Jeremías 26:2 - Chuj San Sebastian Bible

² 'Ix yaln 'ixtic: Ata tzach 'aj lin̈n 'a yamq'uil watut, tzlajw cha, tzaln smasnil tas tzwac' al 'a smasnil eb' 'anma tzcot 'a Judá, yic tzwul ya'nc 'ejm sb'a eb' 'a watut an Jehová in. May junc paxti chi matz ala.

Chuj San Mateo Bible

² Ix yalan icha tic: Ajan̈ tec'tec' d'a yamaq'uil in templo, tzalan masanil tas ix val tic d'ayach d'a eb' aj Judá tzul och ejmelal d'a in templo tic. Malaj junoc lolonel to max ala'.

Jeremías 26:2 Referans Kwoze

Dt 4:2

Man̈ eya'ch stz'acb' jun tzo'n̈ paxti tic, matz tac' pax eyi'n 'el jab'oc. Yowlal 'oj eyiclc jun tzo'n̈ schecnb'il Jehová qui Diosalec, 'icha wal tzwutj waln 'ayx tic.

A Tas Sc'ulejnac Eb' Schecab' Jesús Hechos 20:27

Yujto c'uxn xwalcn 'el jun tzo'n̈ cuynb'il yic Dios 'ayex. May junc xin c'ub'j 'el 'ayex.

Mt 28:20

Tz'ec' laj e cuy eb', sec wach' jantcn̈ej tas waljnac can 'ayex, 'oj laj syiclc eb'. An tic 'ayn 'ec' eyet' 'a smasnil tiempo, masnto 'oj lajwc 'ec' yolyib'n̈q'uinl tic, xchi Jesús 'a eb'. [B'o cab' 'ixta']

Jeremías 19:14

A yic xlajw in b'on an Jeremías in tic jun tzo'n̈ cha, in meltzj pax 'a Tofet, atn 'a 'aj in checx 'at yuj Jehová yic tz'at walnc 'el spaxti'. Xlajw cha, in 'och lin̈n 'a yamq'uil scajnub' Dios, 'ix waln 'ixtc 'a smasnil eb' chon̈ab':

Jeremías 1:17

A ticnec 'ac' ep, 'ixic, 'at al smasnil tas 'oj wac' ala'. Man̈ ach xiw 'a eb' et 'anmal cha. Toto 'oj a xiwi, 'oj ach wac' 'ib'xoc chan̈ 'a yojltac eb'.

A Tas Sc'ulejnac Eb' Schecab' Jesús Hechos 20:20

Palta eyojtac, ma'in 'och wan waln smasnil jun tzo'n̈ cuynb'il caw wach' 'ayex, yuj yoch e te'nal. C'uxn xwal-l spaxti Dios 'ayx 'a sat eb' chon̈ab', yet' pax 'a yol eyatut.

A Tas Sc'ulejnac Eb' Schecab' Jesús Hechos 5:42

Caw ma'ix yactj can eb' yaln 'el yab'xil Jesucristo 'a junjn c'u. C'uxn x'ec' yal-l eb' 'a yamq'uil yatut Dios, yet' 'a scal n̈a.

Jn 18:20

Ax Jesús, 'ix yaln 'ixtc 'a winac: —A jun tzo'n̈ cuynb'il tic, 'in 'ix wal 'elt 'a scal eb' 'anma smasnil. Smasnil tiempo tzwal 'elt 'a yol jun tzo'n̈ e capiya, yet' 'a yamq'uil yatut Dios, 'a 'ajtil tzyam sb'a eb' quit israelal smasnil. May junc tas 'ix wal 'a c'ultaquil.

Ez 3:10

'Ix yaln pax 'ayn 'ixtic: Ach 'anma', chaj ab' tas tzwal 'aych tic, tza moln 'a a nab'en.

Jeremías 36:10

'Ix yawtn win Baruc tas tz'ib'b'il 'a yojl ch'an̈ un̈ cha, yic tzyab'n smasnil eb' 'anma'. Ata xyawtj 'a jun 'amc' chan̈ yaj chan̈ 'a yatut Jehová, 'a stz'ey jun 'ac' puerta 'a 'aj 'ay scuarto win Gemarías yunnal Safán, win 'ajtz'ib'.

Jeremías 23:28

An Jehová in, an tzwala: Toto 'ay junc checb' chi 'ay tas tzwaychej, yal cab'i', to swayich. Toto a 'in paxti 'oj scha jun, to 'ixta', tz'acn cab' tzyutj yaln 'eli. Matz tac' scalx 'ixm sat trigo yet' stzapil. 'Ixta in paxti', caw man̈ smojc scalx yet' wayich.

