Jeremías 25:6 - Chuj San Sebastian Bible

⁶ Man̈ ex 'och tza'n yuj jun tzo'n̈ comn dios, man̈ eyal e b'a 'a 'a, sec wach' matz ya' cot Dios junc yailal 'a eyib'an̈. Man̈ e tzuntzc cot yowl sc'ojl Dios yuj eyaln e b'a 'a jun tzo'n̈ comn dios to mun ax e b'ojnac, xchi eb'.

Chuj San Mateo Bible

⁶ Man̈ ex b'at d'a spatic comon dios, man̈ ex och ejmelal d'ay. Man̈ e tzuntzejcot yoval sc'ol Jehová yuj eyoch ejmelal d'a juntzan̈ dios to a ex tze b'o tic, yic vach' max yac'cot junoc yaelal Jehová d'a eyib'an̈, xchi eb' schecab' chi'.

Jeremías 25:6 Referans Kwoze

Dt 8:19

Palta toto tzeyac' sat e c'ojl 'a Jehová qui Diosalec, tzex 'och tza'n yuj jun tzo'n̈ tzalx 'och diosal, tzeya'n 'e'jm e b'a 'a 'a, toto 'ixta 'oj eyutc e b'a, 'a jun rato tic tzwaln cani, to 'oj ex satl Jehová e masnil.

Jeremías 35:15

Til wal eb' in checb' in checjnac cot 'ayex, yic tzyaln eb' 'ayex, to tzeyactj can e tu nab'enal, yet' e maysch'olnilal. Matz ex 'och tza'n yuj jun tzo'n̈ xo comn dios, matz eyal e b'a 'a 'a, yic wach' tzex 'aj cajnn̈ej 'a lum lum 'ix wac' 'ayex, yet' 'a eb' e mam eyicham. Palta ax xo tic, jun 'ejmn̈ej ma'ix e chaj eyab'i', ma'ix eyiclj tas xwala.

Jeremías 7:6

Man̈x eyixtc eb' chuc chon̈b'al, eb' meb'a 'unn chamnc smam yet' eb' 'ix 'ix chamnc yichmil. Man̈x e mil cham eb' 'anma may smul. Man̈x eyac' 'emmquilal 'a jun tzo'n̈ comn dios tzex jun 'eli.

A Ch'an̈ Schab'il Libro Yic Yab'ixal Eb' Rey 17:35

A yic 'ix sb'on Jehová strato yet' eb', 'ix yaln 'ixtic: Man̈ ex xiw 'a jun tzo'n̈ xo comn dios, man̈ ex 'och 'emmquilal 'a jun tzo'n̈ cha, man̈ eyac' servil yic tzeya'n e xajmb'al 'a 'a.

Dt 6:14

Man̈ ex 'och tza'n yuj sdiosal eb' 'anma cajn 'a e tz'ey.

Jeremías 7:9

Tzex 'elc'wi, tzex milw cham 'anma', tze b'on 'ajmulal, tzeya'n cob' e ti 'a tas man̈ yeloc, tzeya'n tz'a incienso 'a jun comn dios tzcuch Baal, tzeya'n 'emmquilal 'a jun tzo'n̈ xo comn dios to may 'aj 'ix colwj 'ayex.

A Ch'an̈ B'ab'el Libro Yic Yab'ixal Eb' Rey 14:22

A Roboam yet' eb' 'anma 'aj Judá, caw wal tu tas sb'o eb' 'a sat Jehová, yel xo wal stzuntzj cot eb' yowl sc'ojl Jehová 'a yib'an̈, 'icha 'ajnc yoch smul eb' smam yichm eb'.

Josué 24:20

Toto tzeyactj can Jehová, tzeya'n servil jun tzo'n̈ comn dios, 'oj meltzjoc ya'n yowl sc'ojl 'ayex, ax e satx 'el yu'uj, wach'xam til wal tas wach' sb'o 'ayex, xchi 'a eb'.

Dt 28:14

'Ixta wal 'oj eyaji, toto matz eyij 'el e b'a 'a jun tzo'n̈ cuynb'il tic, yic matz ex 'och tza'n yuj eb' comn dios, matz eyac' pax 'emmquilal 'a jun tzo'n̈ cha.

Dt 13:2

q'uinloc tz'el'ch pax cob' junc tas tzyal cha, tzlajw cha, tzyaln 'ayx 'ixtic: Coyc wet'oc, 'at quilc wal jun tzo'n̈ xo dios mant eyojcoc; 'at ca'c 'ejm qui b'a 'a 'a, toto xchi,

Ex 20:23

Man̈ e b'o junc e diosal to oro mto plata yic tzcob' eyaln e b'a 'a 'a, tzeyaln pax e b'a 'ayin.

Ex 20:3

May cab' junc xo e diosal 'aj tzeyac' 'ejm e b'a, palta cojn 'ayin.

Jeremías 44:8

¿Tas yuj tzin e tzuntzej, yuj eya'n incienso xajmb'al-l 'a e diosal, yet' 'a jun tzo'n̈ xo sdiosal Egipto tic, atn jun 'aj ex jaw cajn tic? Yuj wal jun tzo'n̈ tic, ax e lajw 'eli. 'Oj jawc catb' 'a eyib'an̈, 'oj e b'uchx yuj smasnil eb' nacion̈ 'ay 'a yolyib'n̈q'uinl tic.

Os 1:7

Palta ax chon̈b' Judá, 'oj 'o'ch in c'ojl 'a 'a. An Jehová in tic, sDiosal in jun chon̈b' cha, an 'oj in colo', man̈oc yet' owl 'oj in colo', man̈oc yet' jul-lab', man̈oc yet' q'uen espada, man̈oc pax yet' eb' soldado 'ay q'ue 'a yib'n̈ chej, palta a yet' in poder 'oj in col eb', xchi Dios cha.

Jeremías 32:30

Yictax yel yich chon̈b' Israel, 'ix sb'eylb'ej eb' jun tzo'n̈ tas matz chaj in c'ojol, 'ixta pax eb' et chon̈b' 'ay 'a Judá. An Jehová in, an tzwala to caw matz yactj eb' stzuntzn cot yowl in c'ojol yet' jun tzo'n̈ yechl mun b'ob'il yuj eb'.

Jeremías 44:7

Yuj cha, an Jehová in, tztac' wuj smasnil, e Diosal in, an tzwala: ¿Tas yuj tzeyij cot jun niwquil yailal chi 'a eyib'n̈ ticnec? ¿Tas yuj tzcham smasnil 'anma 'a yol yic Judá eyuj ticnec? Tzcham eb' winac, eb' 'ix 'ix, eb' 'unin, an̈jtona yet' eb' tzat 'alji, tzyal 'el'chi, man̈x 'a junc mach 'oj can 'a spitznal.