Jeremías 25:7 - Chuj San Sebastian Bible

⁷ Ax ticnec tzyal Jehová 'ayx 'ixtic: Ax tic, caw matz e chaj eyab' tas tzwala. Caw tze tzuntzj cot yowl in c'ojol, yic tzeyaln e b'a 'a jun tzo'n̈ comn dios to mun ax b'ojnac. Yuj cha, mun ax tzeyij cot yailal 'a eyib'an̈, xchi Dios.

Chuj San Mateo Bible

⁷ Axo ticnaic, syal Jehová icha tic: A ex tic max yal e c'ol tze cha eyab' tas svala'. Tze tzuntzej val cot yoval in c'ool, yujto tzex och ejmelal d'a juntzan̈ e diosal tze b'o'o. Yuj chi' an̈eja' ex tzeyic'cot yaelal d'a eyib'an̈, xchi Jehová.

Jeremías 25:7 Referans Kwoze

A Ch'an̈ Schab'il Libro Yic Yab'ixal Eb' Rey 21:15

Yictax xwi'n 'elt eb' smam yichm eb' 'a Egipto, stzuntzj cotn̈ej eb' yowl in c'ojol, yuj tas maysch'olnil sb'o eb' 'a wojltac, xchi Dios.

Pr 8:36

A pax eb' matz chan 'ab'nc paxti yic jelnal, mun a eb' tzyij cot yailal 'a yib'an̈. A eb' tzpatquiln can 'el jelnal, a chaml wan yi'n cot eb' 'a yib'an̈.

A Ch'an̈ Schab'il Libro Yic Yab'ixal Eb' Rey 17:17

An̈jtona', 'ix ya'n eb' tz'a yunnal yet' yisl xajmb'al-l 'a jun tzo'n̈ comn dios cha, scuyn sb'a eb' snan 'el junc paxti', yet' 'ajchumal, 'ix swach' 'a'j 'at sb'a eb' 'a scal maysch'olnil 'a sat Jehová. 'Ixtnta 'ix yutj eb' stzuntzn cot yowl sc'ojl Dios 'a yib'an̈.

Dt 32:21

'Ix stzuntzj cot eb' wowl yuj jun tzo'n̈ sdiosal eb' to man̈ diosoc, 'ix ya'n eb' chichnc in c'ojol. Yuj jun tzo'n̈ comn dios to may jac yel'ch cha, yuj cha, 'oj wac' tz'a sc'ojl eb' yic 'oj yilnc eb' wa'n in wach'c'ojlal 'a yib'n̈ junc chon̈b' to man̈ chon̈b'oc yaln eb'. An̈jtona', 'oj in tzuntzc cot yowl eb' yic 'oj in ch'oxnc in wach'c'ojlal 'a yi'b'n̈ junc chon̈b' to mantzac nachj 'el yu'uj.

Nehemías 9:26

Palta caw stzuntzj cot eb' yowl a c'ojol, caw pit 'ix yutj sb'a eb' 'ayach, 'ix spatquilj can 'el eb' a ley. Caw 'ix tenx 'och wan eb' yuj eb' a checab', sec tzjel eb' sb'eyb'al 'ayach; yuj cha, 'ix milx cham eb' a checb' yuj eb', caw niwquil smul eb' xya'chi, yajb'entac xyutj sb'a eb'.

Jeremías 25:8

Yuj cha, a Jehová tztac' yuj smasnil, a tzaln 'ixtic: Yujto matz chaj eb' 'anma tic yab' tas tzwala,

Jeremías 44:8

¿Tas yuj tzin e tzuntzej, yuj eya'n incienso xajmb'al-l 'a e diosal, yet' 'a jun tzo'n̈ xo sdiosal Egipto tic, atn jun 'aj ex jaw cajn tic? Yuj wal jun tzo'n̈ tic, ax e lajw 'eli. 'Oj jawc catb' 'a eyib'an̈, 'oj e b'uchx yuj smasnil eb' nacion̈ 'ay 'a yolyib'n̈q'uinl tic.

2 Cr 24:19

'Ix schecn cot Jehová schecb' 'a eb', sec tzya'x 'och eb' sc'ojl 'a 'a, palta man̈xtoc xchaj eb' yab' 'a eb' schecb' Dios cha.

Jeremías 19:15

A Jehová tztac' yuj smasnil, atn jun qui Diosalec an̈ israel on̈c tic, a 'ix aln 'ixtic: 'Oj wa' cot yailal 'a yib'n̈ Jerusalén tic, yet' 'a yib'n̈ jun tzo'n̈ xo chon̈b' 'ay 'a stz'ey. A smasnil yailal 'ix walcn tic, 'oj jawc 'a eyib'an̈ yujto xeyac' pitb'oc 'el e b'a, man̈xtzac eyiclj tas tzwala, xchi Dios, xchi Jeremías.

Jeremías 22:21

An tic, 'ix wal 'ayex yic 'ipn sniwtj tas 'ay 'ayex, palta ma'ix e chaj eyab'i'. 'Ixtan̈ej xeyutj cot e b'a 'a yictax quelmal, toxn matz e nib'j tze chaj eyab' tas tzwala.

Jeremías 29:19

yujto ma'ix schaj eb' yab' tas 'ix wac' yal eb' in checab', caw niwn 'ejm xyal eb' 'a eb'. An Jehová in, an tzwala to an̈jtona ax tic, ma'ix e chaj eyab' pax jun xo.

Jeremías 44:7

Yuj cha, an Jehová in, tztac' wuj smasnil, e Diosal in, an tzwala: ¿Tas yuj tzeyij cot jun niwquil yailal chi 'a eyib'n̈ ticnec? ¿Tas yuj tzcham smasnil 'anma 'a yol yic Judá eyuj ticnec? Tzcham eb' winac, eb' 'ix 'ix, eb' 'unin, an̈jtona yet' eb' tzat 'alji, tzyal 'el'chi, man̈x 'a junc mach 'oj can 'a spitznal.

Zacarías 1:4

Man̈ e pitc e b'a 'icha yutjnac spitn sb'a eb' e mam eyichm cha. Yaljnac eb' in checb' ixtc 'a eb': A Jehová tztac' yuj smasnil, a tzaln 'ayx 'ixtic: Nac wal e b'a yuj e tu b'eyb'al, yet' yuj smasnil maysch'olnilal tze b'o'o, xchi Dios, xchi eb' in checb' cha, palta ma'ix chaj eb' yab'i', ma'ix syiclj eb'.