Jeremías 7:2

'Ochn̈ lin̈n 'a sti spuertail watut an Jehová in tic, tzlajw cha, tzaln 'a eb' 'anma chi ta', to an tzwac' al 'ixtc 'a eb': E masnil ex cajn ex 'a chon̈b' Judá, ex tzex 'och 'a jun puerta tic, yic tz'at eya'nc 'emmquilal 'a Jehová, macljec eyab' jun tzo'n̈ spaxti tic.

Dt 12:32

A smasnil jun tzo'n̈ tzwalcn tic, yowlal tze b'eylb'ej, man̈ eya'ch stz'acub', man̈ eyi'l pax jab'oc 'a 'a, xchi Moisés.

Apoc 22:19

An̈jtona', toto 'ay eb' 'oj 'i'nc 'el junc tas 'a jun libro yic Dios tic, ax Dios 'oj 'i'nc 'el pax smacl eb' 'a jun te te yic q'uinl 'a jun 'ejmn̈ej. Man̈x 'a yaln eb' yic sc'och 'a schon̈b' Dios. Atn jun tzo'n̈ 'ix tz'ib'x can yab'xil 'a jun libro tic.

A Tas Sc'ulejnac Eb' Schecab' Jesús Hechos 5:25

Palta yajn̈j wal cha, 'ay pax junx winc 'ix c'ochi. 'Ix yaln 'a ewin 'ixtic: —A wal eb' xcob' eya'ch 'a preso, 'ayc' eb' 'a yamq'uil yatut Dios ticnec. Wan scuywj eb' 'a eb' 'anma', xchi winac.

Jn 8:2

Ax yic sacb'i, 'ix 'atx 'a yatut Dios jun 'ejm xo. Yic 'ix c'och ta', c'uxn xlaj c'och eb' 'anma 'a stz'ey. Ax Jesús, 'ix 'em wocan, syamn 'och scuywj 'a eb'.

Lc 19:47

Junjn c'u, 'ix c'och'c Jesús cuywjoc 'a yamq'uil yatut Dios cha. Ax ewin sat ya'mal 'och sti eb' israel 'a Dios, yet' ewin cuywjum 'a ley yic Moisés, yet' ewin yajl chon̈b' cha, 'ix sayn ewin tas tzyutj smilni.

Jeremías 42:4

In ta'w 'a eb' 'ixtic: —Inye, 'oj in tew 'a Jehová qui Diosalec chi eyu'uj, 'icha wal xeyutj e c'ann 'ayin. A tas 'oj yutc ta'wc sb'a Jehová 'ayin, 'ixta pax 'oj wutc waln 'ayex. May junc tas 'oj in c'ub'c 'eli, xin chi 'a eb'.

Dt 12:5

A 'a scal eb' eyin̈tl ax tic, ata 'oj si'l Jehová jun lugar 'aj 'oj b'inaxc sb'i, atn 'a jun lugar chi 'aj smoj 'at eya'nc 'ejm e b'a.

Jeremías 7:27

Ach xo tic Jeremías, al smasnil jun tzo'n̈ tic 'a eb', wach'xam ma'oj scha eb' yab' 'ayach.

Ez 33:7

Ach 'anma', tzach wa'ch stan̈malc chon̈b' Israel. Tzcham wal ab'n tas 'oj wal 'ayach, ach xo 'oj a paxtin in jelc 'a eb' 'anma tic.

Ez 40:4

'Ix jaw jun winc chi 'ayin, 'ix yaln 'ayn 'ixtic: Ach 'anma', tzcham wal 'a maclni tas 'oj wal 'ayach, yet' tas 'oj in ch'ox ela'. A Dios ach 'i'n cot 'a tic yic tzin ch'oxn el jun tzo'n̈ tic, tzlajw elni, ax aln yab' eb' et israelal smasnil tas 'oj el tic, xchi 'ayin.

Josué 8:35

C'uxn 'ix yawtj Josué jun tzo'n̈ ley chi 'a scal eb' yit chon̈b' cha; x'awtx yab' eb' 'ix 'ix, eb' 'unin yet' pax eb' chuc schon̈b' cajn 'a scal eb' cha.

Jeremías 1:7

'Ix yaln Jehová 'ayn 'ixtic: An Jehová in, an tzwala, man̈ ala', chajtlto quelm ach to 'unin, cojn to 'oj a 'atn̈j 'a 'ajtil 'oj ach in checa', ax aln smasnil tas 'oj wac' ala'.

Jeremías 25:2

an Jeremías in tic, schecb' Dios waji, an xwal jun tzo'n̈ paxti chi 'a smasnil eb' 'anma 'a Judá yet' 'a eb' cajn 'a yol chon̈b' Jerusalén, 'ix waln 'ixtic:

Jeremías 28:5

Xlajw cha, an Jeremías in, schecb' Dios waji, in ta'w 'a win Hananías cha, 'a sat eb' ya'mal 'och sti eb' 'anma 'a Dios yet' 'a sat smasnil eb' 'anma 'ayc' 'a yamq'uil yatut Dios cha, 'ix waln 'a 'ixtic: