Jeremías 27:21 - Chuj San Sebastian Bible

²¹ Yuj cha, 'ix yaln Jehová 'ixtic: 'Ab'c tas tzwal an Jehová in tztac' wuj smasnil, sDiosal in Israel, an tzwal yuj jun tzo'n̈ yamc'ab' xcan to 'a watut cha, yet' pax jun tzo'n̈ xcan 'a sdespacho win sreyl Judá yet' 'a Jerusalén.

Jeremías 27:21 Referans Kwoze

Jeremías 20:5

Smasnil e ricoal 'a yol e chon̈ab', smasnil tas caw chan̈ stojl 'ay 'ayex, yet' pax smasnil sricoal eb' sreyl Judá, 'oj wac' 'a yol sc'ab' eb' 'ajc'ojl cha, ax yi'n 'at eb' 'a Babilonia.

Jeremías 27:22

An Jehová in an tzwala, to 'oj 'ijxoc 'at smasnil 'a Babilonia. Ata 'oj cancn ta', masnto 'a yic 'oj wi'x meltzjoc jun tzo'n̈ chi 'a jun e chon̈b' tic, xchi Dios.

A Ch'an̈ Schab'il Libro Yic Yab'ixal Eb' Rey 20:17

'Oj jawc wal sc'ual, to a smasnil tas 'ay 'a a despacho, jantcn̈ej tas molb'il can yuj eb' a mam echam yet' eco, c'uxn 'oj 'ijxoc 'at smasnil 'a chon̈b' Babilonia.

2 Cr 36:18

An̈jtona', smasnil yamc'ab' yic yatut Dios, niwac yet' scotcal, yet' jantcn̈ej tas 'ay ta', yet' jantcn̈ej tas 'ay 'a yatut win rey, yet' eb' 'aych yajlil yet'oc, c'uxn 'ix yij 'at smasnil 'a Babilonia.

Esdras 1:7

'Ay jun tzo'n̈ yamc'ab' yic yatut Jehová yijnac cot win Nabucodonosor 'a Jerusalén, ax 'a yol yatut sdiosal ya'jnac can 'ochi. A jun tzo'n̈ cha, 'ix ya'x meltzjoc win rey Ciro.

Esdras 1:11

A sb'isl jun tzo'n̈ yamc'ab' oro yet' plata 'ay 5,400 'a smasnil. Smasnil jun tzo'n̈ tic, 'ix yij pax meltzjoc Sesbasar yic 'ix 'elt 'a Babilonia yet' eb' ajun yet'oc, 'ix c'ochx eb' 'a Jerusalén.

Is 39:6

'Oj jawc wal sc'ual, to a smasnil tas 'ay 'a a despacho, jantcn̈ej tas molb'il can yuj eb' a mam echam yet' eco', c'uxn 'oj 'ijxoc 'at smasnil 'a chon̈b' Babilonia.

Lm 1:10

A eb' 'ajc'ojl yajch 'a Jerusalén, tox 'ix yij 'ec' eb' smasnil sricoal jun chon̈b' tic. 'Ix yiln pax eb' 'anma yoch eb' 'ajc'ojl chi 'a yol scajnub' Dios, atn jun tzo'n̈ 'anma yaljnac Dios to matz tac' yochi.