ax yaln eb' 'ixtic: A Jehová, atn qui Diosalec, 'oj xchic eb', xchi Dios.

Salmos 85:9

Caw wal b'ecn sc'ojl Dios scolwj 'a eb' tz'och 'emmquilal 'a 'a, sec 'oj checljoc cha'an̈, to 'ayc' 'a qui calc yet' spoder.

Is 27:4

May wowl 'ay cot 'a 'a. Toto 'ay te q'ui'ix, mto te comn c'ultc tu 'ay 'a scal, tzin satli, tzwa'n tz'a 'a jun 'ejmn̈ej.

Jeremías 24:5

An Jehová in, e Diosal in ax israel ex tic, an tzwala: 'Icha wal jun tzo'n̈ sat higo caw wach' cha, 'ixta yaj eb' 'aj chon̈b' Judá 'a in sat, atn eb' xwa't 'icha presoal 'a Babilonia. Caw wach' 'oj wutc in b'a 'a eb'.

Jeremías 33:6

Palta 'ay jun c'ual to 'oj wan̈tc pax eb', ax wa'n stzatzl eb' jun 'ejm xo. 'Oj wac' 'aj cajn eb' 'a junc'ojlal, man̈x 'a tas 'oj 'i'nc eb'.